TLAHHOÓ LAÁWI 4:7 - Biblía Axweesantá Hhohho' ar Mungú 2004

⁷ Kaahamusmo tseereedá' gari bahh taataahh, gari sliik ar xareemaá kitángw ilahhooár mooyángw tsuú' kawa da/aa/an dír geeraá AAKOÓ MUNGÚ baraá heémár Mungú. Tseerér aa met gari ku'uus dír gwe'eedaá kitángw ilahhooa kay da/aa/an, kuduú dír afkú heémár Mungú.

TLAHHOÓ LAÁWI 4:7 Iomraidhean Croise

WARA'AMI 118:27

AAKOÓ MUNGÚ inós an Mungú, inós atén taa diihhooatís. Haleemo oohare', bara/ iimu/uumare', ti koomakoonde' ay dír kitángw ilahhooa kawa hanmamisi.

TI'INAANGW 29:12

Tseerér niina ar awuudá' ka taatáhh, nee ka slík ar ditsaawók baraá xareemidaá kitángw ilahhooa, nee tseeredár hatlá' aa met ka ku'ús baraá ya'aá kitángw ilahhooa.

TLAHHOÓ LAÁWI 1:5

Naagáy awuudá' ku gaasi geeraá AAKOÓ MUNGÚ wa ale, nee daaqoó Aroni kudaá kaahamuusér Mungú, tseereedá' ngi tsiririxiisiye' bihhe sleémeero ar kitangwduú ilahhooa, kuduú dír geeraá heémár Mungú i dirií'.

TLAHHOÓ LAÁWI 16:18

Aluuwo niri tsee/áy ti'iit ay dír kitangwduú ilahhooa oo dír geeraá AAKOÓ MUNGÚ, tseerér awu nee ar gurtuuwo gari bahh taataahh, gari sliik ar xareemaá kitangwduú ilahhooa.

TLAHHOÓ LAÁWI 4:18

Tseere gay bahh taataahh gari xareemaá kitángw ilahhooár sliik dír geeraá AAKOÓ MUNGÚ baraá heémár Mungú, tseerér aa met gari ku'uus dír gwe'eedaá kitángw ilahhooár da/a/aangw, kuduú dír afkú heémár Mungú.

TLAHHOÓ LAÁWI 4:25

Kaahamusmo tseere gari bahh taataahh gari tikiis ar diitsarós, gari gawaá xareemaá kitángw ilahhooár dá/tár sliik, nee tseereedá' aa met ngi ku'uusi dír gwe'eedaá kitángw ilahhooár da/a/aangw.

TLAHHOÓ LAÁWI 4:30

Kaahamusmo tseereedá' gari tikiis ar diitsarós gari sliik gawaá xareemaá kitángw ilahhooár da/a/aangw. Tseerér aa met gari ku'uus dír gwe'eedaá kitángw ilahhooa.

TLAHHOÓ LAÁWI 4:34

Kaahamusmo diitsarós gan tikiis baraá tseerér dareemidár ilahhooár tlakweema hingeemis, gari sliik gawaá xareemaá kitángw ilahhooár da/a/aangw. Tseerér aa met gari ku'uus dír gwe'eedaá kitángw ilahhooa.

TLAHHOÓ LAÁWI 5:9

Tseere gari bahh sliik ar bihhér kitángw ilahhooa. Tseerér aa met gari ku'uus dír gwe'eedaá kitángw ilahhooa. Gaarí an ilahhooár tlakweema hingeesa.

TLAHHOÓ LAÁWI 6:30

Ala ilahhooarír tlakweema hingeesa ló' makawa /aáy, tidá' tseereerós tinda huúw baraá heémár Mungú as haraki/imis kuwa tleehhi didá' hhoohhoó' wa ale. Ilahhooári kan daa/ ar asla.»

TLAHHOÓ LAÁWI 8:15

Mose awuudá' guri gaás, tseere gari diitsarós ar tikiís, gari slikín ar xareemaá kitangwduú ilahhooa, as nguwa paraatli. Tseerér aa met gay ku'uús baraá gwe'eedaá kitangwdá' aa paraátl nee aa haraki/isár i tleéhh.

TLAHHOÓ LAÁWI 9:9

Daaqaywós nguri tseereérí huyé', inós gari tikiís ar diitsarós, gari sliík ar xareemaá kitángw ilahhooa. Tseerér aa met gari ku'uús baraá gwe'eedá kitangwdá'.

Efeso 2:13

Ala hám daxta, baraá Kristo Yesuwo, kuungaádá' aáng saawá' bál geeraawo, tunda tseeweés as gwa'arár Kristo.

Ebrania 9:15

Asma aáng Mungú al'axweesani gana dír mukií haniís ar aalír alhhe'eesay wasl kawa slay. Ala muu Mungú guna sadakuús qoomár alqadoodár geeraawo. Kristo iri gwaá' as muu nguwa gweeri baraá tlehhemi'ii'ín kudae. Gawaá adoorihe Kristo an haraki/isusmoó alqadór /aben, as mukdá' taa ateét nee Mungú al'axweesantadá' Mungú aa oó' kawa slay.

Ebrania 9:21

Slám tseere gari malé hikimiís gawaá heémaadá' nee gawaá xoosla sleémeero ar tara gadiyuús baraá saaliingo.

Geehhoeemaá 6:9

Nee Deelmoó bee/i dugnooduú kooán nguwa gweér, aníng qeereemaá muu ina ár baraá guruú kitángw ilahhooa. Mukwí an kudá' taa tsuú/ as axweesantá Mungú nee as lamabu'ungw'ín kudá' taa lamabu'ún.