Tlehhema'aá ya/Abuuse 1:6 - Biblía Axweesantá Hhohho' ar Mungú 2004

⁶ Qoomár tawa burumburiít, ya/abuuse Yesu guri yaahás guri beér, «Qoomaarí a tidá' múk Israeli kuwa waawuti'iimar'ín i ki/ísa?»

Ya/abtór hho' 1977

⁶ Qoomár tawa burumburiít, ya/abuuse Yesu guri yaahás guri beér, “Qoomaarí a tidá' múk Israeli kuwa waawuti'iimar'ín i ki/ísa?”

Tlehhema'aá ya/Abuuse 1:6 Iomraidhean Croise

IIMU/UUNGW 49:10

Yúda, hhartá waawuti'iima i baloó qutlaaká diroge, nee xwaylarók deelo sleémeero in waawuti'iín, ay dír heé waawuti'iima loó' nay hardihi, kudá' xoordu ni ilaiwawa/iya'.

ISAYA 1:26

Aníng har'ohuuseerók a /abeemáy ki/ís, adoodár bál qaro, nee hara'ayuuseerók a /abeemáy ki/ís, adoodár bál geera. Aluuwo kiíng tiri bay, ‹Gixsár hota ganaa', gixsár inkihhím.› »

YEREMIA 33:26

daqaní aníng xwaylár Yakobo nee Daudi sagadiyusmooeé' aga sií', nee heé wák u tsawaaraaká oo xwaylár Abrahamu, nee Isaka nee Yakobo ga sawaawuti'iím. Asma aníng muk'eé' un diihhooárí ki/ís nee nguri gurtláw.› »

DANIELI 7:27

Nee waawuti'iima nee aleesleemu nee uraay sleémeero oo gawaá daanduú yaamu ku haniís dír múk hhohhó' oo Munguúduú Gawa. Waawuti'iimar'ín in hotaatiín ay kureeraá kureér, nee baaluuse sleémeero gin sagadiyús nee giri ilaiwawá/.›

HOSEA 3:4

Asma múk Israeli deelór yaariire i waawutmoó kon'aaká, laqaá heé úr, laqaá ilahhooár muruú ta tsu/i, laqaá /aampa, laqaá naifeéra laqaá tam slaqsa'aá munguii'ín.

AMOS 9:11

«Baalaarihe aníng doó Daudi kudá' aa huu' u tleéhh, nee koo/idá' aa hhitirut an tleéhh, aníng sluhhaywós kudá' aa huhu'un u sihhtís, gixsadá' an malé tleéhh ngay adoodár aángií ki/ís.

MIKA 5:2

«Ala kiíng, gixsár Betilehemu, ar baraá Efrata, tam ti niinawe baráa tla/ángw gixsadaá yaariir awa tlahhoó Yudawo, ala baraawoge geeraharusmoó wák ngu sláw oo múk Israeli gu sawaawuti'iím. Iimu/úngw tlahhaywós oo iimír aáng, inós oo iimír qaro.»

SEKARIA 9:9

Kuungaá múk gixsár Siyoni qwalaala/é', kuungaá múk gixsár Yerusalemu baraa/é'. Ga/aawaak waawutmoohúng ni amorhúng i hardah, nin hardah ar bara/ nee arba/ati, ku tsatsa'aár, aa tsa/án gawaá daqwaay, gawaá gwarendmoó daqwaay, na/oó daqwaay.

Matayo 17:11

Yesu giri báy, «Ar ló', Eliya nin geerií hardah. Nee inós sleémeero gari amohhe'ees.

Matayo 20:21

Yesu gari báy, «Gár ta sla' a milá?» Aayoodá' iri ó', «Na/iieé' kuká' tsár ya/aameek niwa iwiitiya' oo wák dakók oo doó /iyáy, kuqá' dakók oo doó basáy baraá waawuti'iimaroge.»

Matayo 24:3

Tam qoomár Yesu iwa iwiít gawaá tloomár xaaiikaari ta babay seituúni, eeharuuseerós guri i daqeér dír tawa kilooín, tari oó', «Kangwsíng aténí ooang, axáy i tleehharuuti a xaylá? Nee layár ta araan a gaalá ar hardahamuuwók nee ar alhhe'eesoó yaamu?»

Marko 9:12

Yesu giri báy, «A ló' Eliya ni ala geerií hardah, nee mura' sleémeero nguwa /abeemaá i ki/isi. Ala tam adoorihe, adór taa gooín a adoomá gawaá daanduú Garmoó Heewo tidá', slahh'eemisuú yaariír nguwa slay nee kuwa waaqaqai?

Luka 17:20

Múk Farisayo Yesu guri yaahaás, «Waawuti'iimár Mungú xaylá ni hardát?» Yesu giri báy, «Waawuti'iimár Mungú binda hardát a aanda'aaká ar ila'.

Luka 19:11

Axweesantí axaasaro kawa hhe'eés, Yesu iri axweés ar slaqsaay, asma ina tseewúy bihhaá gixsár Yerusalemu, nee inooín geera ka xui waawuti'iimár Mungú aa naká/ iwa geehhouur ar gaanslaay.

Luka 22:29

Ala aníng waawuti'iima ngin dirhúng i haniís adoodár Baabá ngira aníng i haniís,

Yohana 21:21

Petro eeharusmoowí nguwa ár, Yesu guri báy, «Aáko, kwí a adoomá?»