TLAHHOÓ LAÁWI 4:26 - Biblía Axweesantá Hhohho' ar Mungú 2004

²⁶ Wahhna sleémeero ar gurtuudá' gan daa/ gawaá kitángw ilahhooa, adór wahhnár gár taa ilahhooár waydú wa gaás ka /imaamisi. Gawaá adoorihe kaahamusmo haraki/isa gan tleehh as geeraharusmoodá', inós kway gurtláy.

TLAHHOÓ LAÁWI 4:26 Iomraidhean Croise

2 QOM'I 29:24

Kaahamuusér Mungú makaydá' ngiri tsu/iyé', tseerer'ín kay tsiririxiís gawaá kitangwduú ilahhooa as múk Israeli sleémeero kuwa haraki/isi nee Mungú. Asma waawutmo Hesekia gana oó', ilahhooár da/a, nee ilahhooár tlakweema hingeesa kawa haniisi as múk Israeli.

ESEKIELI 43:22

Matlaatleero looa birna tleér, gurtuú xaslxaansli wásl ku hanís as tawa ilahhooár tlakweema hingeesa, kitángw ilahhooa ku hheehhe'és adoodá' kura hheehhe'és ar tseerér awu.

TLAHHOÓ LAÁWI 1:4

Dakós guri qaas gawaá ságw makiito'oodár ilahhooár da/a. Adoosinge ilahhooadá' i ya/aán haraki/isaro.

TLAHHOÓ LAÁWI 12:8

«Barnaxes deelmoó bee/i ku aleeslayká haniisaro, hhookár tsár ka huwi, laqaá na/aá hhooka awa tsár, ar wák as ilahhooár da/a, nee ar hatlá' as ilahhooár tlakweema hingeesa. Kaahamusmoó Mungú haraki/isa gari tleehh, inós iri hhoohhoouúr.»

TLAHHOÓ LAÁWI 14:18

Di/tá aa met gari sliik gawaá ságw heedaádá'. Gawaá adoorihe kaahamusmoó Mungú haraki/isa gari tleehh dír geeraá AAKOÓ MUNGÚ wa ale as daanduú heewí.

TLAHHOÓ LAÁWI 15:15

Kaahamusmoó Mungú giri haniis, ar wák as ilahhooár tlakweema hingeesa, nee ar hatlá' as ilahhooár da/a. Kaahamusmoó Mungú heedaádá' guri haraki/isárí tleehh dír geeraá AAKOÓ MUNGÚ wa ale, as iwa malalaáhh.

TLAHHOÓ LAÁWI 17:11

Asma slafíngw umuú gaaro i baraá tseere. Hara'aya ngina haniís as tseere ngiwa huba' dír kitángw ilahhooa, as haraki/isa kawa tleehhi as kuungá'. Asma tseere i haraki/isár tlehhít, asma slafiingw i baraá tseere.

TLAHHOÓ LAÁWI 19:22

Kaahamusmoó Mungú haraki/isa gari tleehh ar gwaandudá' dír geeraá AAKOÓ MUNGÚ wa ale, nee tlakweemaadá' heedaádá' aa tleéhh ki gurtláy.

TLAHHOÓ LAÁWI 3:5

Daaqoó Aroni gari gawaá kitángw ilahhooárí daa/ dinkwa nee ilahhooadár da/a/aangw ar gawaá migírí dirii'. Gaarí an ilahhooár da/a ar slaahhareeriiwós AAKOÓ MUNGÚ ngu sla'atisá'.

TLAHHOÓ LAÁWI 4:19

Naagáy wahhna sleémeero ar awuudá' gari hingees, gay daa/ gawaá kitángw ilahhooa.

TLAHHOÓ LAÁWI 4:20

Adoodá' ngira tleéhh dír awuuduú ilahhooár tlakweema hingeesa, an adoodá' i tleehhi dír awuuwihe sleeme. Kaahamusmo haraki/isa gan tleehh as inooín, inooín kiri gurtláy.

TLAHHOÓ LAÁWI 4:31

Wahhna sleémeero ar leeidá' gari hingees, adór tidár aaraá ta ilahhooár wayduú wa hanmiisi, ka /imaamiisi. Kaahamusmo gari daa/ gawaá kitángw ilahhooa, slaahhareeriiwós AAKOÓ MUNGÚ nguri sla'atisiyá'. Kaahamusmo haraki/isa gari tleehh as daanduú heewí, heewí kuri gurtláy.

TLAHHOÓ LAÁWI 4:35

Naagáy wahhna sleémeero gari hingees adór tidár bee/ír taa ilahhooár waydú wa gaás ka /imaamisi. Kaahamusmo gari daa/ gawaá kitángw ilahhooa dinkwa nee ilahhooár ta da/aa/an ar ta hanmiisi dír AAKOÓ MUNGÚ. Kaahamusmo haraki/isa gan tleehh as tlakweemaá heewí as tlakweemaadá' aa tleéhh, inós kuri gurtláy.»

TLAHHOÓ LAÁWI 5:10

Naagáy kaahamusmoó Mungú hhookidár tsár gan haniis tawa ilahhooár ta da/aa/an ar adoodá' kara hara'ayín. Kaahamusmoó Mungú haraki/isa gan tleehh as daanduú heewí as tlakweemaadá' aa tleéhh, inós kuri gurtláy.

TLAHHOÓ LAÁWI 5:13

Naagáy kaahamusmo haraki/isa gan tleehh as daanduú heewí as tlakweemaadá' aa tleéhh, inós kuri gurtláy. Puuruú aa meet tari oo kaahamusmoó Mungú, adór ilahhooár bu'úngw wa ale.»

TLAHHOÓ LAÁWI 5:16

Tam adoorihe muruudá' sleémeero hhohhó' aa hhitín gun buu', muruú kooán gun aldaaf ar gár wák, gari dír kaahamusmoó Mungú i haniis. Kaahamusmo haraki/isa gan tleehh as daanduú heewí ar gwaanduduú ilahhooár dakuús hingeesa, heedaádá' kuri gurtláy.

TLAHHOÓ LAÁWI 5:18

Inós gwaanduú xaslxaansli wásl gun huuw dír kaahamusmo, oo alqoomá' nee kuduú ilahhooár dakuús hingeesa. Kaahamusmo haraki/isa gan tleehh as daanduú heewí as tlakweemaadá' aa tleéhh ar adór aa haraxuiiká, heewí kuri gurtláy.

TLAHHOÓ LAÁWI 6:7

Kaahamusmoó Mungú haraki/isa gari tleehh as daanduú heedá' aa dakuus dír geeraá AAKOÓ MUNGUHE, heewí kuri gurtláy baraá muruudá' iwa dakuusi.»

FAARO 15:25

Kaahamusmoó Mungú haraki/isa gan tleehh as daanduú dinku'uuma sleémeero ar Israeli, inooín kiri gurtláy as dakuúsadá' ar pa/aayo, nee ilahhooar'ín ngi huwiye', ilahhooár ta da/i dír AAKOÓ MUNGÚ, nee ilahhooár tlakweema hingeesa as daanduú dakuúsadá'.

FAARO 15:28

Kaahamusmoó Mungú haraki/isa gan tleehh dír geeraá AAKOÓ MUNGÚ wa ale, as daanduú heewí dakuúsár pa/aayo gaa tleehh, nee inós ku gurtláy.