TLAHHOÓ LAÁWI 9:4 - Biblía Axweesantá Hhohho' ar Mungú 2004

⁴ Awu nee gwaanda a ilahhooár wayda, ar ta gaasi ka dír AAKOÓ MUNGÚ ii haniisi dinkwa nee balángw taa aleedoók nee di/i. Asma AAKOÓ MUNGÚ laarí nu harati'iit.»

TLAHHOÓ LAÁWI 9:4 Iomraidhean Croise

TI'INAANGW 16:10

Qoomár Aroni iwa axweesi dír dinku'uumadár múk Israeli, inooín tana qaytsiít amór xaanxáy ale, naxés xirfuú AAKOÓ MUNGÚ nina geehhooúy ar gawaá huunki.

TI'INAANGW 19:11

Ti amohhe'eesiye' ay bál tám, asma bál tame anuú AAKOÓ MUNGÚ ni aweér gawaá tloomár Sinaírí ale, dír ilaá mukwí sleémeero.

TI'INAANGW 24:16

Xirfuú AAKOÓ MUNGÚ iri aweér gawaá tloomár Sinai, tlooma kari qiptís nee huunkáy ay deelo lahhoó'. Bál faanqwe Mungú Mose guri ateét baraá huunkáydá' wa alé.

TI'INAANGW 29:43

Aníng nee xoorór Israeli tin didaádií dogiitaán, nee xirfuueé' heémaadá' gari hhoohhoees.

ESEKIELI 43:2

Ga/aawaak, xirfuú Munguú múk Israeli niri da/aáw wa hardáh, afoorós adór kududuhoó úr oo xuraaír ma'aá yaariir, yaamu niri gwa/aatiyé' xirfuuwose.

ESEKIELI 43:27

Alaá deeloorí faanqw bira waaráhh, bál dakaát nee deelór hi'iita kaahamuusér Mungú ilahhooár da/a nee ar wayda ngin haniisiyá' gawaá kitangwduú ilahhooa. Aníng kuungá' nu ya/aám. Anuú Aakoó MUNGÚ tí ngina oó'.»

TLAHHOÓ LAÁWI 2:1

«Umuúqo heé ilahhooár bu'uungw nga huuw dír AAKOÓ MUNGÚ, ilahhooarí masók a puuruú natsaatsaá'. Heedá' ilahhooa ngaa huuw puuruúdá' gun dí/tí qaas, nee mooyángw tsuú' sleeme guri baraadií qaas.

TLAHHOÓ LAÁWI 3:1

«Barnaxes hee ilahhooarós ar wayda ar muruú ta tsu/i ga haniisár wa slaa', nee ilahhooarós ar awu laqaá slee, gaasíng tindi huwi dír geeraá anuú AAKOÓ MUNGÚ masók ka xaslxaansli wasl.

TLAHHOÓ LAÁWI 9:23

Naagáy Mose nee Aroni tari dáh baraá heémár Mungú, tawa ti'iít muu kuri tsuúq, nee xirfuú AAKOÓ MUNGÚ iri geehhooúy dír muu sleémeero.

TLAHHOÓ LAÁWI 9:3

Xoorór Israeli ka beer: Gurtuú wák slawaak as tawa ilahhooár tlakweema hingeesa, nee deelmoó bee/i taataahhaak nee dama, kuká' sleémeero masók awa kurkú wák, nee masók ki xaslxaansli wasl, as tawa ilahhooár da/a.

TLAHHOÓ LAÁWI 9:5

Xoorór Israeli muruuwí sleémeero kuri huúw dír geeraá heémár Mungú, adoodá' Mose ngira hara'ayín. Xooro sleémeero iri tseewuúr, iri sihhít dír geeraá AAKOÓ MUNGÚ.

TLAHHOÓ LAÁWI 9:6

Mose giri báy, «Adoorí an adór AAKOÓ MUNGÚ naa hara'ayín ar ta tlehha' as xirfuuwós nguwa dirhúngí laqan.»

FAARO 14:10

Ala dinku'uumadá' sleémeero tlaa/e gina lak taatáhh as mukdá' kuwa tlaquuti. Xirfuú AAKOÓ MUNGÚ niri gaanslár hardáh, heémár Mungú gari tuuntuúk dír geeraá múk Israeli sleémeero wa ale.

FAARO 16:19

Aluuwo Kora muu sleémeero guri dinkwaárí burumbuúr, tari sihhiít dír geeraá Mose nee Aroni, kudá' dír afkú heémár Mungú i diriiá'. Nee xirfuú AAKOÓ MUNGÚ iri geehhoúy dír dinku'uumadá'!