TLAHHOÓ LAÁWI 5:11 - Biblía Axweesantá Hhohho' ar Mungú 2004

¹¹ «Barnaxes hhooka tsár ga aleeslayká laqaá na/aá tsár awa hhooka, tawa ilahhooár tlakweemaadá' aa tleéhh hingeesa, puuruú kílór wák ngu huwi, ala munguwa dí/tí qaás laqaá mooyángw tsuú', asma gaarí a ilahhooár tlakweema hingeesa.

TLAHHOÓ LAÁWI 5:11 Iomraidhean Croise

TI'INAANGW 16:18

Ala qoomár kawa qoomeemeés ar qoomaydá' ta bay piíshi heedaádá' gwa tlahhas gár gwaa i met i káhh, nee heedaádá' gwa niinawees gár gu wa /aaruur i káhh sleeme. Umuú heewo gár aa sleés a harqoomoó /aymaaro i aleeslay.

TI'INAANGW 16:36

Muruú /aymár maána oo qoomoó piíshi wak i qoná' nee wa'aá mibaangw awa xooslomoó ta bay eéfa.

TLAHHOÓ LAÁWI 1:14

«Barnaxes hee AAKOÓ MUNGÚ gu ilahhooár dá/átí haniisár wa slaa' ar tsir/i, masók a hhooki laqaá na/oó hhooki ngu tsawaari, as kuwa ilahhooár wa hup.

TLAHHOÓ LAÁWI 12:8

«Barnaxes deelmoó bee/i ku aleeslayká haniisaro, hhookár tsár ka huwi, laqaá na/aá hhooka awa tsár, ar wák as ilahhooár da/a, nee ar hatlá' as ilahhooár tlakweema hingeesa. Kaahamusmoó Mungú haraki/isa gari tleehh, inós iri hhoohhoouúr.»

TLAHHOÓ LAÁWI 14:21

«Ala barnaxes heedaádá' a narkutmo, a heé aleesleemuú koomaaká, inós deelmoó wák oo gwaanda ngu huwi, tawa ilahhooár dakuús hingeesa oo ta gáwtí tleesi as kuwa haniisi dír Mungú as heedaádá' kuwa haraki/isárí tleehhi. Sleeme kílór wák ar puuruú natsaataá' oo taa aleedoók nee di/tá niina ar har tlaqtá liíta ngi haniisi tawa ilahhooár balaangw.

TLAHHOÓ LAÁWI 27:8

«Ala barnaxes heesíng a narkutmo bu'utusíng gu aleeslayká, heesíng ku huwi dír kaahamusmoó Mungú. Kaahamusmoó Mungú tlaxoorós gan qoomees ar adór aleesleemuú heé al'axweesani gaa oo'.

TLAHHOÓ LAÁWI 5:12

Gun dír kaahamusmoó i huuw, kaahamusmo puruú tsa/oó wák gun daa/ gawaá kitángw ilahhooa tawa inslaslaangw, gun daa/ dinkwa nee ilahhooár da/a/aangw, gaarí tari ilahhooár tlakweema hingeesa.

TLAHHOÓ LAÁWI 5:6

Ilahhooár dakuús hingeesa ngi huwi dír AAKOÓ MUNGÚ, dareemír bee/i laqaá ar leei ngi huwi as tawa ilahhooár tlakweema hingeesa. Kaahamusmoó Mungú haraki/isa gan tleehh as daanduú heewí as tlakweemaadá'.

TLAHHOÓ LAÁWI 5:9

Tseere gari bahh sliik ar bihhér kitángw ilahhooa. Tseerér aa met gari ku'uus dír gwe'eedaá kitángw ilahhooa. Gaarí an ilahhooár tlakweema hingeesa.

TLAHHOÓ LAÁWI 6:20

«Gaarí an ilahhooadá' Aroni nee daaqaywós ta haniisi dír AAKOÓ MUNGÚ qoomár bar kaa paraátl nee kaa iimbalaáx ar di/i. Umuú deelooro, kílo wak ar puuruú natsaatsaá', matlaatleero tlaqi kan haniis, tlaqtá hatlá' tsiindo.

FAARO 5:15

naagáy hhawaata hareerós ngi huwi amór kaahamusmo nee ilahhooadá' ta slai adór puuruú angaánoó shayiíri ar gár wák baraá muruú mibaango, ala makawa dí/tí qaás, laqaá mooyángw tsuú', asma tawa ilahhooár balaangw ar hhawaata kudá' hareerós ga xurumiít. Ilahhooár ta haniisi as dakuús kawa tsaahhi.

FAARO 7:13

Ilahhooarós a tí: Sahanír wák ar taa tleéhh ar peésa, iilooeemaawós a kílo wak nee tlaqi, nee iimpér wák ar taa tleéhh ar peésa, iilooeemaawós a graámu tsiire dakaát ar qoomoó didá' hhoohhoo'. Sahaánirí nee iimpeero kaa hatsiís puuruú natsaatsaa'a, oo taa aleedoók nee di/i, as tawa ilahhooár balaangw.

Luka 2:24

Gár hatlá' sleeme a ilahhooár muruú ta tsu/i kawa haniisi, adoodá' hara'ayár Aako i kat, «Hhooka tsár laqaá na/aá tsár awa hhooka.»

2 korinto 5:21

Heedaádá' tlakweemaá xuaaká, Mungú heedaádá' guna tlakweema tleéhh as atén, as atén tiwa gan'amií harafaari dír geeraá Munguhe ar loohír inós.

Ebrania 9:22

Slám hara'aya i kat, mura' sleémeero kun hhoohhooeemiis ar tseere. Ala bar tseere aa ku'utiká, gurtleemu i kaahh.