11 Naagáy tlabaadá' i kon giri duux, tlabaá hatlá' giri dahaas, da/ara gari huuw didá' taa fiíts ar xafto guruú tsee/a.
Kuúng ilahhooa an hanmís deelo faanqw as kitángw ilahhooa kawa harki/ís nee kawa hhoohhooes. Daqaní kitángw ilahhooa kawa hanmamisi ku ló'wa hhoohhoó', as kahhó' umuú gár gu kwatiita aqo in hhoohhoouúr.»
Qoomár inooín birna ti'itiyé' amór afeenír tsee/a amór muu, tlabaaín kudá' naa dahaasiyé' qoomár tawa gadiyuusi, ki duuxi nee kiri baats baraá kutuwaydá' hhohhó'. Tlabaadá' aqo ngin warqeesiyá' nee awa hatlá' aqo ngi dahaasiyá' as muu mukuwa hhoohhooeés ar tlabaaín kudá', qoomár birti kwatimitiyá'.
Awuudá' nee gurtuuwo taa haniis as ilahhooár tlakweema hingeesa, kudá' tseerer'ín taa huúw didá' ló'wa hhoohhoo' as haraki/isa kawa tleehhi, kin tsee/aá xáftí huuw. Kaduuín nee fu'unaywo, nee sankaro, sleémeero kiri daa/.
Aroni nee xwaylarós kilooín i hariná' mikaátedá' kawa /ayi didá' hhoohhoó' wa ale, asma ka ló'wa hhohho', nee sleeme an ilahhooár tinda haniís as anuú AAKOÓ MUNGÚ ar asla. Tí an hariímar'ín ay alhhe'eesay wasle.»
gídaabárós a muruuwí sleémeero aa meet oo awuuwí gun tsee/aá xáftí huuw, didá' taa fiíts ta da/arárí kwaakwahhi, guri daa/ ar asltá migír. Dír kway da/i a gawaá ufuudá' da/ara ki kwaakwahhi.
Inós awuudá' niiná guri tsee/aá xáftí huuw, guri daa/ adór kuduú geeraá wa ale. Gaarí an ilahhooár ta hanmiisi as tlakweemaá xooro hingeesa.
Kaahamusmoó tsitaywós kuduú kahamuusi'iima, kudá' taa tleéhh ar kitaáni gun dahaas gawaá daanduú surwaánirós tidá' ya'a' ququmát wa ale, tidá' taa tleéhh ar kitaáni. Inós da/aradár gawaá kitángw ilahhooár da/a gari hingees, gari qaas bihhaá kitángw ilahhooa.
Asltá gawaá kitángw ilahhooa gár kawa hariím inós gan gutlhhún as miwa baloó gwá'. Umuúqo matlaatleero kaahamusmoó Mungú migír gun baraá ásltí qamín, inós ilahhooár da/a gan qoomeemees. Gawaá asltadaádae wahhanadá' gan daa/ as wayda.
«Gaarí an ilahhooadá' Aroni nee daaqaywós ta haniisi dír AAKOÓ MUNGÚ qoomár bar kaa paraátl nee kaa iimbalaáx ar di/i. Umuú deelooro, kílo wak ar puuruú natsaatsaá', matlaatleero tlaqi kan haniis, tlaqtá hatlá' tsiindo.
Kaahamusmoó Mungú kudá' taa iimbalaáx ar di/i baraá tla/ángw xwaylár Aroniwo, as gadiyér ilahhooa hanmis ngiwa oohi, AAKOÓ MUNGÚ gun ilahhooarí haniis, ilahhooarí sleémeero kan daa/. Ilahhooarír da/a/aangw a hara'ayár kureerisleém.
Umuúqo hhawaatuuwo baraá kaahamuusér Munguhe fu'unaay gin /aay didá' hhoohhoó' wa ale asma kiwa ló'wa hhohhó'.