Biblia Todo Logo
Bìoball air-loidhne

- Sanasan -




TLAHHOÓ LAÁWI 7:21 - Biblía Axweesantá Hhohho' ar Mungú 2004

21 Umuúqo heewo oo gár slasla/aar gaa kwatiit, laqaá gár hee ar slasla/aar, laqaá makiito'ór slaasla/aar, laqaá umuúqo makiito'ór ta waki, fu'unaá taa ilahhooár wayduú wa haniís dír AAKOÓ MUNGÚ birnga /aáy, heewí ku baynitisi dír xooroorós ar Israeli.»

Faic an caibideil Dèan lethbhreac




TLAHHOÓ LAÁWI 7:21
31 Iomraidhean Croise  

Umuúqo hhawaata oo ta hheehhe'eesiiká kun paraatl dír mukose, asma alqador'eé' gaa boo/eesiiká.»


«Mikaátér taa sluuftisiiká an /agá' deelo faanqw. Bál geeraawo muruudá' taa sluuftís sleémeero un duxá' baraá marayhunge, asma umuúqo heé gár taa sluuftís gaa /aay iimír bál geraá wá ale ay bál faanqw, heé adoosíng a tlatlahhasa baraá xoorór Israeliwo.


Baraá deeloosíng faanqwe gár sluuftimis miwa deerút baraá marayhunge, asma umuúqo heé gár taa sluuftís gaa /aay, heesíng aqo kun tlatlahhaas dír múk Israeliwo, a gaarooká inós bar hoomo laqaá bar heé Israeli.


«Gawaá adoorihe kibeeto, Anuú Aakoó MUNGÚ a kah, Kuungá' fu'unaay in tseerér al/agá', nee slaqsi'iidaá mungui in sluufmisá', nee tseerdu in tawo ku'umisá', xáy, ka xua' yaamuuká' kingiqo kuungá' i tsuwa haniísi?


Aníng nguri báw, «Aá Aakoó MUNGÚ! Aníng taa baloó meetagaasiiká as tuua ngiwa /aay, laqaá gár makiito'ór sla/a aa ót, laqaá tam fu'unaá makaá slasla/aren iga /ayiiká iimír tawa na/oó niiná.»


«Makaydá' sleémeero awa hhampa'aá koomá', nee awa ya'a tsiyáhh, kuká' ki waak dirhunge.


AAKOÓ MUNGÚ Mose guri báy,


«Hee tam gaalá oo xoorór Israeli, laqaá hoomoó ayaaín wa hoót, oo tseere gaa /ayi, heedaádá' aníng u alkoóm nee nguri baynitís dír mukose.


Asma slafíngw umuú gaaro i baraá tseere, an gár xoorór Israeli ngisa báw, ‹Tseerér umuú makiito'ooro ka waak /aymaaro, asma slafíngw umuú gaaro i baraá tseere.›


Muu sleémeero oo muruudá' ta waki gu tlehhiít a gár hariím kun baynitimis dír muk'ín wa aleeró.


Heé fu'unaydá' gaa /aay taa dahaás baraá tlakweema, asma gadaádá' hhoohhoo' ar AAKOÓ MUNGÚ gaa slasla/areés. Heewí gár kuwa hariím a kun baynitis dír múk Munguhe.


Aníng heedaádá' un hara sihhiít, ngway baynitís dír muk'eene, as na/aywós nguwa ilahhooár wa haniís dír munguú ta bay Moloki, nee adoodá' dir'eé' tidá' hhoohhoo' nee umuueé' kudá' hhoohhoó' nguwa slasla/areés.


Inooín kaangwí baweek, barnaxes heé wák baraá xwaylarhúng sleémeero oo meetaá koóm, aa tseewúy dír muruudá' hhohhó', kudá' xoorór Israeli aa parátl as anuú AAKOÓ MUNGÚ, heedaádá' dir'eene kun baynitis. Aníng an AAKOÓ MUNGÚ.


«Heé xwaylár Aroni bir tiiq tiqtír tsatmituuwo, laqaá bir malalaahh as tiqtír tsaatu'uuma, muruú hhohhó' munguwa /aáy ay dír i hhoohhoouy. Umuúqo heewo oo heé taa meetagaas as tuua ngiwa kwatiít, gwa kwatiit, laqaá heé aa pisahhaat gwa kwatiit,


Umuúqo heewo oo baalaarihe aa gwaawinká gár kuwa hariím a kun baynitis dír mukós oo Israeliwo.


Ala umuúqo heewo oo ta harmeetin oo fu'unaá sleedá' taa ilahhooár waydú wa gaás dír AAKOÓ MUNGÚ gaa /aay, ku baynitisi dír xooroorós ar Israeli sleémeero.


AAKOÓ MUNGÚ Mose guri báy,


Hee tam gaalá bar wahhnár slér taa ilahhooár da/tá wa haniís dír AAKOÓ MUNGÚ gaa /aáy, kun baynitis dír xooroorós ar Israeliro.


Umuúqo heewo oo tseere gaalá gaa /aay kun baynitis dír xooroorós ar Israeliro.»


Umuú gaa ar taa kwatiít nee heé baraá meeta, aqo in meetaagwá', nee heé gadaádá' gaa kwatiit aqo in baraá meeta ay tsiindo.»


Ala umuú gaa tidá' slaaf, ar baraá ma'aá hoot ar kik'a koomaaká nee qafoowo mi /ayaara'. Inooín ki waak dirhunge.


«Gár Mungú gu buhhtamis ma baloó /ayaara'.


Baalaadae, Saulo gár aa oó' i káhh, ina baraawósí oó', «Doóqa gár gwaa ila/ i deer, dooqa laarí i harinká /aymarí ngiwa ay, ala looeemaawo kuqo tsuwa hhoohhoeeká.»


Lean sinn:

Sanasan


Sanasan