TLAHHOÓ LAÁWI 5:1 - Biblía Axweesantá Hhohho' ar Mungú 2004

¹ «Hee barnaxes kwaa ateét dír kwasleema as lamabu'uungw nguwa duuxi daanduú gár aa ari, laqaá ar aa axaasi, ala inós iri sií' ooaro, heewí adoorihe aa dakuús, gár kuwa hariím aqo kun doohhiis.

TLAHHOÓ LAÁWI 5:1 Iomraidhean Croise

1 WAAWITÁ 22:16

Ala waawutmo Mikaya guri báy, «Án kuúng u lo'ór /aymiis ar umuú AAKOÓ MUNGÚ sagaá waa magá' as looeema ngiwa o'?»

1 WAAWITÁ 8:31

«Hee bar heé hatlá' gwaa sadakuús, inós kunguri huúw as lo'o ngiwa /ayi baraá do'owí wa alé, inós bar lo'o gaa /aáy,

2 QOM'I 18:15

Ala Ahabu iri oó', «Qoomár kuúng bar axwés ar umuú AAKOÓ MUNGÚ, gár lo' na kaahang. Xáy a sagaáwa magá' adoorí án ngiwa dirók i aaiim?»

WARA'AMI 38:4

Tlakweemaaeé' naa tlahhiyé', iri harahuiyé' adór alwuór ma'aay. Ina al iilouyé' adór huwár gagaararo ni aleeslawaaká.

TI'INAANGW 22:11

mukwí tsár lo'o ngi /ayi dír geeraá Mungú wa ale as kawa tsaahhi heedaádá' taa sleérí qaás adór ngira kwatitiiká, nee seebuú slee lo'oodá' ngi ya/an, bu'utuú sleedá' i kaahh.

AXWEESANOÓ SAGALOOA 29:24

Heé nee fisusmo al'eemá' a slafiingós guna sií', Lo'ór heé ta gaa fiís bir ngaa axaás inós i gaa ooiiká.

AXWEESANOÓ SAGALOOA 30:9

As kahhó' mawa taqna/uút nari oo', «AAKOÓ MUNGÚ a heemá?» Mawa ak narkuút nari fiisór áw Tam umuú Munguúeé' nguri tawo káh.

ISAYA 53:11

Ala sagadiyusmooeé' mamaá slahh'amuú hhiintluuwós gi ar, iri hhe'ees. Ar fuqurángw sagadiyusmooeé' kudá' ganaá' múk yaariír kun gan'amú i harafaar, nee inós tlakweemaaín gin gagaar.

YEREMIA 23:10

Asma yaamu naa hatsiyé' fuquseero, yaamu i tsuunqumiisiyá' asma lo'o, qawtantaín ar baraá darma aa kát. Tlehhma'aá muu ki ló'wa tlakw, /uuruuín kun ar gadiyuus ar adór qoomaaká.

ESEKIELI 18:20

Heé tlakweema gaa tleehh an heé gwaá'. Na/aay tlakweemaá baabuúwós ngu gaasiaaká, laqaá baabá tlakweemaá na/aywós ngu gaasiaaká. Gan'amuú heé ganaá', heé i gaa wa bui aqo har inósuú kilá'. Heé tlaákw aqo inósuú kilá', inós tlakweemaawós gin gagaar.

ESEKIELI 18:4

Xuaak slafiingw sleémeero a kwe'eé', slafíngw xwayliitamó nee slafíngw na/aywo. Heé tlakweema gaa tleehh an heedaádá' gwaá'.

TLAHHOÓ LAÁWI 17:16

Ala bar tlabaawós gaa hhuuntsiiká nee aa hamtlinká, heewí tlakweemaawós i daanduuwós.»

TLAHHOÓ LAÁWI 19:8

Heé fu'unaydá' gaa /aay taa dahaás baraá tlakweema, asma gadaádá' hhoohhoo' ar AAKOÓ MUNGÚ gaa slasla/areés. Heewí gár kuwa hariím a kun baynitis dír múk Munguhe.

TLAHHOÓ LAÁWI 20:17

«Barnaxes hhawaata hho'oorós gaa duúx, dasír baabuúwós, laqaá ar aayírós, dasiidá' iri ya/aán hhawaatuudá' ngiwa duuxi, kuduú hhiyaawós, nee tari qaat nee inós, gadaádá' a slasla/areema, gár kiwa hariím a kin baynitis dír múk qarti'ine, asma gár murér koom ngaa tleehhiyé'. Tlakweemaaká' i gawaá daanduú hhawaatuuwí.

TLAHHOÓ LAÁWI 4:2

«Xoorór Israeli ka beeto, bar hee tlakweema gaa tleéhh ar adór aa haraxuiiká, gár nee hara'ayár AAKOÓ MUNGÚ ti slawa'aaká gari tleéhh, adór i tleehhi a tí:

TLAHHOÓ LAÁWI 5:15

«Barnaxes hee tlakweema gaa tleéhh ar adór aa haraxuiiká daanduú muruudá' hhohhó' ta AAKOÓ MUNGÚ i hanmiisi, inós gwaanduú xaslxaansli wásl ngu ilahhooár dakuús hingeesár wa haniisi. Kuúng tlaxór gwaandudá' an alqoomés nee tlaxór didá' hhoohhoo'. Tí an ilahhooár dakuús hingeesa.

TLAHHOÓ LAÁWI 5:17

«Barnaxes hee tlakweema gaa tleéhh ar adór aa haraxuiiká, gár nee hara'ayár AAKOÓ MUNGÚ ti slawa'aaká gari tleéhh aa dakuús, heewí a doohhisa.

TLAHHOÓ LAÁWI 7:18

Barnaxes fu'unaay awa ilahhooár wayda, kin /aay bál tame, ki ya/anká sleeme ki harafariiká bartá heé gaa haniis. Fu'unaydá' ki tlaakw, nee umuúqo heé gaa /ayi taa kilós tlakweemár áy.

FAARO 9:13

ala barnaxés hee kuqo hhoohhoó' nee i baraá aaií diri'iiká, deelór Pasaáka gaa oohiiká as adoodá' AAKOÓ MUNGÚ nguwa ilahhooárí hanisiiká qoomaadá' hariima, i hariín kuwa slahha'eesi as daanduú tlakweemaawós.

Matayo 26:63

Ala Yesu aa ilawatsiiká. Kaahamusmoó úr oo Mungú Yesu guri báy, «Án kuúng u baw, lo'o huweek ar Munguúdá' slaáf. Atén ti ádbeer kuúng barnaxes aqo Kristo, Garmoó Mungú.»

1 Petro 2:24

Kristo inósuú kilá' tlakweemaarén gina gagaár ar gawaá slaqwtós ay gawaá msalaába, as kahhó' atén tawa adór múk aa qaatl baraá tlakweemaawo, nee slám atén masók a múk slaáf baraá gan'amuuwo. Kuungá' tunduri hungu/uús as inkahhi'iidá' inós aa sláy.

HAR'OHUUSE 17:2

Looarka wake aayoorós gana báy, «Peésaadár kumuú wák nee tsiiru, tók tidá' taa fiís, kiíng heedaádá' kuri lu'ús, qoomaadae aníng a axamiís, ala aníng peésaadá' a koóm. Heé peésaadá' gaa taataahh a aníng.» Aayoorós iri ó', «Garmaaeé', kuúng AAKOÓ MUNGÚ u tsuuqi.»