Tlehhema'aá ya/Abuuse 1:24 - Biblía Axweesantá Hhohho' ar Mungú 2004

²⁴ Mungú kuri firín, tari oó', «Aáko, kuúng munér muu sleémeero a xú', dír mukwí tsare heé kuúng taa tsawát laqaamang,

Ya/abtór hho' 1977

²⁴ Mungú kuri firín, tari oó', “Aáko, kuúng munér muu sleémeero a xú', dír mukí tsare heé kuúng taa tsawát laqaamang,

Tlehhema'aá ya/Abuuse 1:24 Iomraidhean Croise

1 WAAWITÁ 8:39

Iia qaaseek, gawaá dooriwo didár hotaawók gurtleemu haniseek, adór hariim tleehheek, umuú heewo adór kus hariím ti tlehh, (asma kuúng kilók inslawoó baraá munér muu un xú'.)

1 QOM'I 28:9

Daudi Solomon guri báy, «Kuúng garmaaeé' Solomon, Munguú baabuúwók xueek, inós sagadiyuuseek ar muunaáwók sleémeero nee ar tsáp. Asma AAKOÓ MUNGÚ inslawoó muu sleémeero gun tsee/aarín, nee umuúqo gár ta qoomeemesi gan tsatsahhán. Barnaxes kuúng inós ugwa leeléhh u sleér, ala bar ugwa sí', inós un geexáy ay alhhe'eesay wasle.

1 QOM'I 29:17

Aníng aga xuú' adór kuúng Munguúeé' muu kur mune tsee/aariín, nee an qwalaalá/ as múk ganaá'. Aníng baraá gan'amuú muunaáeene muruuwí sleémeero nguna haniís ar muunuú /awaák, nee aníng daxta aga ár adór mukwí diirí dirií' kuúng tura ilahhooárí haniís ar muunuú /awaák nee ar qwala/.

WARA'AMI 44:21

ahaá geeraawo Mungú gaa tsaáhhiíke? Asma inós sufuú baraá mune gun xuu'.

WARA'AMI 7:9

Tlakweemaá múk tlákw mindiwa kumiitiyé', heé hotaawós ganaa'á' gawdeeseek baraá gan'amu. Kuúng, Aakoó Mungú, kudá' gan'amuú koóm, kuúng an kudá' naaqór baraá mune nee inslawoó muu gu tsee/ariím.

AXWEESANOÓ SAGALOOA 15:11

AAKOÓ MUNGÚ gi'i nee hhituru'uumaro gi ga/áy, Áx alók inslawoó baraá munér muu gun ak xuiikáhe.

YEREMIA 11:20

Ala aá AAKOÓ MUNGÚ Aleesleemusmo, kudá' sakwasleema ga adór ganaá'ár tleéhh. Kuúng munér muu nee fuqureeri'ine in tsee/aariín. Aníng masók an ár adór kuúng li/aywí ugwa bú', asma aníng umuú gaaro ngaa gawaá dabaawógií qaás.

YEREMIA 17:10

Anuú AAKOÓ MUNGÚ inslawoó muu un tsee/ariím, nee munér muu an iiaraa'ár, as kahhó' umuúqo heewo nguwa buu' ar adoodá' ir hotaatin, nee adoodá' tlehhmi'iiwós i dirii'iya'.»

YEREMIA 20:12

Aá AAKOÓ MUNGÚ Aleesleemusámo, kuúng múk gan'amuú koóm un iiaraa'át, kuúng muruú baraá munér muu nee oo baraá inslawaywo u ga/eér. Aníng masók an ár wakuuser'eé' kawa li/áy bu'. Asma tí aníng nga máw gawaá dabaawók i aleeró.

FAARO 27:16

«Aá AAKOÓ MUNGÚ, kuúng an iimu/úngw slafíngw umuúqo gár slafa. Aníng kuúng u firiím, hee qaaseek oo dinku'uumarók tí ga sagesihhmiít.

Luka 16:15

Yesu giri báy, «Kuungá' ti geehhooatimisá' dír geeraá muko, tawa kudá' hota ganaa'á'. Ala Mungú munerhúng ga xuu'. Muruudá' muu i gaárí xui, ala dír geeraá Munguhe an kudá' buhhtamís.

Yohana 21:17

Yesu iri malé oó' sagaáwa tame, «Símon, garmoó Yohane, án kuúng i slá'a?» Petro iri gurhaamuút asma adoodá' kuwa yaahaás sagaáwa tame, nguwa báy, «Án kuúng i slá'a?» Petro iri oó', «Aáko, kuúng mura' sleémeero u xú', nee kuúng aga tsáhh adór án kuúng ur slaá'.» Yesu iri oó', «Bee/angw'eé' /aymiiseek.

Tlehhema'aá ya/Abuuse 14:23

Dír umuúqo kríshaanáy iwa deero bariise kari qamín. Tari firín nee tari gwaawín. Inooín kiri geexáy baraá dabaá Aako, kudá' taa haratlintií'.

Tlehhema'aá ya/Abuuse 15:8

Mungú munér muu ga xuu'. Nee inós Qeeruú hhoohhoó' guna dir'íní haniís adoodá' ngura dirén i haniís sleeme. Gawaá adoorihe gan laqaqán adór mukdá' ngura ya/án.

Tlehhema'aá ya/Abuuse 6:6

Mukwi kuri sihhitís geeraá ya/abuuse, kuri aleefirín, kuri dabaaínií qaás.

Rumi 8:27

Nee Mungú kudá' munér muu ga xuuxu'uúm, inós gár Qeeru i slai ga tsaahh adór tar milá. Asma muruudá' Qeeru i firiirin as múk hhohhó' oo Mungú, ti slasláyá' nee sla'aarír Mungú.

Ebrania 4:13

Umuúqo gaaro ar Mungú i harslaaqati arto i káhh. Mura' sleémeero i kístí dirii', nee ku geehhoó' dír ilaawose, nee atén adór tara hootaán an dír geeraawósií kwalilimaán.

Geehhoeemaá 2:23

Nee aníng na/iiwós i faák tsu/utaaro. Nee múk kríshaanáy sleémeero gari xuu' adór aníng tar kudá' munér muu ga tsee/ariím nee inslawaywo. Nee aníng umuúqo heewo baraahunge un buú' ar adoodá' inós wa hariím as tlehhemi'iiwós kudá' aa tlehhiít.

1 SAMUELI 14:41

Gawaá adoorihe Saulo iri oó', «Aá, AAKOÓ MUNGÚ, Munguú Israeli, a milá laarí sagadiyusmoowók mus mu/aywatská? Barnaxes tlakweema i baraaeé' laqaá i baraá garmaaeé' Yonatan, aá AAKOÓ MUNGÚ, Munguú Israeli laqaamang ar loohír tsawdo ar ta bay Urimu. Barnaxes tlakweema i baraá mukók oo Israeli laqaamang ar loohír tsawdo tidá' ta bay Tumimu.» Yonatan nee Saulo kiri uhín, ala muu iri /úy.

1 SAMUELI 16:7

Ala AAKOÓ MUNGÚ Samueli guri báy, «Gitsee/awós laqaá tlenaangós mi i qaytaar, asma aníng ugwa sií'. AAKOÓ MUNGÚ adór ir xumiisi a adór mukoká, asma muu gár i ga/ay a gitsee/a, ala AAKOÓ MUNGÚ gár i ga/ay a muuná.»