TLAHHOÓ LAÁWI 8:7 - Biblía Axweesantá Hhohho' ar Mungú 2004

⁷ Naagáy Aroni guri tsiitiís ar hiyaay, guri himuú afeetló i tseék, nee guri hiyoó niiná i dahaás, guri tsiitiís ar naifeéra, gari tseék gawaá afeetlo ar himuudá' taa parootuús.

TLAHHOÓ LAÁWI 8:7 Iomraidhean Croise

TI'INAANGW 28:2

Kuúng daqaní hhiyaawók Aroni ku tlabaá hhohhó' i tléhh, kahhó' bar ku ga/áy tawa heé xiríf nee oo hhoohhoó'.

TI'INAANGW 28:4

Tlabaá ta tleehhi a kuká': Tlakwayduú gawaá da/eewo nee naifeéra nee hiyoó ququmaár, nee hiyaydá' tleér taa qaalín, nee kofiyá nee himuú afeetlo. Tlabaaká' hhiyaawók Aroni nee daaqaywose kin dahamiis as kahhó' tawa kaahamuusér aníng i sagadiyuus.

TI'INAANGW 28:6

«Inooín naifeéra ngi tleehhiye' ar neewór sahaábu, nee neewór se'éngw bee/aangw ar sirbo/, nee ar sirdaa/aaten, nee ar da/aten, nee ar kitaánír hhohho' ar taa ló'wa hhuútl.

TI'INAANGW 29:5

Aluuwo tlabaadaá kahamuusi'iima ki Aroni dahás, hiyaydá' tleér nee kudá' ququmaare, nee naifeéra nee tlakwayduú da/eewo. Himuudá' taa tleehhamo hhe'eés oo naifeéra ku afeetloowós i tsék.

ISAYA 61:10

Aníng an ló'wa qwalalaá/ baraá AAKOÓ MUNGÚ wá ale. Muunaáeé' i baraa/ as Munguúeé', asma inós aníng iga uuntsuús ar tlabaá ba/ama, iga hotaá ganaa'ár tsiitiís adór hiyaay. Adoodá' garmoó duxuxuúm tir parootumamisi ar slamángw /ayo, nee adór dasír ta duxuuti tir parootumaamis, ar kwaslaá tlaxo gawden.

ISAYA 61:3

Kudá' tsuunqumiisá' baraá Siyoniro. Slamángw /ayo nguwa slaya' kitángw da/araro. Di/tá qwala/ ngiwa haniis kitángw tawa tsuunqumiisi. Tlabaá xirif ngiwa haniis kitángw muneesi'imaawo. Daqaní inooín kin bay «Ti'itaawér hota ganaa'. Dahaasíngw AAKOÓ MUNGÚ, as kahhó' inós kuwa xirfayeesi.»

ESEKIELI 42:14

Kaahamuuseedá' aa gadiyus didá' hhoohhoó' wa ale qoomár bir ti'inángw slaiyá' amoodár afeenír tsee/a, tlabaaín ngi baraadií duuxiyá', kudá' aáng naa dahaasiyé' qoomár iwa AAKOÓ MUNGÚ sagadiyusiya', asma tlabaadá' ki hhohho'. Inooín in hariná' tlabaaín ngiwa duuxiya' qoomár tawa ti'itiiká amór dinku'uumár múkwií alé.»

Rumi 13:14

Ala kuungá' Aako Yesu Kristo na oohaak tawa baqamorhúng, nee slám ma kumiitara' ilatleerír slaqoohúng kawa tleemisa'.

Rumi 3:22

Mungú gan'amuuwí gun hanmiis dír umuúqo heewo oo Yesu Kristo gwa haratlintii'. Ku hanmiis dír umuúqo heewo as haratlintaao. Asma barqaanti i káhh.

Galatia 3:27

Asma kuungaásingá' sleémeero awa taa haragaás nee Kristo ar loohír baatiísmo, kuungá' Kristo ugwa tsité' adór inqwaarír wa ale.

1 SAMUELI 2:28

Múk do'ós una tsawaár baraá tlahh'aá Israeli sleémeero tawa kaahamuuser'eé', iwa tsa/ana' didár kitángw ilahhooa kawa hanmamisi, nee mooyágw tsuú' nguwa tleesiyá' nee hiyaydá' ta bay naifeéra nguwa dahamisiya, dír geeraaeé' wa ale. Ahaá aníng ilahhooa sleémeero ar xoorór Israeli naa hanís dir'eéní ale ar loohír da/a/aangw aga hanisikáhe dír múk doó baabuúwók?