TLAHHOÓ LAÁWI 7:16 - Biblía Axweesantá Hhohho' ar Mungú 2004

¹⁶ «Ala bar sleedá' taa gaás ar ilahhooár al'axweesani, laqaá ar taa ilahhooár sla'aarír wa gaás, kan /aay baalaadár kilae, bartá aa met matloowose kan /aay.

TLAHHOÓ LAÁWI 7:16 Iomraidhean Croise

WARA'AMI 116:14

Al'axweesantadá' naa oó' dír AAKOÓ MUNGÚ, an boo/eés dír geeraá mukós sleémeero.

WARA'AMI 116:18

Al'axweesantadá' naa oó' dír AAKOÓ MUNGÚ, an boo/eés dír geeraá mukós sleémeero,

WARA'AMI 66:13

Aníng a dáh baraá do'ók nee ilahhooár da/a, al'axweesante'eé' ngari boo/eés diroge.

TI'INAANGW 35:29

Múk Israeli sleémeero, hhawaate nee /ameenaaro kudá' muner'ín aa qwala/ as gaa ngiwa AAKOÓ MUNGÚ i haniisi, umuúqo heé muunaáwós taa sla'atís, muruuwós guri huúw ar muunuú /awaák as adoodá' AAKOÓ MUNGÚ Mose ngwa bay kawa tleehhi.

AXWEESANOÓ SAGALOOA 7:14

«Aníng ilahhooar'eé' tidár muruú ta tsu/i aga haniís, nee al'axweesante'eé' aga buú'.

ESEKIELI 46:12

«Geeraharusmo bir ilahhooarós tidár muunuú /awaák haniisár wa slaa' dír AAKOÓ MUNGÚ laqaá ilahhooár da/a/aangw, laqaá ar wayda, afkú da/aáw oo matla/ángw guruú baraá do', ku gweeri. Ilahhooarós ngi haniisi adór deelór Sabaátoro ta /iamamisi, nee qoomár bir ti'imiit afkú do' ku aluuwós wa tseegi.»

TLAHHOÓ LAÁWI 22:23

Awu laqaá gwaanda oo diqiya' tlét, laqaá oo diqiya' ququmát u aleesleér kuwa ilahhooár muunuú sla'aarír wa hanis. Ala kuká' mi al'axweesantá wa haniisaar.

TLAHHOÓ LAÁWI 22:29

Barnaxes anuú AAKOÓ MUNGÚ iga ilahhooár sluufáy gaasár eér, ngin hanís ar adór tuwa ya/an.

TLAHHOÓ LAÁWI 23:38

Ilahhooasíng a dinkwa nee tidá' ni hanmisa' dír anuú AAKOÓ MUNGÚ. Bál deelór Sabaátoro, adoodár ilahhooadá' /iisí kar hanmaamisa', ilahhooadár al'axweesani kawa boo/esa', nee ilahhooár muunuú sla'aariro, tidá' ni hanmaamisa' dír anuú AAKOÓ MUNGÚ.

NAHUMU 1:15

Gawaá tlooma i qaatsitaak, ga/aawaak heé ya/abtór hho' ngi huúw, heé wayduú dahareemiís. Aá Yúda, deelorhúng ar ur tleehhaak, al'axweesantahúng boo/eesaak, asma heedá' tlaákw nu baloó tlaampa'aasiiká, asma kwaa qaroó suwa tsaát.

FAARO 15:3

anuú AAKOÓ MUNGÚ in ilahhooárí hanisá', ilahhooár da/a, laqaá ilahhooár muruú ta tsu/i, as hee al'axweesantós ngiwa boo/eesi, laqaá ilahhooár sla'aari, laqaá ilahhooár deelór uren, tidá' taa qaás as slaahhareeriiwós anuú AAKOÓ MUNGÚ iwa sla'atisiya'. Ilahhooarí ngi baraá hikwaahúng wa hanisá', nee baraá muruú ququmát.

DABE 12:11

naagáy didá' AAKOÓ MUNGÚ, Munguúhúng, i tsawaari, asma umuuwós iwa didá' wa hooti, kuungá' tidá' sleémeero aníng nu baw ka didií hubá', ilahhooarhúng ar da/a, nee ilahhooarhúng ar muruú ta tsu/i, nee ilahhooár gár wák baraá muruú mibaango, nee qeemu nee ilahhooár al'axweesani tidá' handá' taa slaé' AAKOÓ MUNGÚ i hanisaro.

DABE 12:17

Muruuwí mu /ayaara' dír taqo hota'a, adór ilahhooarhúng ar gár wák baraá muruú mibaango ar balangwhúng, nee difaáirhúng, laqaá di/tahúng, laqaá barsuú hikwaahúng, laqaá oo bee/angwhúng, laqaá ilahhooarhúng ar al'axweesani, laqaá ilahhooarhúng ar sla'aari ar ta hanisa'

DABE 12:26

Ala qeemuudá' hhohhó', kudá' ta hanmisa' nee ilahhooadár al'axweesanto, ki hubá' didá' AAKOÓ MUNGÚ aa tsawaár.

DABE 12:6

Nee sleeme didae kuungá' ilahhooár da/a ti hanise', nee ilahhooarhúng ar murú ta tsu/i, nee ilahhooár gár wák baraá muruú mibaango nee qeemuhunge, nee ilahhooár al'axweesani, nee ilahhooár sla'aari, tidár duxúng sla'aari, ar barsuú hikwa nee oo bee/angwhunge.