TLAHHOÓ LAÁWI 6:10 - Biblía Axweesantá Hhohho' ar Mungú 2004

¹⁰ Kaahamusmoó tsitaywós kuduú kahamuusi'iima, kudá' taa tleéhh ar kitaáni gun dahaas gawaá daanduú surwaánirós tidá' ya'a' ququmát wa ale, tidá' taa tleéhh ar kitaáni. Inós da/aradár gawaá kitángw ilahhooár da/a gari hingees, gari qaas bihhaá kitángw ilahhooa.

TLAHHOÓ LAÁWI 6:10 Iomraidhean Croise

WARA'AMI 20:3

Ilahhooár ganaa' ar muruú ta tsu/i hanmisaak, nee ilahhooarók ar muruú ta tsu/i kari daa/ ngi saqwalaa/i.

WARA'AMI 37:20

Ala kudá' tlakw i qwaariyá', kudá' AAKOÓ MUNGÚ ngwa aahhiye' nin kahiyá' adór /ayór wa ale, nay ilaá wa qwaariyá' adór quuír wa ale.

ESEKIELI 44:19

Qoomár inooín birna ti'itiyé' amór afeenír tsee/a amór muu, tlabaaín kudá' naa dahaasiyé' qoomár tawa gadiyuusi, ki duuxi nee kiri baats baraá kutuwaydá' hhohhó'. Tlabaadá' aqo ngin warqeesiyá' nee awa hatlá' aqo ngi dahaasiyá' as muu mukuwa hhoohhooeés ar tlabaaín kudá', qoomár birti kwatimitiyá'.

TLAHHOÓ LAÁWI 1:13

Ala xooslár gura' nee ya'a' giri hamaatl ar ma'aay. Kaahamusmo sleémeero giri ád aldaa/ gawaá kitángw ilahhooa, tawa ilahhooár da/a. Ilahhooarí ta da/a/an ar asla slaahhareeriiwós AAKOÓ MUNGÚ nguri sla'atisiyá'.

TLAHHOÓ LAÁWI 1:9

Ala xooslár gura' nee ya'aá makiito'oodá' ki hamaatli ar ma'aay. Kaahamusmo ilahhooadá' sleémeero ngi ád wa da/i gawaá kitángw ilahhooa as tawa ilahhooár da/a, ilahhooarí taa daá/ ar asla slaahhareeriiwós AAKOÓ MUNGÚ nguri sla'atisiyá'.

TLAHHOÓ LAÁWI 16:4

«Iri hamtlín ar ma'aay, tlabaá hhohho' giri tsiit. Iri dah didá' hhoohhoo' naa qaroó tsiitín tlabaawós kudá' hhohhoe: Hiyoó hhoohhoó' oo taa tleéhh ar kitaáni ngun dahaas daanduú suruwánidár kitaánír wa ale, nee hiyaydá' tleér oo kitaáni ngwa qaroó dahaás, nee tla/aangose himuú kitaáni ngwaa tseék.

TLAHHOÓ LAÁWI 2:11

«Ilahhooár bu'uungw ar taa sluuftís ka hanisiiká dír Mungú, asma ar taa sluuftís nee danú ki waak kawa da/i as AAKOÓ MUNGÚ.

TLAHHOÓ LAÁWI 21:22

Heewí muruudá' ló'wa hhohhó' oo taa duúx Mungú wa ale ngu /ayi, nee kudá' hhohhoe.

TLAHHOÓ LAÁWI 4:12

gídaabárós a muruuwí sleémeero aa meet oo awuuwí gun tsee/aá xáftí huuw, didá' taa fiíts ta da/arárí kwaakwahhi, guri daa/ ar asltá migír. Dír kway da/i a gawaá ufuudá' da/ara ki kwaakwahhi.

TLAHHOÓ LAÁWI 6:11

Naagáy tlabaadá' i kon giri duux, tlabaá hatlá' giri dahaas, da/ara gari huuw didá' taa fiíts ar xafto guruú tsee/a.

TLAHHOÓ LAÁWI 6:18

Umuúqo hhawaatuwo baraá xwaylár Aroniwo an múk hariím gaarí kawa /ayi, asma kana paraátl umuú daqto as inooín, dír ilahhooadá'' ta dír AAKOÓ MUNGÚ i da/a/ana. Umuúqo heewo oo gaa kwatiit aqo in hhoohhooúy.»

TLAHHOÓ LAÁWI 6:22

Kaahamusmoó Mungú kudá' taa iimbalaáx ar di/i baraá tla/ángw xwaylár Aroniwo, as gadiyér ilahhooa hanmis ngiwa oohi, AAKOÓ MUNGÚ gun ilahhooarí haniis, ilahhooarí sleémeero kan daa/. Ilahhooarír da/a/aangw a hara'ayár kureerisleém.

TLAHHOÓ LAÁWI 8:2

«Aroni ar tlaweek nee daaqaywose, nee tlabadaá kaahamuuseero, nee dí/tá kir iimbalaxa nee awuú ilahhooár tlakweema hingeesaro, nee gwaandaawe tsár, nee lakwaantír mikaátér taa sluuftisiiká.

FAARO 16:21

«Kuungá' dír mukwihe ti paratle', as kahhó' hamír kilá' i adaá hhaamiís.»

FAARO 16:35

Naagáy AAKOÓ MUNGÚ asla ngiri huúw, mukduú tsiire tsár nee mibeeri kooán aa mooyángw da/tá ay, guri hhaamiís.

Geehhoeemaá 19:14

Nee boo/oó gawaá doorí dirií' guri eehár, taa tsa/án gawaá farsuú /awák. Inooín inqwaruú kaa i tsiitimiís a inqwaruudá' /awák taa tleéhh ar kitaánír hhohho'.

Geehhoeemaá 19:8

Nee slám Mungú dasidá' gaa aleesleemií haniís kawa tsiitisi ar inqwaruú /awák oo taa tleéhh ar kitaánír hhohho'.» Inqwaruudá' /awák oo hhohhó' a tlehhemi'iidá' ganaa'á' awa múk hhohhó' oo Mungú.

Geehhoeemaá 7:13

Aakoó wák baraá bariiseedae aníng iri yaahaás, «Ahaá, mukwí taa tsiitiís ar tlabaá /awak a ín heemá? Nee inooín amór i dahhiya' a amá?»