TLAHHOÓ LAÁWI 9:3 - Biblía Axweesantá Hhohho' ar Mungú 2004

³ Xoorór Israeli ka beer: Gurtuú wák slawaak as tawa ilahhooár tlakweema hingeesa, nee deelmoó bee/i taataahhaak nee dama, kuká' sleémeero masók awa kurkú wák, nee masók ki xaslxaansli wasl, as tawa ilahhooár da/a.

TLAHHOÓ LAÁWI 9:3 Iomraidhean Croise

IIMU/UUNGW 37:31

Naagáy inooín deelmo nguri gaasiyé', hiyayduú Yosefu kuri baraá tseeredí luhhuús.

ESRA 10:19

Inooín nina ya/ané' /ameenadá' kawa guusi nee as adoodá' tawa dakuús, gwaanda nguri duuxiyé' as dakuúsar'ín.

ESRA 6:17

Inooín do'owí oo Mungú kuwa aldafin inooín ilahhooa awe tsiiruú wák kana haniís, gwaandaawe tsiire tsár, nee deeloó bee/aangw tsiire tsiyáhh as hingemisuú tlakweemaá múk Israeli sleémeero, nee gurtaawe mibaá nee tsár ar adoodá' faarór tlahh'aá xoorór Israeli i diri'iya'.

TI'INAANGW 12:5

Deelmoohúng kwisíng oo bee/i masók i xaslxaanslír konká, gwaanduú kurkú wák un sleerá' laqaá gurta.

ISAYA 53:10

Tam adoorihe AAKOÓ MUNGÚ guna slaá' nguwa slahh'eemisi, guri gurhaamír ar áy. As hhiintluuwós nguwa duúx tawa ilahhooár tlakweés hingeesa, xwaylarós ga ar adór kar hota tleér. Inós an kudá' sla'aarír AAKOÓ MUNGÚ ga boo/eés.

TLAHHOÓ LAÁWI 10:16

Naagáy Mose gurtuú ta ilahhooár tlakweema hingeesár wa haniisi guri xuuxuú', guri tsaáhh adór kura daá/, asla guri fák. Iri buúhh dír Eleasari nee Itamari, daaqoó Aroni kudá' aa qatliiká, giri yaahaás,

TLAHHOÓ LAÁWI 12:6

«Baalaarós ar hhohhoeesa bira bó/, na/aay bar garma laqaá bar dasi, deelmoó bee/i oo kurkú wák gun húp dír kaahamusmoó Mungú, dír afkú heémár Mungú, as tawa ilahhooár da/a. Na/oó hhooki ngun húp sleeme, kaahamusmo guri haniis geeraá Mungú as tawa ilahhooár tlakweema hingeesa.

TLAHHOÓ LAÁWI 14:10

«Bál dakaate deelmoó gwaanda oo xaslxaansli wásl, nee dareemír kurkú wák ar xaslxaansli wasl, nee kílo tám ar puuruú natsaatsaá' oo taa dí/tí aleedoók, as ilahhooár bu'uungw, dinkwa nee di/tá niina ar tlaqtá liíta gaa eeriiká ngiri huuw.

TLAHHOÓ LAÁWI 16:15

«Aluuwo gurtuú ilahhooár tlakweema hingeesa guri gaas as muu sleémeero. Tseerér gurtuudá' gari baraádií huúw, didá' ak hhoohhoo', ar adór tseerér awu ngaa /imiís, gari hikimiís gawaá kitángw gurtleemu nee amór geeraá kitaango.

TLAHHOÓ LAÁWI 16:5

«Baraá muruuduú xoorooro gurtaawe tsár gari taataahh, nee gari haniis as ilahhooár tlakweema hingeesa, nee gwaanduú wák as tawa ilahhooár da/a.

