Tlehhema'aá ya/Abuuse 1:14 - Biblía Axweesantá Hhohho' ar Mungú 2004

¹⁴ Mukwí sleémeero ina hoót ar muunuú wák baraá firooro, dinkwa nee /ameena sleeme, nee Maria aayór Yesu, nee hha'aá Yesu.

Ya/abtór hho' 1977

¹⁴ Mukwí sleémeero ina hoót ar muunuú wák baraá firooro, dinkwa nee /ameena sleeme, nee Mariamu aayór Yesu, nee hha'aá Yesu.

Tlehhema'aá ya/Abuuse 1:14 Iomraidhean Croise

Matayo 12:46

Qoomár iwa axweesi nee boo/aay, aayoorós nee hhaeewós naxés ta tsee/aá wa sihhimiit, ta axweesantá slaa' nee inós.

Matayo 21:22

Slám umuúqo gár ta firiinda'a baraá firorhunge, bar aga haratlintié', a sleerá'.»

Matayo 27:55

Nee /ameenarka yaariir i amorqá' saáw wa xumís. Inooín an kudá' Yesu ngwa eehariye' amór Galilayár wa ale, nee nguri sagadiyusiyé'.

Marko 15:40

/Ameenarka amorqá' saáw wa xuumiis i deer. A ín Maria Magdalene nee Maria aayor'ín Yakobodá' niiná nee Yose, nee tooka a Salome.

Marko 16:1

Deelór Sabaáto iwa waaráhh, Maria Magdalene nee Salome nee Maria aayór Yakobo mooyaangw kuna tlaáxw oo slaqwtá Yesu kar sliki.

Luka 11:13

Ala kuungaásingá' tlakw muruú hhó' u xuá' kuwa na/iihúng i hanmisa'. Xáy, Baabuúduú gawaá doorí dirií' i ak waaraáhhiíke Qeeruú hhoohhoó' oo Mungú nguwa haniisi dír kudá' ngu firiiriima'a.»

Luka 18:1

Aluuwo Yesu giri slaqsaywí báy as ngiwa intsaahhatisi, asma inooín gár kiwa hariím a Mungú ngun firiiriná' daqisleém, tam matawa mune sií'.

Luka 23:49

/Ameenadá' nee inós ti alkoomá' iimír Galilayár wa ale, nee kudá' sleémeero nee inós ti xuá', ta sihhimiit amorqá' saáw wa ale, muruuwí sleémeero kuri ga/áy.

Luka 23:55

/Ameenadá' nee Yesu ti al koomá' iimír Galilayár wa aleeró, tari eeharín, /aanta kari ár, nee adór slaqwtá Yesu kara qaás baraá /aantár i alé.

Luka 24:10

Nee /ameenadá' a ín Maria Magdalene, nee Yoana nee Maria aayór Yakobo, nee /ameenár hatlá' ar nee inooín ti alkoomá'. Tí an tidá' kaangwí gwa o' dír ya/abuusér i alé.

Luka 24:33

Hamtidár kilae tari tláy, tari kií/ Yerusalemu. Tawa hardáh eeharuuseedá' mibaá nee wak, taa dinkwárií burumburiít nee tidár hatlá' nee inooín aldinku'umamisá'.

Luka 24:53

Umuúqo siiwaro inooín tana baraá Doó Mungú wa iwiwiít, tawa Munguú xirfayeemisi.

Luka 8:20

Yesu kuri báy nee muu, «Aayoorók nee hhaeewók awa daaqaay ta tsee/aá wa sihhimiit, kuúng tun slaa'.»

Tlehhema'aá ya/Abuuse 2:1

Bál deelór Pentekoste iwa xeér, mukdá' haratlintii' sleémeero ta dír wák i dirii'.

Tlehhema'aá ya/Abuuse 2:42

Tari kumiít baraá intsaahhasár ya/abuusér wa ale, nee baraá dinkwár kríshaanáy, nee tam baraá muruú /aymár Aakoowo sleeme, nee baraá firooro.

Tlehhema'aá ya/Abuuse 2:46

Umuúqo deelooro tari baraá Doó Mungú i dogiitiyé' ar muunuú wák. Muruú /aymár Aako kuna /aáy dír umuúqo dó' wa ale, muruú /aymar'ín kuri /aáy ar qwala/, nee ar muunuú /awaák.

Tlehhema'aá ya/Abuuse 6:4

Atén tari kumiitaán gadiyér firooro nee alki/ituú axweesantá Munguhe.»

Rumi 12:12

Kuungá' qwalaala/é' baraá haraxu'utír wa aleeró, qiitlé' baraá slahh'amaayerhunge, kumiité' baraá firooro.

1 Korinto 14:13

Gawaá adoorihe heé axweés ar tsifrír xuaawasl, inós i firin as aleesleemuú tsifriidá' ngiwa ilaharmisi nguwa slay.

Efeso 6:18

Muruuwí sleémeero tlehhiitaak ar baraá firo, tawa firiiriinda' umuúqo daqto ar /uuruú Qeeruú hhoohhoó' oo Mungú. Gawaá adoorihe dalaaé' tawa kumita' baraá firooro, múk hhohhó' oo Mungú sleémeero kuwa aleefiriiriinda'.

Kolosai 4:2

Kumiité' ló' wa ale baraá firooro, nee ta dal'a' baraá firooro nee baraá sluufaaywo.