TLAHHOÓ LAÁWI 4:3 - Biblía Axweesantá Hhohho' ar Mungú 2004

³ Barnaxes heé adoosíng gaa tleehh a kaahamusmoó Mungú, kudá' taa iimbalaáx ar di/i, inós gár kuwa hariím a awuú niiná oo xaslxaansli wásl gun ilahhooár wa haniis dír AAKOÓ MUNGÚ as tlakweemaadá' hingeesa.

TLAHHOÓ LAÁWI 4:3 Iomraidhean Croise

2 QOM'I 29:21

Awér faanqw kari huúw, gwaandaawe faanqw kari huúw, deeloó bee/aangw oo faanqw, nee gurtaawe faanqw, kina haniís as tawa ilahhooár tlakweema hingeesa daanduú waawuti'iimaro nee didá' hhoohhooe nee as múk Yuda. Waawutmo kaahamuusér Mungú tidár xwaylár Aroni gari ádbáy, ilahhooarí ngiwa haniisiya' gawaá kitangwduú ilahhooár AAKOÓ MUNGÚ.

ESRA 8:35

Qoomaadae mukdá' sleémeero naa baraá looháy wa waatl, ilahhooár da/a kari haniís dír Munguú Israeli, awe mibaá nee tsár as xoorór Israeli sleémeero, nee gwaandaawe mibeeri gwaleél nee lahhoó', nee deeloó bee/aangw mibeeri faanqw nee faanqw, nee gurtaawe mibaá nee tsár as tawa ilahhooár tlakweema. Muruuwí sleémeero kuna ilahhooár da/tá wa haniís dír AAKOÓ MUNGÚ.

TI'INAANGW 29:14

Ala fu'unaá awuudá' nee kaahartose nee saankarose ki da/tá eér tsee/aá didá' kuungá' ti diria', asma ilahhooarí ar dakuús hingeesa.

TI'INAANGW 29:21

Tseereedár gawaá kitángw ilahhooárí dirii' ka bahh taatáhh, nee di/tadár iimbalaxaango ka tsipipi'ís gawaá Aroni nee gawaá tlabaawós, ka male tsipipi'ís gawaá daaqaywós nee gawaá tlabaaín. Daqaní Aroni nee daaqaywose kaa hhoohhooeés tawa kwe'eé' nee sleémeero.

TI'INAANGW 29:7

Muruuwí bura hhe'és tleehhamooro, ku di/tár iimbaláx as kuwa baraá gadiyeédií dahas.

TI'INAANGW 30:10

Aroni haraki/sa ngi tleehhi gawaá xareemaá kitangwdá' baraá kurko sagaáwa wak. Gár haraki/isa ngir tleehhi a tseerér ilahhooár tlakweema hingeesa, tidá' ta hanmiisi sagaáwa wak umuúqo kurko baraá umuúqo qarto, asma kitangwsíng ku ló'wa hhoohhoó' dír anuú AAKOÓ MUNGUHE.»

ESEKIELI 40:39

Baraá matla/aango meesadaá tsár kaa qaás bihhaá wák, nee awa hatlá' awa tsár kaa qaás bihhaá hatlá'. Gawaá meesaduukae makaydaá muruuduú ilahhooár da/a/aangw nee ar tlakweema hingeesa nee ar dakuús fiitsa kun gawaadá' wa tsu/aa/ín.

ESEKIELI 43:19

Daqaní ku hanís dír kaahamuuseedár tlahhoó Laáwi, kudá' awa xwaylár Sadoki, inooín kilooín aníng i haratseewuye', as iwa sagadiyusiya'. Anuú Aakoó MUNGÚ tí aga oó'. Tsa/tamoó niiná oo awu ti sleer as tawa ilahhooár tlakweema hingeesa.

ESEKIELI 44:27

Bál bir dah didá' hhoohhoo' ar afeenír baraá guruú do' as iwa didá' hhoohhoó' wa gadiyuusi, ilahhooár tlakweés hingeesa ngi haniisi as inós. Anuú Aakoó MUNGÚ tí aga oó'.

TLAHHOÓ LAÁWI 1:10

«Barnaxes hee ilahhooarós ar da/a ga haniisár wa slaa' baraá daqtós ar bee/aangw laqaá ar aara, ilahhooár gwaanda, laqaá gurta oo xaslxaanslír koomaaká ngu haniisi.

TLAHHOÓ LAÁWI 1:3

«Bar ilahhooarós ar da/a gan duux, a makiito'ór yaqaamba ar xaslxaanslír koomaaká baraá daqtose, as aníng ngiwa ya/aam. A gan huuw dír afkú heémár Mungú.

TLAHHOÓ LAÁWI 16:11

«Aroni awuuduú ilahhooár tlakweema hingeesa guri haniis as inós, nee haraki/isa gari tleehh as inós nee múk do'ós. Naagáy awuudá' gway gaas as ilahhooár tlakweema hingeesa.

TLAHHOÓ LAÁWI 16:3

Aroni in didá' hhoohhoó' i dah ar tsa/atmoó awu as ilahhooár tlakweema hingeesa, nee gwaanda as ilahhooár da/a.

