TLAHHOÓ LAÁWI 6:4 - Biblía Axweesantá Hhohho' ar Mungú 2004

⁴ heesíng tlakweema gaa tleéhh nee aa dakuús. Gadaádá' aa fiís ngi ki/isi, laqaá tidá' nguwa /aytín, laqaá peésaadá' kway haniís, laqaá gadaádár inslaawmoowós aa sláy,

TLAHHOÓ LAÁWI 6:4 Iomraidhean Croise

IIMU/UUNGW 21:25

Abrahamu iri quraruú/ dír Abimeleki, asma hhalángw ma'aay kudá' sagadiyuusér Abimeleki aa hayót.

NEHEMIA 5:11

Laarír kilá' qamuuín ki/isaak, nee qaamaá sabiíbuuwo nee awa seituúni nee maray'ine, nee peésaadár aldaafiro, nee angaánowo nee difaáiro nee di/ito, tidá' kiwa ohme uhiindé'.»

YOBU 20:19

Asma narkuute gana baramaanuús, gari tawo máy, nee maraá inós aa tleehhiiká gina hayóh.

YOBU 24:2

Múk digeemaá yaamu gi warqeemiís i deer, barakarka bee/ángw muu gun fís guri de'eén.

ISAYA 59:6

Neeworhúng tlabár tleehharo i hariindaaká, tlabaadá' ta tlehhita', muu gi tsiitiiká. Gadiyérhúng a gadiyér tlakw. Gadiyér dabaahúng a gadiyér xaraasl.

ESEKIELI 18:12

narkuute ga hara/untsiitsín nee múk litlakwene, i fisiisín, iinár hee ga buiiká, slaqsi'iidaá munguaá hatlá' gi haratlintatii', nee muruú buhhtamís gu tlehhiit,

ESEKIELI 18:18

Ala baabuúwós, as muu nguwa /aytín nee muruú hhiyaawós guna fisiisín, slám hhaeewós gaa hhooeemáy tleehhiiká, looeemaawo tlakweemaawós ngu gaasiyá'.

ESEKIELI 18:7

barnaxes hee gu /aytinká, nee gár hee birnga kiriík ga ki/imis, bar muruú muu gu malguusiiká, ala muruú /aymaaro múk qwariít gun qaqáy nee kudá' tlabaá kooma'aaká gi tsiitmiis,

ESEKIELI 33:15

nee gár aa kiriík nee tidá' aa fiís gari ki/ís iri hoot baraá kaahír slafíngw wa alé, tlakweema giri máy, inós i gwaaiiká, aqo in slaaf.

ESEKIELI 44:19

Qoomár inooín birna ti'itiyé' amór afeenír tsee/a amór muu, tlabaaín kudá' naa dahaasiyé' qoomár tawa gadiyuusi, ki duuxi nee kiri baats baraá kutuwaydá' hhohhó'. Tlabaadá' aqo ngin warqeesiyá' nee awa hatlá' aqo ngi dahaasiyá' as muu mukuwa hhoohhooeés ar tlabaaín kudá', qoomár birti kwatimitiyá'.

TLAHHOÓ LAÁWI 24:18

Heé slér hee gaa gaas gár kuwa hariím gan buu'. Dawa a kwí: Slafiingw nee slafiingw.

TLAHHOÓ LAÁWI 24:21

Oo slee gaa gaas gár kus hariím a bu'utu gun haniis, ala heé hee gwaa gaas a inós kun gaas.

TLAHHOÓ LAÁWI 4:12

gídaabárós a muruuwí sleémeero aa meet oo awuuwí gun tsee/aá xáftí huuw, didá' taa fiíts ta da/arárí kwaakwahhi, guri daa/ ar asltá migír. Dír kway da/i a gawaá ufuudá' da/ara ki kwaakwahhi.

AMOS 3:10

AAKOÓ MUNGÚ i kaahi, «Mukwí gár ganaa' tleehhamooro ngi xuiaaká. Inooín muruú fiiso nee oo taa /uurúr hayoohín ngun babatsiyá' baraá maray'ín i alé.»

MIKA 2:2

Qaymo birnga ilatleeruusiyé', aqo ngin hayohiyá', do' burungwa ilatleeruusiyé', aqo ngun hayohiyá'. Hee nguri baramaanuusiyá', nee múk do'ose, muu nguri aali hayoohiná' sleeme.

SEFANIA 1:9

Baalaadae muu sleémeero kudá' munguaá lama ngi i tumbarara'amiitá' un muúx, kudá' doó aakooín ngu hatsmiisá' ar muruú tinda /awaa/awín nee oo fiiso.»

MALAKI 1:13

Kuungá' a kata', ‹Aga slaaqamiitaán muruuwí sleémeero!› Nee iri waaqaé'.» AAKOÓ MUNGÚ Aleesleemusmo tí ngina oó', «Kuungá' muruú naa /awa/awiindé', nee oo toqooraay, nee oo tiqtuuse, un ilahhooar'eé' wa hanmisa'. Xáy, aníng a ya/aáma muruú adór kwí nguwa amor'eé' hanmisa'?» AAKOÓ MUNGÚ tí ngina oó'.

FAARO 5:7

Inós gár kuwa hariím aqo tlakweemaawós kudá' aa tleéhh gin hhu'uu'ún, bu'utuú tir tu/i baraá dakuúsarose, a tidá' sleémeero ngiwa ki/isi, nee gár wák baraá muruú kooane gan dook dír heedaádá' aa sa dakuús.