TLAHHOÓ LAÁWI 6:21 - Biblía Axweesantá Hhohho' ar Mungú 2004

²¹ Puuruúdá' guri xwaranxwaar dinkwa nee di/i baraá xooslmoó garangariingw. Guri tleehh adór parhheemaá ninakw awa mikaáte, giri haniis tawa slaahhareeraá tsuu á' awa AAKOÓ MUNGÚ gu sla'atimiisá'.

TLAHHOÓ LAÁWI 6:21 Iomraidhean Croise

1 QOM'I 23:29

Gadiyér'ín ar hatlá' a mikaáteedá' hhohho' ar ta Mungú i hanmamisi kan amohhe'eemiis, nee puruúdá' natsaatsaá', nee balangwduú ilahhooa, mandasaydá' taa sluuftisiiká, nee ilahhooár muruú taa garangarín, ilahhooadá' tinda aleedoók ar di/i, ilahhooa as qoomeemesuú muruudá' yaariír tinda huúw, nee kudá' aa tlaahh,

1 QOM'I 9:31

Matitia, heé wák oo tlahhoó múk Laáwi, garmoó baris oo Shalumu, oo guruú doó Kora, inós mikaáteedá' tlaambarahhayen gana tlehhiít.

TLAHHOÓ LAÁWI 11:33

Barnaxes xooslmoó tuua aa i hú' a xooslmoó tleei, muruú baraadá' kwaa meetagaás, nee xooslmoodá' ku gaasi.

TLAHHOÓ LAÁWI 15:12

Xooslmoó tleei oo taa kwatiít nee heé malalaáhh, harihhoóarós aqo kun gaas. Ala bar xooslmoó xa'ano, harihhoóarós aqo kun hamaatl ar ma'aay.

TLAHHOÓ LAÁWI 2:5

«Barnaxes ilahhooár ta hanis a mukaatmoó taa tleéhh baraá xooslmoó garangariingw, masók ilahhooarí ar puuruú natsaatsaá' oo taa aleedoók nee di/tá seituúni, ala masók kwaa sluuftisiiká.

TLAHHOÓ LAÁWI 6:22

Kaahamusmoó Mungú kudá' taa iimbalaáx ar di/i baraá tla/ángw xwaylár Aroniwo, as gadiyér ilahhooa hanmis ngiwa oohi, AAKOÓ MUNGÚ gun ilahhooarí haniis, ilahhooarí sleémeero kan daa/. Ilahhooarír da/a/aangw a hara'ayár kureerisleém.

TLAHHOÓ LAÁWI 7:12

Barnaxes hee ilahhooár sluufoó wayda ga haniis as Mungú nguwa sluufmiisi, sleedá' ta gaasi ngi haniisi dinkwa nee mandásoó taa sluuftisiiká, oo taa dí/tár sliík, nee mikaátér ninakw ar taa dí/tár sliík, nee mandásoó puuruú natsaatsaá' oo taa aleedoók nee di/i.

TLAHHOÓ LAÁWI 7:9

Ilahhooár balaangw ar taa qo humín baraá asla, laqaá baraá safúrya, laqaá xooslmoó garangariingw, ar kaahamusmoodá' gaa haniis.