TLAHHOÓ LAÁWI 16:5

«Baraá muruuduú xoorooro gurtaawe tsár gari taataahh, nee gari haniis as ilahhooár tlakweema hingeesa, nee gwaanduú wák as tawa ilahhooár da/a.

TLAHHOÓ LAÁWI 16:6

Aroni tsa/atamooduú awu guri ilahhooár tlakweema hingeesár wa haniis as inós, nee haraki/isa gari tleehh inósuú kilá' nee as daanduú múk do'ós.

TLAHHOÓ LAÁWI 4:14

Qoomár tlakweemaadá' taa tleéhh birna xu'utitiyé', dinku'uumadá' awuú niiná gun gás as tawa ilahhooár tlakweema hingeesa, kuri huuw dír geeraá heémár Mungú.

TLAHHOÓ LAÁWI 4:23

Inós burkwa xu'utís tlakweemaawós kudae, inós gurtuú xaslxaansli wásl ngu haniisi, tawa ilahhooarós ar tlakweema hingeesa.

TLAHHOÓ LAÁWI 4:28

Bar tlakweemadá' aa tleehhi kwa xu'utís, inós leeír xaslxaansli wasl gan haniis ilahhooarós wa ale as hingeesár tlakweemaawós kudá' aa tleéhh.

TLAHHOÓ LAÁWI 4:5

Kaahamusmoodá' taa iimbalaáx ar di/i, tseerér awuudá' gan bahh taataahh gari ar dah baraá heémár Mungú.

TLAHHOÓ LAÁWI 5:6

Ilahhooár dakuús hingeesa ngi huwi dír AAKOÓ MUNGÚ, dareemír bee/i laqaá ar leei ngi huwi as tawa ilahhooár tlakweema hingeesa. Kaahamusmoó Mungú haraki/isa gan tleehh as daanduú heewí as tlakweemaadá'.

TLAHHOÓ LAÁWI 6:18

Umuúqo hhawaatuwo baraá xwaylár Aroniwo an múk hariím gaarí kawa /ayi, asma kana paraátl umuú daqto as inooín, dír ilahhooadá'' ta dír AAKOÓ MUNGÚ i da/a/ana. Umuúqo heewo oo gaa kwatiit aqo in hhoohhooúy.»

TLAHHOÓ LAÁWI 8:12

Mose Aroni gway saga iimbalaáx ar di/i as nguwa paraatli.

TLAHHOÓ LAÁWI 9:2

Mose Aroni guri báy, «Tsa/atamoó awu taataahheek, as ilahhooár tlakweema hingeesa, nee gwaanda as ilahhooár da/a, muruuwí masók ku xaslxaansli wásl. Daqaní ki hanís dír AAKOÓ MUNGÚ.

TLAHHOÓ LAÁWI 9:3

Xoorór Israeli ka beer: Gurtuú wák slawaak as tawa ilahhooár tlakweema hingeesa, nee deelmoó bee/i taataahhaak nee dama, kuká' sleémeero masók awa kurkú wák, nee masók ki xaslxaansli wasl, as tawa ilahhooár da/a.

FAARO 16:22

Ala Mose nee Aroni tari gur'ér qaqtín tawa kaahi, «Aá AAKOÓ MUNGÚ Kudaádá' oo slafíngw muu sleémeero, xáy heé wák bira dakuús, aqo xooro sleémeero an i búhha?»

FAARO 8:8

Naagáy awuú wák oo batlitamo dinkwa nee ilahhooár balaango tidár puuruú natsaatsaá' oo taa aleedoók nee di/i, ngu huwiye', nee kuúng awuú hatlá' oo batlitamo ngu húp as tawa ilahhooár tlakweema hingeesa.

Rumi 8:3

Asma muruudá' hara'aya i aleesleeraaká tlehhmuuwo, muruudá' Mungú guna tleéhh. Asma hara'aya i /uuruú koondaaká, as adoodá' slaqoorén iwa tlakweemaá slaiya' tlehhmuuwo. Ala Mungú Garmaawós oo kilá' nguna ya/aáw. Inós slaqwa gari sláy ar slaqás nee tidár múk tlakweemaá koóm. Gawaá adoorihe Mungú tlakweema giri sakwasleemuút baraá slaqoorén awa tlakweemaá koomá'.

2 korinto 5:21

Heedaádá' tlakweemaá xuaaká, Mungú heedaádá' guna tlakweema tleéhh as atén, as atén tiwa gan'amií harafaari dír geeraá Munguhe ar loohír inós.

Ebrania 5:3

Gawaá adoorihe gár inós kuwa hariím, slér ilahhooa gan gaas as tlakweemaawós sleeme, ala a as tlakweemaá muu kilooineeká.

Ebrania 9:12

Slám inós aa dahiiká baraá heéma i alé ar tseerér gurtaawe nee ar damaay, ala ina dáh sagaáwa wák kilós didár hhoohhoó' i alé ar tseereerós ar kilá'. Gawaá adoorihe ba/amár alhhe'eesay wasl gana tleéhh.