TLAHHOÓ LAÁWI 23:12

Baalaasíng ufeedá' ngiwa hanisa' dír anuú AAKOÓ MUNGÚ, ilahhooár da/a ar deelmoó gwaanda oo xaslxaansli wásl, oo kurkú wák, ngun hanisá' sleeme.

TLAHHOÓ LAÁWI 4:23

Inós burkwa xu'utís tlakweemaawós kudae, inós gurtuú xaslxaansli wásl ngu haniisi, tawa ilahhooarós ar tlakweema hingeesa.

TLAHHOÓ LAÁWI 4:3

Barnaxes heé adoosíng gaa tleehh a kaahamusmoó Mungú, kudá' taa iimbalaáx ar di/i, inós gár kuwa hariím a awuú niiná oo xaslxaansli wásl gun ilahhooár wa haniis dír AAKOÓ MUNGÚ as tlakweemaadá' hingeesa.

TLAHHOÓ LAÁWI 9:2

Mose Aroni guri báy, «Tsa/atamoó awu taataahheek, as ilahhooár tlakweema hingeesa, nee gwaanda as ilahhooár da/a, muruuwí masók ku xaslxaansli wásl. Daqaní ki hanís dír AAKOÓ MUNGÚ.

TLAHHOÓ LAÁWI 9:4

Awu nee gwaanda a ilahhooár wayda, ar ta gaasi ka dír AAKOÓ MUNGÚ ii haniisi dinkwa nee balángw taa aleedoók nee di/i. Asma AAKOÓ MUNGÚ laarí nu harati'iit.»

Rumi 8:3

Asma muruudá' hara'aya i aleesleeraaká tlehhmuuwo, muruudá' Mungú guna tleéhh. Asma hara'aya i /uuruú koondaaká, as adoodá' slaqoorén iwa tlakweemaá slaiya' tlehhmuuwo. Ala Mungú Garmaawós oo kilá' nguna ya/aáw. Inós slaqwa gari sláy ar slaqás nee tidár múk tlakweemaá koóm. Gawaá adoorihe Mungú tlakweema giri sakwasleemuút baraá slaqoorén awa tlakweemaá koomá'.

2 korinto 5:21

Heedaádá' tlakweemaá xuaaká, Mungú heedaádá' guna tlakweema tleéhh as atén, as atén tiwa gan'amií harafaari dír geeraá Munguhe ar loohír inós.

Tito 2:14

Inósuú kilá' slafiingós nguna haniís as daandeemoorén, as atén tiwa ba/amisi baraá tlakweema sleémeerowo, nee atén tiri múk hhohhó' tleehh, nee tawa mukós kudá' tlehhema'aá hhohho' ngi tlehhiitá' ar ilakaaharu.

1 Petro 2:24

Kristo inósuú kilá' tlakweemaarén gina gagaár ar gawaá slaqwtós ay gawaá msalaába, as kahhó' atén tawa adór múk aa qaatl baraá tlakweemaawo, nee slám atén masók a múk slaáf baraá gan'amuuwo. Kuungá' tunduri hungu/uús as inkahhi'iidá' inós aa sláy.

1 Petro 3:18

Tam Kristo sleeme ina gwaá' as tlakweema. Ina gwaá' sagaáwa wák wa ale as tlakweema sleémeero. Inósuudá' gan'amuú koóm kuna slahh'eemiís as mukdá' gan'amuú koomaaká, as inós atén tiwa huwi amór Mungú. Slaqwtós kana gaás, ala kuri waaslee/atís ar Qeeru.

Geehhoeemaá 5:9

Inooín daa'ángw /abén ngun daaiyá', tawa kaahi, «Kuúng a hariín kitaábu kuwa taatahh nee dugeeniiwós kudá' ki qaás kiwa gwet, asma kuúng tuna gaás, nee ar tseereeroge muu una tláxw as Mungú, múk umuúqo tlahhaywo nee umuúqo tsifriro, nee umuúqo mar'eefo nee umuúqo xoorooro.