TLAHHOÓ LAÁWI 7:12 - Biblía Axweesantá Hhohho' ar Mungú 2004

¹² Barnaxes hee ilahhooár sluufoó wayda ga haniis as Mungú nguwa sluufmiisi, sleedá' ta gaasi ngi haniisi dinkwa nee mandásoó taa sluuftisiiká, oo taa dí/tár sliík, nee mikaátér ninakw ar taa dí/tár sliík, nee mandásoó puuruú natsaatsaá' oo taa aleedoók nee di/i.

TLAHHOÓ LAÁWI 7:12 Iomraidhean Croise

2 QOM'I 29:31

Naagáy Hesekia muu guri báy, «Kuungaásíng taa qaroó hhoohhooeese' dír AAKOÓ MUNGÚ i tseewuwaare', ilahhooarhúng ar muruú ta tsu/i nee ilahhooár sluufaywo huwaare' baraá Doó AAKOÓ MUNGÚ.» Naagáy muu ilahhooar'ín ar muruú ta tsu/i nee ilahhooár sluufaywo ngina huwiyé' ar sla'aari.

2 QOM'I 33:16

Inós kitángw ilahhooa oo AAKOÓ MUNGÚ guri /abeés tleehharo, nee gawaawose ilahhooár muruú ta tsu/i nee ar wayda gari hanmiís. Múk Yuda guri báy, «AAKOÓ MUNGÚ Munguú Israeli sluufmisaak.»

NEHEMIA 12:43

Baalaarihe inooín ilahhooár muruú ta tsu/i kana haniís tari ló'wa qwalaá/. Asma Mungú gina ló'wa qwal/aás ar qwal/uú úr, /ameena nee na/iiwo sleeme tari qwalaá/. Bar/uú qwala/ oo baraá Yerusalemu kuri amór saáw wa axamiís.

WARA'AMI 107:8

AAKOÓ MUNGÚ ngu sluufmisiye', asma sla'aarirós ar warqawaaká, asma muruú waa/oo/amo oo aa múkií tlehhiít.

WARA'AMI 116:17

Aníng kuúng un sluufiís ar ilahhooár muruú ta tsu/i, nee AAKOÓ MUNGÚ un fiririím.

WARA'AMI 50:23

Kudá' aníng i ilahhooár sluufáy duxuúm, an kudá' aníng i xirfayeemiís. Heé digir waketiingós gwaa qoomees aníng u ba/amís!»

YEREMIA 33:11

afór qaseengw nee ar bara/ a malé axasá', nee afór ni/imár /ayla, nee afór daa'ángw múk ilahhooár sluufoó huwahuúw dír doó AAKOÓ MUNGÚ ar kah, ‹AAKOÓ MUNGÚ Aleesleemusmo sluufmiisaak, asma AAKOÓ MUNGÚ ku hhoó'. Sla'aarirós ar warqawaaká in kumaamít ay alhhe'eesay wasle.› Aníng yaamuuká' i diihhooar'ín tidár aángií ki/ís. Anuú AAKOÓ MUNGÚ tí ngina oó'.»

HOSEA 14:2

Tlawsé', inós firiimaak, ki/é' amór AAKOÓ MUNGÚ. Inós ku beera', «Tlakweemaarén sleémeero hingeseek, qeemuurén ilaooheek, daqaní atén kuúng u xirfayesaán afeerene.

TLAHHOÓ LAÁWI 2:4

«Barnaxes hee ilahhooár mikaáte ga dír Mungú i haniisár wa slaa', masók a mikaátér taa sluuftisiiká, ar puuruú natsatsaá' nee oo taa aleedoók ar di/tá seituúni, laqaá mikaátér wananaa' ar taa sluuftisiiká, ar taa sliík ar di/i.

TLAHHOÓ LAÁWI 2:5

«Barnaxes ilahhooár ta hanis a mukaatmoó taa tleéhh baraá xooslmoó garangariingw, masók ilahhooarí ar puuruú natsaatsaá' oo taa aleedoók nee di/tá seituúni, ala masók kwaa sluuftisiiká.

TLAHHOÓ LAÁWI 22:29

Barnaxes anuú AAKOÓ MUNGÚ iga ilahhooár sluufáy gaasár eér, ngin hanís ar adór tuwa ya/an.

TLAHHOÓ LAÁWI 6:16

Puuruú aa meet kaahamusmo Aroni nee daaqaywós ngun /ayiyá', ngun didá' hhoohhoo' ar baraá afeenár heémár Mungú wa /ayiyá', ala ku sluuftisiiká.

TLAHHOÓ LAÁWI 7:15

Fu'unaá sleedá' taa ilahhooár waydú wa gaás, tidá' taa ilahhooár wa haniís dír Mungú, aqo kin /aay baalaadár kilae, ki mayká ay matlaatle.

AMOS 4:5

Ee, gimsé', xáy, kuungá' ilahhooár murú ta tsu/i ar sluufaay ar mikaátér taa sluuftís haniisaak, ilahaniisaak umuú diiro adór ilahhooa kara hanisé' ar muunuú /awaák. Asma an adoodá' kuungá' kar sla'a', kuungaásingá' múk Israeli. Anuú Aakoó MUNGÚ tí aga oó'.

FAARO 6:15

Nee sleeme kikaapamoó mikaátér taa sluuftisiiká nee maandaásoó puuruú natsaatsaá', nee di/i, nee mikaátér daqa ninakw ar taa sliík ar di/i, dinkwa nee ilahhooár balaangw, nee ilahhooár muruú wahaangw.

Luka 17:16

Iri tumbarara'aát dír geeraá Yesu, guri sluufiís. Nee heedaádá' a heé tlahhoó múk Samaria.

Luka 17:18

Heé naa kii/ oo Mungú ngwa xirfayeesár ay i káhhi? Aqo har kwí kilós oo dahaaymoówo?»

Rumi 1:21

Inooín tam Mungú ngwa tsaahhi'i, ala inooín ngwa xirfayeesi'iiká tawa Mungú, nee slám ngwa sluufmiisi'iiká. Ala inslaway'ín iri daktu'uút, nee muner'ín tidá' sagalooár koomaaká iri ak gíp.

Efeso 5:20

Nee Mungú Baabá ku sluufmisá' daqisleém as mura' sleémeero ar baraá umuú Aakoorén Yesu Kristo.

Ebrania 13:15

Gawaá adoorihe atén masók Mungú un ilahhooarén ar muruú ta tsú/í hanmiisaán ar loohír kuwa xirfayeemisaan umuúqo daqto ar loohír Yesu. Gídaabárós a Mungú un xirfayeemisaán ar afeerén.

1 Petro 2:5

Kuungá' kilá' sleeme masók a adór tlaa/aá slafá', tundu tleehhi tawa doó qeeru tleehhita'. Kuungá' masók a kaahamuusér Mungú ar hhohho', nee ilahhooár qeeru ar muruú ta tsu/i kawa huba', tidá' ta ya/an nee Mungú ar loohír Yesu Kristo.