TLAHHOÓ LAÁWI 7:18 - Biblía Axweesantá Hhohho' ar Mungú 2004

¹⁸ Barnaxes fu'unaay awa ilahhooár wayda, kin /aay bál tame, ki ya/anká sleeme ki harafariiká bartá heé gaa haniis. Fu'unaydá' ki tlaakw, nee umuúqo heé gaa /ayi taa kilós tlakweemár áy.

TLAHHOÓ LAÁWI 7:18 Iomraidhean Croise

AXWEESANOÓ SAGALOOA 15:8

Ilahhooár muruú ta tsu/i ar heé tlaákw AAKOÓ MUNGÚ ga waak, Ala firór heé hhoó' gun qwal/atimís.

ISAYA 65:4

Inooín nin baraá /antuú iwaawitiyá' nee xweeraawo in wa/ángw naaqór i dirii'iyá'. Inooín fu'unaá baynamo ngin /ayiyá', ma'aá fu'unaá muruudá' ta waki in baraá xooslu.

ISAYA 66:3

Ala mukwí adór i slaiya' ngin tlehhiitiyá', dir'ine dimbé i káhh bar awu ngwa gaasiyé', laqaá hee, Bar deelmoó bee/i ngwaa ilahhooár wa haniisiyé' laqaá seeaay. Bar balaangw ngwa ilahhooár wa haniisiyé' laqaá tseerér baynamo. Bar ilahhooár inslaslaangw ar mooyángw koóm ngwaa haniisiyé' laqaá bar munguúduú murslaaqat ngwa sluufmiisiyé'. Mukwí lohduuín gina kilooín sláy, nee muner'ín ka sla'atamis nee muruuín kudá' ni waak.

YEREMIA 14:10

AAKOÓ MUNGÚ daanduú mukwihe i kaahi, «Ar ló' inooín leehaád nguna intsaahhiyé', ala inooín ta hintiqisiiká tlakweema tlehhtuuwo. Gawaá adoorihe anuú AAKOÓ MUNGÚ inooín i ilaohaaká. Tlakweemaín i gunqaresaaká, nee in sakwasleemuút as tlakweemaaín.»

YEREMIA 14:12

Tam ta gwaawin, firor'ín a baloó iiárií qaasaaká, tam barnaxés iga ilahhooár dá/tí haniisiyé', nee tam ilahhooár balaango, aníng ilahhooar'ín a ya/aamaaká. Inooín aqo in hhaamiís ar paánga nee giyeé nee pu/i.»

ESEKIELI 18:20

Heé tlakweema gaa tleehh an heé gwaá'. Na/aay tlakweemaá baabuúwós ngu gaasiaaká, laqaá baabá tlakweemaá na/aywós ngu gaasiaaká. Gan'amuú heé ganaá', heé i gaa wa bui aqo har inósuú kilá'. Heé tlaákw aqo inósuú kilá', inós tlakweemaawós gin gagaar.

HOSEA 8:13

Inooín ilahhooár muruú ta tsu/i hanmisuuwo ngi slaiyá', nee fu'unaydá' kiri /aay. Ala AAKOÓ MUNGÚ ku baloó sla'atimisiiká nee inooín. Aníng hamí tlakweemaaín kuká' in insláw ngiri muúx as tlakweemaaín kuká', ngiri ki/ís baraá lawaali'iimár yaamaá Misri.

TLAHHOÓ LAÁWI 10:17

«Ahaá waáy, ilahhooár tlakweema hingeesa masa didá' hhoohhoó' wa /agi'iiká? Asma ka ló'wa hhoohhoo' Mungú ngina dirhúngí haniís as kahhó' kuungá' dakuúsár xooro kawa hingeesa', nee haraki/isa kawa tlehha' dír geeraá AAKOÓ MUNGUHE.

TLAHHOÓ LAÁWI 10:19

Aroni Mose guri yaahaás, «Ga/aaweek, laarí ilahhooár tlakweema hingeesa nee ilahhooár da/to ngaa haniisiyé' dír AAKOÓ MUNGÚ, tam adoorihe án kaangwí iga sláy, xáy geera ilahhooár tlakweema hingeesa bara /ayi laarí, adoorí i ya/aánda dír geeraá AAKOÓ MUNGUHE? »

TLAHHOÓ LAÁWI 11:41

«Umuúqo gaaro ar gurúr hi'iimita baraá yaamuwo, ma baloó /ayaara', ka waak dirhunge.

TLAHHOÓ LAÁWI 17:16

Ala bar tlabaawós gaa hhuuntsiiká nee aa hamtlinká, heewí tlakweemaawós i daanduuwós.»

TLAHHOÓ LAÁWI 19:5

«Qoomár bar ilahhooár wayda ngi gaamisá' dír anuú AAKOÓ MUNGÚ, ngi hanisá' ar adoodá' hariim, as tunduwa ya/an.

