TLAHHOÓ LAÁWI 4:4 - Biblía Axweesantá Hhohho' ar Mungú 2004

⁴ Inós awuuwí niiná ngu huwi dír afkú heémár Mungú, dír geeraá AAKOÓ MUNGÚ, dakós ngu qaasi gawaá ságw awuudá', daqaní awuudá' ngu gaasi dír geeraá AAKOÓ MUNGÚ.

TLAHHOÓ LAÁWI 4:4 Iomraidhean Croise

2 QOM'I 29:23

Aluuwo gurtaaweedár ilahhooár tlakweema hingeesa kari tseeweés bihhaá waawutmo, nee muu sleémeero. Dabaaín kiri qaás gawaá gurtaaweedá'.

ISAYA 53:6

Atén sleémeero ana adór bee/ángw wá qwaaraán umuú heewo loohirós gaa óh. Ala AAKOÓ MUNGÚ tlakweemaarén sleémeero gina gawaawós i tsa/aás.

DANIELI 9:26

Alaá wiikadaá mibeeri lahhoó' nee tsare heedá' taa iimbalaáx di/to ku amór saáwí kwaahh nee gár gu i meet i káhh. Gixsa nee didá' hhoohhooe ki ló'wa hhitín nee slaqwaruusér waawutmowo. Alhhe'eesaywós birna hardáh a adór alwuo, slaqwara nee hhamiimis adoodá' Mungú ngira ístí tsaát.

TLAHHOÓ LAÁWI 16:21

Aroni dabaawós giri qaas gawaá ságw gurtuudá' slaáf, tlakweema nee dakumisuú xoorór Israeliwo giri gawaá gurtuudií hhu'uu'ún, as gurtuudá' ngiwa gagaari. Naagáy gurtuudá' gway geemáy baraá xaanxaay, kway haniis dír heé taa amohhe'eés.

TLAHHOÓ LAÁWI 4:15

Bariisér múk Israeli dabaaín kiri qaas gawaá ságw awuudá' niiná, naagáy kuri gaas dír geeraá AAKOÓ MUNGÚ.

TLAHHOÓ LAÁWI 4:29

Dakós ngu qaasi gawaá ságw leeír ilahhooár tlakweema hingeesa, nee gari gaas didá' muruú ilahhooár da/a/aangw kuwa tsu/aa/in.

TLAHHOÓ LAÁWI 8:14

Mose awuuduú ilahhooár tlakweema hingeesa nguri huúw, Aroni nee daaqaywós kuri saga dabií qaás.

FAARO 8:12

Naagáy múk Laáwi dabaaín ngi qaasiye' gawaá sagér aweedá', awu wák oo ilahhooár tlakweema hingeesa, nee awu hatlá' oo ilahhooár da/a, as múk Laáwi kuwa haraki/isár i tleehhi.

1 Petro 3:18

Tam Kristo sleeme ina gwaá' as tlakweema. Ina gwaá' sagaáwa wák wa ale as tlakweema sleémeero. Inósuudá' gan'amuú koóm kuna slahh'eemiís as mukdá' gan'amuú koomaaká, as inós atén tiwa huwi amór Mungú. Slaqwtós kana gaás, ala kuri waaslee/atís ar Qeeru.