Tlehhema'aá ya/Abuuse 10:24 - Biblía Axweesantá Hhohho' ar Mungú 2004

²⁴ Nee bál tsár malé alé iri hardáh Kaisarea. Amoodae Kornelio gina daamarán, nee múk do'ós gwa burumbuúr nee mulqeerose.

Ya/abtór hho' 1977

²⁴ Nee bál tsár malé alé iri hardáh Kaisaria. Amoodae Kornelio gina daamarán, nee múk do'ós gwa burumbuúr nee mulqeerose.

Tlehhema'aá ya/Abuuse 10:24 Iomraidhean Croise

ISAYA 2:3

Xoordaá yaariir nin daqayá' niri ooiya', «Qwalaasé', gusé', gawaá tloomár AAKOÓ MUNGÚ, amór doó Munguú Yakobo, as kahhó' inós tiwa intsaahhatisi lohduuwose, as kahhó' atén tawa baraá lohduuwós wa hootaan, asma baraá Siyoniro dabe nin ti'ít, nee baraá Yerusalemuro axweesantá AAKOÓ MUNGÚ a axaasaán.»

MIKA 4:2

Nee xoorduuká' yaariir niri hardihiyá' tari ooi, «Qwalaasé', a tsa/amán gawaá tloomár AAKOÓ MUNGÚ, amór Doó Munguú Yakobo. Inós atén tiri intsaahhatis lohduwose, atén niri hi'imiitaán ar baraá irwaarós.» Asma intsaahhasa baraá Siyoni ngin dáhh, nee AAKOÓ MUNGÚ axweesantós ngin baraá Yerusalemúr wa oo'.

SEKARIA 3:10

Umuú heewo dirhunge inslaawmoowós gun iigu'uus iwa hardihi dír gamuú xa'anoowós oo sabiíbu nee oo /aantsihe as wayda kuwa saqwalaala/i nee amohhooa.› Anuú AAKOÓ MUNGÚ tí ngina oó'.»

Matayo 16:13

Yesu iri tláy ay yaamaá Kaisarea Filipi. Eeharuuseerós gari yaahaás gari báy, «Muu gár i kaahi a milá daanduú Garmoó Heewo, inós a heemá?»

Luka 5:29

Laáwi muruú /aymár yaariír guri tleéhh dír do'ose as Yesu. Boo/oó úr oo ohomuusér koódi nee múk hatlá' oo nee inooín taa al/ayin i deer.

Tlehhema'aá ya/Abuuse 10:1

De'emadaádae heeko i deer oo baraá gixsár Kaisarea. Umuuwós a Kornelio, geeraharusmoó slawtá ta bay, «Askaárír Italia.»

Tlehhema'aá ya/Abuuse 10:27

Qoomár tawa axweesi, iri dáh baraá do'. Petro múk yaariír nguwa ár oo taa burumbuúr,

Tlehhema'aá ya/Abuuse 8:40

Ala Filipo kuri malé ár baraá gixsár Asótór wa ale, qoomár iwa waaraahhi Ya/abtór hho' gari alki/iít baraá gixsadu sleémeerowo, tam garwa hardáh ay Kaisarea.