TLAHHOÓ LAÁWI 20:17

«Barnaxes hhawaata hho'oorós gaa duúx, dasír baabuúwós, laqaá ar aayírós, dasiidá' iri ya/aán hhawaatuudá' ngiwa duuxi, kuduú hhiyaawós, nee tari qaat nee inós, gadaádá' a slasla/areema, gár kiwa hariím a kin baynitis dír múk qarti'ine, asma gár murér koom ngaa tleehhiyé'. Tlakweemaaká' i gawaá daanduú hhawaatuuwí.

TLAHHOÓ LAÁWI 20:19

«Ma fuquusara' nee ayiniínarók, laqaá áyshigaárók, asma inooín a mar'eefoowók awa guruú do'. Múk tlehhmuusíng gwaa tleehh, tlakweemaaká' i gawaá daanduuín.

TLAHHOÓ LAÁWI 22:16

Xoorór Israeli mingiwa baraá dakuúsar'ín i dahaás as muruú /aymár hhohhó' nguwa /ayiyé', sakwasleemár hariím as dakuúsar'ín nee tlakweemaaín ngiri slayá'. Aníng a AAKOÓ MUNGÚ kudá' muruusíng gwaa paraatl.»

TLAHHOÓ LAÁWI 22:23

Awu laqaá gwaanda oo diqiya' tlét, laqaá oo diqiya' ququmát u aleesleér kuwa ilahhooár muunuú sla'aarír wa hanis. Ala kuká' mi al'axweesantá wa haniisaar.

TLAHHOÓ LAÁWI 22:25

«Laqaá mi dír hoomár wa ilaoohaar as ngiwa muruú /aymár wa hanis dír anuú AAKOÓ MUNGÚ. Makaysingá' i xaslxaanslír koná', as kiwa tlaáq, nee i kuungá' wa harina'aaká.»

TLAHHOÓ LAÁWI 5:17

«Barnaxes hee tlakweema gaa tleéhh ar adór aa haraxuiiká, gár nee hara'ayár AAKOÓ MUNGÚ ti slawa'aaká gari tleéhh aa dakuús, heewí a doohhisa.

TLAHHOÓ LAÁWI 7:19

Umuúqo fu'unaywo awa taa gár slasla/aár ár kwatiít mikiwa /aáy, ki da/i ar asla. Ala fu'unaá hatlá' kin /aay nee múk hhohhó'.

AMOS 5:22

Qoomár kuungá' ilahhooár da/a nee ar balaangw bir ngaa hubé', aníng a ilaohaaká, makaydá' naa wahhaditiye' kuungá' naa ilahhooár waydú wa hubé', aníng i sla'aaká.

MALAKI 1:10

AAKOÓ MUNGÚ Aleesleemusmo i kaahi, «Masók geeraawo heé wák dirhunge nin deeruut, oo afér Dooeé' ga tseék, as asla kawa tawó oohisa'aaká dír kitangwduú ilahhooar'eé' kay hanmaamisa'. Qwal/uueé' i kaahh dirhunge, tam ilahhooár dabaahúng án a ya/aamaaká.

MALAKI 1:13

Kuungá' a kata', ‹Aga slaaqamiitaán muruuwí sleémeero!› Nee iri waaqaé'.» AAKOÓ MUNGÚ Aleesleemusmo tí ngina oó', «Kuungá' muruú naa /awa/awiindé', nee oo toqooraay, nee oo tiqtuuse, un ilahhooar'eé' wa hanmisa'. Xáy, aníng a ya/aáma muruú adór kwí nguwa amor'eé' hanmisa'?» AAKOÓ MUNGÚ tí ngina oó'.

FAARO 18:27

Ilahhooadá' ka ya/án tawa adór bu'úngw geera, laqaá adór sabiíbuú geera oo dooslusmo naa aníng i haniís.

Luka 16:15

Yesu giri báy, «Kuungá' ti geehhooatimisá' dír geeraá muko, tawa kudá' hota ganaa'á'. Ala Mungú munerhúng ga xuu'. Muruudá' muu i gaárí xui, ala dír geeraá Munguhe an kudá' buhhtamís.

Rumi 4:11

Aluuwo kuri al/uútl. Al/utloorós a layár taa haniís nee Mungú adór inós kura gan'amií harafaár as haratlintaaoodá' i kon qoomár inós kuwa al/utliiká. Gawaá adoorihe Abrahamu tari baabuú mukdá' sleémeero taa al/utliniiká, kudá' haratlintaatiiá', as inooín sleeme kiwa gan'amií harafaari.

Ebrania 9:28

Adoorí an adoodár Kristo sleeme ku laqi. Inós kuna ilahhooár wa haniís sagaáwa wák wa ale as tlakweemaá múk yaariír ngiwa hingeesi. Inós nin malé ti'iit baraakaá yaamuwo sagaáwa tsár wa ale. Ala gár nis hardihi a tlakweema hingeesarooká, ala a mukdá' inós gu daamaaraám nguwa ba/amisi.

1 Petro 2:24

Kristo inósuú kilá' tlakweemaarén gina gagaár ar gawaá slaqwtós ay gawaá msalaába, as kahhó' atén tawa adór múk aa qaatl baraá tlakweemaawo, nee slám atén masók a múk slaáf baraá gan'amuuwo. Kuungá' tunduri hungu/uús as inkahhi'iidá' inós aa sláy.