Tlehhema'aá ya/Abuuse 1:13 - Biblía Axweesantá Hhohho' ar Mungú 2004

¹³ Tari dáh baraá do', tari tsa/án gawaá qoroófa, amoodá' geeraawo tawa iwiwiít. Inooín a kuká': Petro nee Yohane, nee Yakobo nee Andrea, nee Filipo nee Tomas, nee Bartolomayo nee Matayo, nee Yakobó Alfayo nee Simonudá' yaamuuwós aleeslaáqw, nee Yuduú Yakobo.

Ya/abtór hho' 1977

¹³ Tari dáh baraá do', tari tsa/án amór do'dá' taa daanduú kuqá' i tleéhh, amoodá' geeraawo tawa iwiwiít. Petro nee Yohana, Yakobo nee Andrea, Filipo nee Tomaso, Bartolomayo nee Matayo, Yakobó Alfayo nee Simonudá' yaamuuwós aleeslaáqw, nee Yuda oo Yakobo.

Tlehhema'aá ya/Abuuse 1:13 Iomraidhean Croise

Matayo 9:9

Yesu iri tláy didaádae. Qoomár tawa hi'iiti Yesu heeko guna ár, aa iwiít dír doó ohme. Umuuwós a Matayo. Yesu guri báy, «Án eeharáng.» Iri tláy, guri eehár.

Marko 14:15

Inós doó úr oo qoroófaOo taa amohhe'eés ngu kuungá' i laqán. Muruú /ayma ku gawaadá' wa amohhe'esá'.»

Marko 14:33

Petro nee Yakobo nee Yohane girira tláy. Inós iri ló'wa gurhaamuút, iri amoqwaár daawitimeero.

Marko 2:14

Qoomár iwa waaraahhi, Laáwuú Alfayo guna ár, aa iwiít baraá doó ohmér koódi. Guri báy, «Eeharáng.» Laáwi iri tláy, guri eehár.

Marko 5:37

Tam heé aa ya/án i kaahh oo nee inós ti koomá', a har Petro nee Yakobo nee Yohane, hhiyoó Yakobo.

Marko 9:2

Tam alaá deelo lahhoó' iwa waaráhh, Yesu Petro nee Yakobo nee Yohane, girira tláy ay gawaá tloomár tleer inooín kilooín. Kalaywós iri warqáy dír ilaaín wa ale.

Luka 22:12

Inós qoroofár ur ngi kuungií laqán ar taa amohhe'eés. Muruú /aymár Pasaáka gawaadá' tiwa amohhe'ese'.»

Yohana 11:16

Tomas, kudá' ta babay Daangamo, iri oó' dír eeharuusér hatlá', «Qwalaasé', atén sleeme a daqawán, as tawa alqatlaan nee inós.»

Yohana 14:22

Yudaduú Iskariotiwooká iri oó', «Aáko, ahaá adór kuúng tir diréní geehhoatis a adoomá, ala misti geehhoatiská dír múk aa haratlintii'iiká?»

Yohana 18:17

Dasiidá' afkú doó ga/aw, Petro guri beér, «Kuúng a eeharusmoó wák oo heewíheéke?» Inós iri oó', «A aningeeká.»

Yohana 21:2

Simon Petro nee Tomas, kudá' ta bay Daangamo, nee Natanaeli oo Kanár Galilaya, nee daaqoó Sebedayo, nee múk tsár oo hatlá' baraá eeharuuseerose ta dinkwárí dirii'.

Tlehhema'aá ya/Abuuse 12:17

Giri kuútl ar daba' as iwa xasliitiya'. Adór Aako inós ngura baraá doó tseegamór wa duúx gari alki/iít. Iri oó', «Kaangwí amór Yakobo ti hardahase' nee hha'aá hatlá' sleeme.» Iri tláy amór hatlá'.

Tlehhema'aá ya/Abuuse 15:13

Barnaba nee Paulo tawa hhe'eés axweesanto. Yakobo iri iimu/ún iri oó', «Hhaee'eé', aníng iiárií qaasaré'.

Tlehhema'aá ya/Abuuse 2:14

Petro iri sihhiít dinkwa nee ya/abuuseedá' mibaá nee wak, iri tseé' ar afór ur iri oó', «Kuungá' múk Yahudi, nee kuungaásingaá sleémeero baraaká' Yerusalemúr hootá', axweesanay'eé' kwí iiárií qaasaak. /Aymuuwí xuaak,

Tlehhema'aá ya/Abuuse 2:38

Petro iri oó', «Hhu'u'uumé', tundu baatimiisi ar umuú Yesu Kristo, as tlakweemaahúng kiwa gurtlay, nee daqaní kuungá' Qeeruú hhoohhoó' oo Mungú u sleerá'.

Tlehhema'aá ya/Abuuse 20:8

Nee baraá do'dá' ta i burumburiitaán aslo ki ló'wa yaariir. Slám do'dá' a doó qoroofár gáwtá koóm.

Tlehhema'aá ya/Abuuse 4:13

Mukdaádá' urén oo doó kwasleema pihh'uumár Petro nee Yohane kawa ár, nee kawa tsaáhh tawa múk aa soomuusiiká, tari waa/oó/. Kari tsaáhh adór mukwí nee Yesu tar dinkwa.

Tlehhema'aá ya/Abuuse 4:19

Ala Petro nee Yohane tari oó', «A hariimáro dír geeraá Munguhe, kuungá' nuwa iiárií qaasaan ta Munguhe, kangwsíng kuungá' kiloohúng tsataak.

1 Korinto 15:7

Aluuwo Yakobo guri harati'iít, nee aluudae tay ya/abuuse sleémeero.

Galatia 1:19

Ala ya/abusmoó hatlá' naa ár i kaahh, aqo har Yakobo kilós, hhiyoó Aako.

Galatia 2:9

Yakobo nee Kefa nee Yohane inooín a uheemaá múk kríshaanáy. Inooín aleesleemuudá' taa aníng i haniís nee Mungú, kuri tsaáhh. Gawaá adoorihe aníng nee Barnaba tiri /uye leehhiyé', as tawa múk gadiyuús dinkwa nee inooín. Tari al'axweesaán aníng nee Barnaba tawa tlawaan amór múk xoordaá hatlá', nee inooín amór múk Yahudi.

Yakobo 1:1

Anuú Yakobo, lawaalmoó Mungú nee oo Aako Yesu Kristo barwaárí ngina gooiím amór tlahh'aá mibaá nee tsár awa naa diyaa/atiye' baraá yaamaá dimbadimbé. Laawayhúng.

2 Yohana 1:1

Anínguú aako barwaárí ngina amoorók i gooiím, kiíng, aáyo, kiídá' taa tsawaár, nee amór na/iiwók, kudá' naa slaá' ar baraá looeema. Heé nu slaá' a aníng kilooeeneeká, tam awa hatlá' sleémeero kudá' looeema ngi xuá' sleeme nu slaiyá'.

Yuda 1:1

Anuú Yuda a lawaalmoó Yesu Kristo nee slám a hhiyoó Yakobo. Aníng barwaárí ngina gooiím dír mukdá' taa ateét nee Mungú, kudá' taa slaá' nee Mungú Baabá, nee kiri amohhe'eemiís as Yesu Kristo.