TLAHHOÓ LAÁWI 8:23 - Biblía Axweesantá Hhohho' ar Mungú 2004

²³ Mose gwaanduudá' guri gaás, tseereerós gari sliík gawaá ságw iiár Aroni ar doó /iyáy, nee gawaá dugunoó dákw doó /iyáy, nee gawaá dugunoó yaaér doó /iyáy.

TLAHHOÓ LAÁWI 8:23 Iomraidhean Croise

TI'INAANGW 29:20

Daqaní ku gás, tseereerós ka bahh taatáhh, ka slík ar sagér iaá doó /iyáy awa Aroni nee awa daaqaywós, nee dugeenaá dabér doó /iyáy, ka male slík nee ar dugeenaá ya'aá doó /iyáy, tseerér aa met ka hikimís gawaá kitangwduú ilahhooa baduuwós sleémeero.

TI'INAANGW 29:21

Tseereedár gawaá kitángw ilahhooárí dirii' ka bahh taatáhh, nee di/tadár iimbalaxaango ka tsipipi'ís gawaá Aroni nee gawaá tlabaawós, ka male tsipipi'ís gawaá daaqaywós nee gawaá tlabaaín. Daqaní Aroni nee daaqaywose kaa hhoohhooeés tawa kwe'eé' nee sleémeero.

TLAHHOÓ LAÁWI 14:14

Kaahamusmoó Mungú tseerér niiná ar ilahhooár dakuús hingeesa gan taataahh, gari sliik gawaá ságw iiár doó /iyáy nee dugunoó dákw doó /iyáy, nee dugunoó yaaér doó /iyáy as heedaádá' kuwa hhoohhooeesi.

TLAHHOÓ LAÁWI 14:17

Naagáy di/tá aa met baraá tsa/aywós gari sliik gawaá ságw iiár doó /iyáy nee gawaá dugunoó dákw doó /iyáy, nee gawaá dugunoó yaaér doó /iyáy ar heedaádá' ta hheehhe'eesi, dír aa sliík a didá' aa geerií sliík ar tseereedár ilahhooár dakuús hingeesa.

TLAHHOÓ LAÁWI 14:25

Kaahamusmoó Mungú gwaanduudá' niiná oo ilahhooár dakuús hingeesa, guri gaas, kaahamusmo tseerér niina gari sliik gawaá iiár doó /iyáy ar heé ta hheehhe'eemisi, nee gawaá dugunoó dákw doó /iyáy, nee gawaá dugunoó yaaér doó /iyáy.

TLAHHOÓ LAÁWI 14:28

Kaahamusmoó Mungú heedaádá' ta hhehhe'eemisi guri sliik ar di/tadá' ságw iiár doó /iyáy, nee dugunoó dákw doó /iyáy, nee dugunoó yaaér doó /iyáy, wa/ameedá' aáng aa geerií slikín ar tseerér ilahhooadár dakuús hingeesa.

TLAHHOÓ LAÁWI 7:37

Gawaá adoorihe, gaarí an dabér ilahhooár da/a, nee ar ilahhooár balaangw, nee ar ilahhooár tlakweema hingeesa, nee ar ilahhooár dakuús hingeesa, nee dabér paraatla, nee ar ilahhooár wayda.

Rumi 12:1

Gawaá adoorihe hhaee'eé', aníng kuungá' nun harhheehhe'eés as gurtleemuú Mungú, kuungá' slaqoohúng na haniisaak iwa ilahhooár slaáf tleehhitiya', tidá' hhoohhoo' ar Mungú gu qwal/atimis. Gaarí an sluufmisuuhúng kudá' gídaabár koóm.

Rumi 6:13

Nee slám kuungá' slaqoohúng mi hanmiisara' as kiwa ar gadiyuusi nee tlakweema, tawa adór xooslár tlehhma'aá ganaa'a'aaká. Ala kuungá' ti kiloohúng hanise' dír gadiyér Mungú i alé, as kuungá' Mungú kuwa sagadiyusa' ar slaqoohúng, slaqoohúng tawa adór xooslár tlehhma'aá ganaa'á'.

Rumi 6:19

Tí ana oó' ar slaqsoó slafíngw muu, asma kuungá' kawa tsatsahhaanda'aaká. Kuungá' aáng slaqoohúng ina hanisé' kiwa ar gadiyuusi nee slasla/ara nee dee/aanu. Tlehhmuú adoorí dee/aanu nguri huúw baraá slafingwhunge. Ala hám daxta kuungá' slaqoohúng na haniisaak kiwa ar gadiyuusi nee gan'amu. Tlehhmuú adoorí gár ni huwi a hhoohhooeesa.

1 Korinto 1:2

amorhúng i alé, kuungaásingá' kríshaanáy, awa baraá yaamaá Korintór i diriia'. Kuungá' a múk Mungú gwa haratlintii'. Kuungá' tunduna hhoohhooeés ar baraá Kristo Yesu, tunduri ateét, as tawa múk hhohhó' oo Mungú, dinkwa nee mukdá' sleémeero oo Aakoorén Yesu Kristo gu ateetiím umuúqo diiro. Inós a Aakooín, nee slám a Aakoorén.

1 Korinto 1:30

Ala kuungá' a baraá Kristo Yesu i dir'á'. Adoorí heé gaa tleehh a Mungú. Mungú Kristo Yesu guna sagalooarén tleéhh. Slám inós a gan'amuurén, nee hhohhoaarirén nee gweermoorén.

1 Korinto 6:20

Asma inós kuungá' nuna tlaáxw ar tlaxór ur. Gawaá adoorihe, kuungá' Mungú xirfayeemisaak ar slaqoohúng.

Filipi 1:20

Gár án ni harahhiif a tí, aníng a baloó muruutaaká baraá umuúqo gaaro. Asma umuúqo gaaro ar án ni slaw xirfuú Kristo gu laqaán ar geehhooeema dír muu sleémeerowo, adoodá' Kristo kura xirfayeés aáng, nee tam hamí sleeme kuqo xirfayees, as muruudá' án ni slaw barnaxes ar slafingw'eé' laqaá ar gwa'arar'eé'.

Filipi 2:17

Ala haratlintaaorhúng a ilahhooár án ni hanmiis dír geeraá Mungú i alé. Bar adór garka tseerer'eé' iwa ku'uta gawaá daanduú ilahhooarí, aníng a qwalaá/ sleeme. Slám qwal/uueé' kwí ngway qasiís dirhúng i alé.

1 Tesalonike 5:22

Ti paratle' dír umuúqo gár tlaakwe.

Ebrania 2:10

Mungú an kudá' mura' sleémeero gwa tleehh, nee slám inós an kudá' mura' sleémeero gu amohhe'eemiís. Slám Mungú gana slaá' na/aá yaariir ngiwa hardahaasi dír xirfií alé. Gawaá adoorihe, dirose a gár hariim Yesu nguwa bu'utisi ar loohír slahh'amaaye. Asma Yesu an kudá' muu gu geerahaár amór ba/ama.

Ebrania 5:8

Inós a Garmoó Mungú. Ala tam adoorihe inós iialooemis guna intsaatsaáhh, as adoodá' kuwa slahh'eemiís.