TLAHHOÓ LAÁWI 7:2 - Biblía Axweesantá Hhohho' ar Mungú 2004

² Sleedár ilahhooár dakuús hingeesa dír kawa gaasi an dír slér ilahhooár da/a kawa gaamaamisi, nee tseereerós kan hikimiis badu sleémeero awa kitángw ilahhooa.

TLAHHOÓ LAÁWI 7:2 Iomraidhean Croise

ISAYA 52:15

Inós xoordu gi kwisltis, waawitá afe gari ohín as inós, asma muruudá' naa ari'iiká ngu ariyá', nee muruudá' naa axaasi'iiká ngway tsaahhiyá'.

ESEKIELI 36:25

Aníng kuungá' nun ma'áy tsiririxiís, ma'aá hhohho', nee tari hhoohhoaaeerá' baraá slasla/aruhúng kudae, nee dír slasla/aruú slaqsi'iihúng kudaá mungui sleémeerowo.

ESEKIELI 40:39

Baraá matla/aango meesadaá tsár kaa qaás bihhaá wák, nee awa hatlá' awa tsár kaa qaás bihhaá hatlá'. Gawaá meesaduukae makaydaá muruuduú ilahhooár da/a/aangw nee ar tlakweema hingeesa nee ar dakuús fiitsa kun gawaadá' wa tsu/aa/ín.

TLAHHOÓ LAÁWI 1:11

Guri gaas bihhaá /iya awa kitángw ilahhooa dír geeraá AAKOÓ MUNGÚ, daaqoó Aroni kudaá kaahamuusér Mungú tseereedá' ngi tsirirxiisiye' bihhe sleémeero ar kitángw ilahhooa.

TLAHHOÓ LAÁWI 1:3

«Bar ilahhooarós ar da/a gan duux, a makiito'ór yaqaamba ar xaslxaanslír koomaaká baraá daqtose, as aníng ngiwa ya/aam. A gan huuw dír afkú heémár Mungú.

TLAHHOÓ LAÁWI 1:5

Naagáy awuudá' ku gaasi geeraá AAKOÓ MUNGÚ wa ale, nee daaqoó Aroni kudaá kaahamuusér Mungú, tseereedá' ngi tsiririxiisiye' bihhe sleémeero ar kitangwduú ilahhooa, kuduú dír geeraá heémár Mungú i dirií'.

TLAHHOÓ LAÁWI 14:13

Naagáy deelmooduú bee/i guri gaas didá' hhoohhoo' ar makaá ilahhooár tlakweema hingeesa nee ilahhooár da/a ki tsu/aa/in. Ilahhooarír dakuús hingeesa nee ar tlakweema hingeesaro a hariímár kaahamusmoó Mungú.

TLAHHOÓ LAÁWI 3:2

Heedá' dabaawós ngi qaasi gawaá ságw sleedá' daqaní ka gaasi dír afkú heémár Mungú wa ale. Daaqoó kaahamusmo Aroni tseerér sleedá' ka hikimiisi bihhe sleémeero ar kitangwduú ilahhooa.

TLAHHOÓ LAÁWI 3:8

Dakók un qás gawaá ságw makiito'oodá', kari gás dír geeraá heémár Mungú. Daaqoó Aroni tseereerós ngi hikimiisiye' bihhe sleémeero ar kitángw ilahhooa.

TLAHHOÓ LAÁWI 4:24

Dabaawós ngi qaasi gawaá ságw gurtuudá' nee ngu gaasi didá' muruú ilahhooár da/a kuwa tsu/aa/in dír geeraá AAKOÓ MUNGÚ. Gaarí an ilahhooár tlakweema kir hingeesi.

TLAHHOÓ LAÁWI 4:29

Dakós ngu qaasi gawaá ságw leeír ilahhooár tlakweema hingeesa, nee gari gaas didá' muruú ilahhooár da/a/aangw kuwa tsu/aa/in.

TLAHHOÓ LAÁWI 4:33

Dakós ngu qaasi gawaá ságw dareemirír bee/i ar ilahhooár tlakweema hingeesa. Ngi gaasi didá' muruú ilahhooár da/a/aangw kuwa tsu/aa/in.

TLAHHOÓ LAÁWI 5:16

Tam adoorihe muruudá' sleémeero hhohhó' aa hhitín gun buu', muruú kooán gun aldaaf ar gár wák, gari dír kaahamusmoó Mungú i haniis. Kaahamusmo haraki/isa gan tleehh as daanduú heewí ar gwaanduduú ilahhooár dakuús hingeesa, heedaádá' kuri gurtláy.

TLAHHOÓ LAÁWI 5:7

«Ala barnaxes dareemír bee/i ga aleeslayká hanisaro as tawa ilahhooár dakuúsarós hingeesa, as tlakweemaá aa tleéhh, inós hhookár tsár ngi haniisi, laqaá na/aá tsár awa hhooka, oo wák as tlakweema hingeesa, nee oo hatlá' tawa ilahhooár da/a.

TLAHHOÓ LAÁWI 5:9

Tseere gari bahh sliik ar bihhér kitángw ilahhooa. Tseerér aa met gari ku'uus dír gwe'eedaá kitángw ilahhooa. Gaarí an ilahhooár tlakweema hingeesa.

TLAHHOÓ LAÁWI 6:25

«Aroni nee daaqaywós kibeeto, gaarí an dabér ilahhooár tlakweema hingeemis adór kar hanmisa'. Didá' slér ilahhooár da/a ki gaamaamisi an didá' slér ilahhooár tlakweema hingeesa kawa gaasi, dír geeraá AAKOÓ MUNGÚ. Ilahhooarí kari hhoohhoo' ló'wa ale.

TLAHHOÓ LAÁWI 6:7

Kaahamusmoó Mungú haraki/isa gari tleehh as daanduú heedá' aa dakuus dír geeraá AAKOÓ MUNGUHE, heewí kuri gurtláy baraá muruudá' iwa dakuusi.»

FAARO 6:12

nee tari paraatl as AAKOÓ MUNGÚ as deeloorós tidá' al'axweesani ngiwa qaás. Deelór geera ka faariiká asma se'eengós kudá' taa paraátl kwa meetagaás. Inós deelmoó gwaanda oo kurkú wák ngu ilahhooár dakuús hingeesár wa haniisi.

Ebrania 11:28

Mose deelmoó Pasaáka guri gaás ar haratlintaao, muu guri hara'ayín tseere ka sliki gawaá maandár do' nee nahha, as malaykamoodá' tsu/uút na/aá baris baraá múk Israeliwo mingiwa tsuú/.

Ebrania 12:24

Kuungá' ana hardaté' dír Yesu. Inós an harki/isusmoó alqadoodá' /aben. Tam tseereerós tidá' hhoohhooeemiis i ak axwés ta tseereedár Abeliwo.

1 Petro 1:2

Kuungá' tunduna tsawaár as adoodá' Mungú Baabá inósuú kilá' aa slaá', as kuungá' tunduwa múk hhohhó' tleehhi ar Qeeruuwós, nee as Yesu Kristo kuwa ilaiwawa/a' nee tunduwa tseerér Yesu Kristó i hikimiisi. Tsuuqaá Mungú nee wayduuwós i ló'wa doogine' dirhunge.