TLAHHOÓ LAÁWI 5:7 - Biblía Axweesantá Hhohho' ar Mungú 2004

⁷ «Ala barnaxes dareemír bee/i ga aleeslayká hanisaro as tawa ilahhooár dakuúsarós hingeesa, as tlakweemaá aa tleéhh, inós hhookár tsár ngi haniisi, laqaá na/aá tsár awa hhooka, oo wák as tlakweema hingeesa, nee oo hatlá' tawa ilahhooár da/a.

TLAHHOÓ LAÁWI 5:7 Iomraidhean Croise

TLAHHOÓ LAÁWI 12:6

«Baalaarós ar hhohhoeesa bira bó/, na/aay bar garma laqaá bar dasi, deelmoó bee/i oo kurkú wák gun húp dír kaahamusmoó Mungú, dír afkú heémár Mungú, as tawa ilahhooár da/a. Na/oó hhooki ngun húp sleeme, kaahamusmo guri haniis geeraá Mungú as tawa ilahhooár tlakweema hingeesa.

TLAHHOÓ LAÁWI 12:8

«Barnaxes deelmoó bee/i ku aleeslayká haniisaro, hhookár tsár ka huwi, laqaá na/aá hhooka awa tsár, ar wák as ilahhooár da/a, nee ar hatlá' as ilahhooár tlakweema hingeesa. Kaahamusmoó Mungú haraki/isa gari tleehh, inós iri hhoohhoouúr.»

TLAHHOÓ LAÁWI 14:30

Naagáy kaahamusmoó Mungú hhookír wák, laqaá na/oó wák oo hhookír heedaádá' guri oh ar adór heedaádá' aa aleesláy huwto.

TLAHHOÓ LAÁWI 14:31

Hhookír wák as ilahhooár tlakweema hingeesa, ar hatlá' ar ilahhooár da/a dinkwa nee ilahhooár balaangw, giri haniis, kaahamusmo guri haraki/isárií tleehh dír geeraá AAKOÓ MUNGUHE.

TLAHHOÓ LAÁWI 15:30

Kaahamusmoó Mungú hhookír wák gari haniis ilahhooár tlakweema hingeesa, nee ar hatlá' as ilahhooár da/a. Ar adoorihe kaahamusmo haraki/isa gari tleehh as daanduú /ameenirí dír geeraá AAKOÓ MUNGUHE, as tseerdu ngiwa al'ubaabiné'.

TLAHHOÓ LAÁWI 16:5

«Baraá muruuduú xoorooro gurtaawe tsár gari taataahh, nee gari haniis as ilahhooár tlakweema hingeesa, nee gwaanduú wák as tawa ilahhooár da/a.

TLAHHOÓ LAÁWI 27:8

«Ala barnaxes heesíng a narkutmo bu'utusíng gu aleeslayká, heesíng ku huwi dír kaahamusmoó Mungú. Kaahamusmoó Mungú tlaxoorós gan qoomees ar adór aleesleemuú heé al'axweesani gaa oo'.

TLAHHOÓ LAÁWI 5:11

«Barnaxes hhooka tsár ga aleeslayká laqaá na/aá tsár awa hhooka, tawa ilahhooár tlakweemaadá' aa tleéhh hingeesa, puuruú kílór wák ngu huwi, ala munguwa dí/tí qaás laqaá mooyángw tsuú', asma gaarí a ilahhooár tlakweema hingeesa.

TLAHHOÓ LAÁWI 7:1

«Gaarí an dabér ilahhooár dakuús hingeesa, an ilahhooár hhoohhoo' kángw kilá' wa ale.

TLAHHOÓ LAÁWI 9:3

Xoorór Israeli ka beer: Gurtuú wák slawaak as tawa ilahhooár tlakweema hingeesa, nee deelmoó bee/i taataahhaak nee dama, kuká' sleémeero masók awa kurkú wák, nee masók ki xaslxaansli wasl, as tawa ilahhooár da/a.

FAARO 5:6

«Múk Israeli ádbaweek, hhawaata laqaá /ameeni, barnaxés tlakweemakariya' kaa tleéhh AAKOÓ MUNGÚ guri máy haratlintaooro, heewí aa dakuús.

FAARO 6:10

Bál dakaát hhookár tsár, laqaá na/aá hhooka awa tsár ngi huwi dír kaahamusmoó Mungú, dír afkú heémár Mungú.

FAARO 6:11

Kaahamusmoó Mungú hhookír wák gan haniis as tawa ilahhooár tlakweema hingeesa, nee hhookír hatlá' gan haniis tawa ilahhooár ta da/i, inós haraki/isa gari tleehh as heedaádá', asma tlakweema gaa tleéhh as tuua ngiwa kwatiít. Baalaarír kilae inós iri ooi, sagw'eé' aa malé hhohhooúy,

Matayo 10:16

«Qaytsité', án kuungá' nu adór bee/ángw wa ya/aáw baraá tla/ángw tawer, gawaá adoorihe masók tundun sageloén adór dayshe, slám masók tundun tsaén adór hhooka.

Matayo 21:12

Yesu iri dáh baraá Doó Mungú, muu sleémeero, kudá' muruú weerimiís nee kudá' muruú tlaxuuma guri baraá Doó Mungú wa gusiisín. Meesadaá múk peésár gaamiís giri /aankwartsín, nee kiteeraá múk hhookár weerimiisa.

Matayo 3:16

Yesu baatisaro kuwa hhe'eés, hamtidár kilae iri baraá yaaér wa ti'iít. Doori nay gweeritiyé', Qeeruú Mungú guri ár iwa gawaawós i awdiiti adór hhookír wa ale.

Luka 2:24

Gár hatlá' sleeme a ilahhooár muruú ta tsu/i kawa haniisi, adoodá' hara'ayár Aako i kat, «Hhooka tsár laqaá na/aá tsár awa hhooka.»

2 korinto 8:12

Asma kuúng gaa barnaxes a slá' haniisaro, yaareema nee niinaweema a gaarooká. Mungú gár i slai a tidá' kuúng ta koon kawa hanis, ala a tidá' kuúng ta koondaaká.