TLAHHOÓ LAÁWI 7:20 - Biblía Axweesantá Hhohho' ar Mungú 2004

²⁰ Ala umuúqo heewo oo ta harmeetin oo fu'unaá sleedá' taa ilahhooár waydú wa gaás dír AAKOÓ MUNGÚ gaa /aay, ku baynitisi dír xooroorós ar Israeli sleémeero.

TLAHHOÓ LAÁWI 7:20 Iomraidhean Croise

IIMU/UUNGW 17:14

Umuúqo hhawaata oo ta hheehhe'eesiiká kun paraatl dír mukose, asma alqador'eé' gaa boo/eesiiká.»

TI'INAANGW 30:33

Heé di/tá adór tí gaa tleehh nee heé di/tí gaa heé iwa harindaakár iimbalaax, heé adoorí gaa tleehh a baynitisa.› »

TI'INAANGW 30:38

Heé mooyángw daa'awtí gwaa tleehh as slikiingós a baynitisa.»

ESEKIELI 33:25

«Gawaá adoorihe kibeeto, Anuú Aakoó MUNGÚ a kah, Kuungá' fu'unaay in tseerér al/agá', nee slaqsi'iidaá mungui in sluufmisá', nee tseerdu in tawo ku'umisá', xáy, ka xua' yaamuuká' kingiqo kuungá' i tsuwa haniísi?

TLAHHOÓ LAÁWI 18:29

Muu sleémeero oo muruudá' ta waki gu tlehhiít a gár hariím kun baynitimis dír muk'ín wa aleeró.

TLAHHOÓ LAÁWI 19:8

Heé fu'unaydá' gaa /aay taa dahaás baraá tlakweema, asma gadaádá' hhoohhoo' ar AAKOÓ MUNGÚ gaa slasla/areés. Heewí gár kuwa hariím a kun baynitis dír múk Munguhe.

TLAHHOÓ LAÁWI 20:3

Aníng heedaádá' un hara sihhiít, ngway baynitís dír muk'eene, as na/aywós nguwa ilahhooár wa haniís dír munguú ta bay Moloki, nee adoodá' dir'eé' tidá' hhoohhoo' nee umuueé' kudá' hhoohhoó' nguwa slasla/areés.

TLAHHOÓ LAÁWI 23:29

Umuúqo heewo oo baalaarihe aa gwaawinká gár kuwa hariím a kun baynitis dír mukós oo Israeliwo.

TLAHHOÓ LAÁWI 7:19

Umuúqo fu'unaywo awa taa gár slasla/aár ár kwatiít mikiwa /aáy, ki da/i ar asla. Ala fu'unaá hatlá' kin /aay nee múk hhohhó'.

TLAHHOÓ LAÁWI 7:25

Hee tam gaalá bar wahhnár slér taa ilahhooár da/tá wa haniís dír AAKOÓ MUNGÚ gaa /aáy, kun baynitis dír xooroorós ar Israeliro.

TLAHHOÓ LAÁWI 7:27

Umuúqo heewo oo tseere gaalá gaa /aay kun baynitis dír xooroorós ar Israeliro.»

FAARO 19:13

Heé tuaa gaa kwatiit, slaqwtá heé aa gwaa' barnaxes taa hheehhe'eesiiká, inós heémár AAKOÓ MUNGÚ ga meetagaas, inós ku paraatli nee múk Israeli. Hee aqo kun baynitis asma kwaa ma'aydaá hheehhe'eesárí hikiisiiká, nee meetaawós in kumaamitiyá'.

1 Korinto 11:28

Gawaá adoorihe umuúqo heewo ti kilós alqaytsiti, daqaní mukaatmo ngu /ayi nee gár baraá xooslmoodá' ngi wahi.

1 SAMUELI 20:26

Baalaadae, Saulo gár aa oó' i káhh, ina baraawósí oó', «Doóqa gár gwaa ila/ i deer, dooqa laarí i harinká /aymarí ngiwa ay, ala looeemaawo kuqo tsuwa hhoohhoeeká.»