Tlehhema'aá ya/Abuuse 1:20 - Biblía Axweesantá Hhohho' ar Mungú 2004

²⁰ «Asma kaa gooín baraá kitaábuú Wara'amto, ‹Hotaangós i tawó iwiiti. Slám heé baraadá' wa hoót miwa deeruút.› Slám kaa gooín, ‹Gadiyeédá' i tlehhahhiti heé hatlá' ngi oohi.›

Ya/abtór hho' 1977

²⁰ “Asma kaa gooín baraá kitaabuú Daa'ángw Bara/uwo gídaabá, ‘Hotaangós i tawó iwiiti. Slám heé baraadá' wa hoót miwa deeruut.’ Slamtí kaa gooín gídaabá, ‘Gadiyeédá' i tlehhahhiti heé hatlá' ngi oohi.’

Tlehhema'aá ya/Abuuse 1:20 Iomraidhean Croise

WARA'AMI 69:25

Dír hotaarir'ín i muu wasles, maray'ín mikiwa baloó hoót.

TLAHHOÓ LAÁWI 14:42

Naagáy tlaa/aá /aben ki didá' taa feé/ ar tleehhi, nee na/amisuú /abén ku na/aasi.

Luka 20:42

Asma Daudi inósuú kilá' baraá kitaábuú Wara'amto ina káh, ‹Aakoó Mungú Aakooeé' guna báy, Iwiít bihhaaeé' awa doó /iyáy

Luka 24:44

Aluuwo Yesu giri báy, «Kaangwí a kudá' naa káh qoomár niwa dinkwár i dirii' nee kuungá', niwa káh tidá' sleémeero taa gooín daanduueén i alé, baraá hara'ayár Mosewo, nee baraá gooír aaruuseero, nee baraá Wara'amto, gár iwa hariin aqo in bó/ sleémeero.»

Tlehhema'aá ya/Abuuse 1:16

«Hháe, Gooi gár kawa hariím aqo in bó/, tidá' Qeeruú hhoohhoó' oo Mungú aáng ira axweés ar afkú Daudi, daanduú Yudawo. Inós an kudá' múk Yésú oohár áw gwa geerahaar.

Tlehhema'aá ya/Abuuse 1:25

asma pa/aangwí nguwa oohi nee gadiyeérír ya/abusi'iima, tí Yuda aa dakuús, iri amoorós i tláy.»

Tlehhema'aá ya/Abuuse 13:33

Mungú al'axweesantós ngaa diréní boo/eés, ateéká' na/ii'ín. Adór ngira boo/eés a Yesu guna waasle/atís, adoodá' kara gooín baraá Wara'amtá tsare, ‹Kuúng a Garmaaeé', án kuúng laarí una laqwaál.›