TLAHHOÓ LAÁWI 6:16 - Biblía Axweesantá Hhohho' ar Mungú 2004

¹⁶ Puuruú aa meet kaahamusmo Aroni nee daaqaywós ngun /ayiyá', ngun didá' hhoohhoo' ar baraá afeenár heémár Mungú wa /ayiyá', ala ku sluuftisiiká.

TLAHHOÓ LAÁWI 6:16 Iomraidhean Croise

2 QOM'I 31:14

Kore garmoó Imna heé tlahhoó Laáwi, kuduú xuumusmoó afkú do' oo da/aáw oo Doó Mungú. Inós a sagesihhitusmoó muruudá' muu na huwahuúw ar sla'aarir'ín dír AAKOÓ MUNGÚ, nee qasmisuú muruudá' taa hanmiisi dír AAKOÓ MUNGÚ, nee ilahhooadá' ló'wa hhohho'.

TI'INAANGW 12:8

Fu'unaydá' ki /ayi xweeraadaá kilae, masók kaa daá/, ki /ayi dinkwa nee mikaátér ta sluuftisiiká nee naanuú manákw.

ESEKIELI 44:29

Inooín ilahhooár balaangw ngi /ayá', nee ilahhooár tlakweema hingeesa, nee ilahhooár dakuús fiitsa sleeme. Umuú gár baraá yaamaá Israeli ar taa paraátl as Mungú a tooín.

TLAHHOÓ LAÁWI 2:3

Bartadá' aa met baraá ilahhooarír da/ato ar Aroni nee daaqaywós. Asma ilahhooarí taa haniís dír AAKOÓ MUNGÚ ka ló'wa hhoohhoo'.

TLAHHOÓ LAÁWI 5:13

Naagáy kaahamusmo haraki/isa gan tleehh as daanduú heewí as tlakweemaadá' aa tleéhh, inós kuri gurtláy. Puuruú aa meet tari oo kaahamusmoó Mungú, adór ilahhooár bu'úngw wa ale.»

TLAHHOÓ LAÁWI 6:23

Ilahhooa sleémeero ar balaangw ar taa haniís nee kaahamusmoó Mungú, ka da/i sleémeero, nee makawa baloó /aáy.»

TLAHHOÓ LAÁWI 6:26

Kaahamusmoó Mungú kudá' ilahhooarí gaa haniis an kudá' ga /aáy, gan /aay didá' hhoohhoó' wa ale baraá afeenír heémár Mungú.

FAARO 18:8

AAKOÓ MUNGÚ Aroni guri báy, «Aníng ilahhooadá' múk Israeli naa aníngí haniís, aníng ngi kuúngí haniís, muruudá' sleémeero hhohhó' naa aníngí haniisiyé', muruudá' sleémeero taa dimbé paraátl nee múk Israeli. Muruuwí sleémeero ngun kuúngí haniís nee daaqaywók as tawa koohúng, nee an hariímarhúng ar kahamuusi'iima ay alhhe'eesáy wasle.

1 Korinto 5:8

Gawaá adoorihe atén deelór ur masók an tleehhaán. Ala mawa tleehhaán ar mikaáteedár aáng taa sluuftimís, tidár tlakweema nee slasla/aruwo. Ala masók deelór ur an tleehhaán ar mikaáteedá' /aben ar taa sluuftisiiká, tidár hhohhoaari nee looeema.