TLAHHOÓ LAÁWI 7:19 - Biblía Axweesantá Hhohho' ar Mungú 2004

¹⁹ Umuúqo fu'unaywo awa taa gár slasla/aár ár kwatiít mikiwa /aáy, ki da/i ar asla. Ala fu'unaá hatlá' kin /aay nee múk hhohhó'.

TLAHHOÓ LAÁWI 7:19 Iomraidhean Croise

TLAHHOÓ LAÁWI 6:27

Umuúqo gaaro ar fu'unaydá' gaa kwatit in hhoohhoouúr, tsitoó taa qo i taxaati nee tseerér ilahhooadá' aqo kun hamaatl didá' hhoohhoó' wa ale.

TLAHHOÓ LAÁWI 7:18

Barnaxes fu'unaay awa ilahhooár wayda, kin /aay bál tame, ki ya/anká sleeme ki harafariiká bartá heé gaa haniis. Fu'unaydá' ki tlaakw, nee umuúqo heé gaa /ayi taa kilós tlakweemár áy.

TLAHHOÓ LAÁWI 7:20

Ala umuúqo heewo oo ta harmeetin oo fu'unaá sleedá' taa ilahhooár waydú wa gaás dír AAKOÓ MUNGÚ gaa /aay, ku baynitisi dír xooroorós ar Israeli sleémeero.

Luka 11:41

Ala tidá' sleémeero ar baraá isaangi nee qwaree/amo hanmiisaak dír narkuute, nee mura' sleémeero dirhunge daqaní ku hhohhó'.

Tlehhema'aá ya/Abuuse 10:28

iri oó', «Kuungá' a xuá' adór tar hariímarooká heé Yahudi iwa aldinku'uusi nee heé xoorór hatlá', tam nguwa i daqay. Ala Mungú nga dir'eénií laqán, án mawa gaa oó' daanduú heewo niwa oó' ‹ku harmeetín›, laqaá ‹ku slasla/aár›.

Rumi 14:14

Aníng a xuú', nee slám taa ló'wa xu'utisa hhe'eés nee Aako Yesu adór gár slasla/aar ir káhh baraá tleehhamoorose. Ala dír heedaádá' ga kaaha gaarí ka slasla/aar, dirose gadaádá' ka qo slasla/aar.

Rumi 14:20

Gadiyér Mungú ma hhitiimaar as muruú /ayma. Ar ló' mura' sleémeero ku hhohhó'. Ala i hariindaaká muruú /aymár hee gu baraá tlakweemií dahaás kuwa /ak.

2 korinto 6:17

Gawaá adoorihe Aako i kaahi, «Ti'iité' baraá tla/angw'ine, nee ti partle' dir'ine. Muruú slasla/arén muu kwatmiitara'. Daqaní án kuungá' nu ya/aám,

Tito 1:15

Mura' sleémeero ku hhohhó' dír mukdá' hhohhoe, ala gár hhoohhoo' i káhh dír mukdá' slasla/arene, kudá' haratlintaaór kooma'aaká. Asma fuqurangw'ín kwaa slasla/aareés, nee muner'ine sleeme.