TLAHHOÓ LAÁWI 7:32 - Biblía Axweesantá Hhohho' ar Mungú 2004

³² Yaaér doó /iyáy ar alu ar sleedár ilahhooár wayda an kaahamusmoó Mungú i hanisá'.

TLAHHOÓ LAÁWI 7:32 Iomraidhean Croise

TI'INAANGW 29:27

«Qoomár kaahamusmoó Mungú bar ku paraatl as Mungú, da/eewo nee manguduú alu oo gwaanduudá' taa kaahamusmór paraátl, kingi amor'eení huwi as kiwa paraatli ar loohír kiwa gáwtí tleesi, daqaní kari hanís dír Aroni nee daaqaywós.

TLAHHOÓ LAÁWI 10:14

Ala fu'unaá da/eewo nee awa yaae awa ilahhooár ta gáwtí tleesi kawa haniisi dír AAKOÓ MUNGÚ, i aleesleerá' kiwa /aga' umuúqo dír hhoohhooe, kuúng nee na/iiwók awa daaqaay nee awa dasuuwo. Muruuwí an hariímarók nee xwaylarók, kwí tinda haniís as ilahhooár wayda nee múk Israeli.

TLAHHOÓ LAÁWI 7:33

Yaaeedá' tari ar kaahamusmoó Mungú oo xwaylár Aroni, kudá' tseerér ilahhooár wayda nee wahhnaaro gi hanmamiís.

TLAHHOÓ LAÁWI 7:34

Asma anuú AAKOÓ MUNGÚ da/eewodá' taa haniís tawa ilahhooár ta gáwtí tleemisi nee yaaeedá' taa ilahhooár wa haniisi baraá ilahhooar'ín tidár wayduwo, aga hara'ayiím múk Israeli ngiwa haniisi dír kaahamusmo Aroni nee xwaylarós. Asma fu'unayká' kina dír kaahamuusér Mungú ii haniís ay alhhe'eesay wasle.

TLAHHOÓ LAÁWI 9:21

Ala de/eewo nee yaaér doó /iyáy Aroni giri gáwtí tleés as ngiwa haniisi dír AAKOÓ MUNGÚ ar adoodá' Mose ngura hara'ayín.

FAARO 5:9

Umuúqo ilahhooár hhoohhooe nee qeemuuwo, kudá' hhohhó' kudá' ta huwi amór kaahamusmoó Mungú, ilahhooarí sleémeero tari ar kaahamusmoowí.

FAARO 6:20

Aluuwo kaahamusmoó Mungú ilahhooarí gari gáwtí tlees as kawa haniisi dír AAKOÓ MUNGÚ. Muruuwí sleémeero hhohhó' oo kaahamusmoó Mungú dinkwa nee da/eewo, kudá' taa gáwtí tleés nee /aaramoó yaae, kudá' taa ilahhooár wa haniís. Alaá kaangwí sleémeerowo heedaádá' al'axweesani gaa oo' difaái ngiwa wahi i qoón.

DABE 18:3

«Gaarí an hariimár kaahamuusér Mungú: Muruudá' ta ilahhooár wa tsu/i, adór hikwa, nee bee/aangw, kaahamuusér Mungú ya'aá geera ngi sleer, nee taqeesama' nee xooslár gura'.

1 SAMUELI 9:24

Naagáy huurusmo tluu/uuduú yaaér alu guri óh, nee fu'unaydá' gawaadí diriiá' giri qaás dír geeraá Saulo. Samueli iri oó', «Too aáng taa alúr óh an tí! Kinga dír geeraawók i qaás, /ayeek, asma kana amohhe'eés as kuúng as qoomaarí, asma una báw, ‹Dahaaye aga dahi'ís.› »