TLAHHOÓ LAÁWI 4:24 - Biblía Axweesantá Hhohho' ar Mungú 2004

²⁴ Dabaawós ngi qaasi gawaá ságw gurtuudá' nee ngu gaasi didá' muruú ilahhooár da/a kuwa tsu/aa/in dír geeraá AAKOÓ MUNGÚ. Gaarí an ilahhooár tlakweema kir hingeesi.

TLAHHOÓ LAÁWI 4:24 Iomraidhean Croise

2 WAAWITÁ 12:16

Peésaadá' taa burumbuúr as ilahhooár dakuús nee tidár tlakweema hingeesa kaa huwiiká baraá doó AAKOÓ MUNGÚ, tidá' kana máy dír kaahamuusér Mungú as tawa tooín.

2 QOM'I 29:23

Aluuwo gurtaaweedár ilahhooár tlakweema hingeesa kari tseeweés bihhaá waawutmo, nee muu sleémeero. Dabaaín kiri qaás gawaá gurtaaweedá'.

TI'INAANGW 29:38

«De'emaá hi'iita'a umuú daqto ilahhooár ta hanmisa' dír kitángw ilahhooaro a tí: Deeloó tsár oo bee/aangw oo kurkú wák.

ISAYA 53:6

Atén sleémeero ana adór bee/ángw wá qwaaraán umuú heewo loohirós gaa óh. Ala AAKOÓ MUNGÚ tlakweemaarén sleémeero gina gawaawós i tsa/aás.

TLAHHOÓ LAÁWI 1:11

Guri gaas bihhaá /iya awa kitángw ilahhooa dír geeraá AAKOÓ MUNGÚ, daaqoó Aroni kudaá kaahamuusér Mungú tseereedá' ngi tsirirxiisiye' bihhe sleémeero ar kitángw ilahhooa.

TLAHHOÓ LAÁWI 1:4

Dakós guri qaas gawaá ságw makiito'oodár ilahhooár da/a. Adoosinge ilahhooadá' i ya/aán haraki/isaro.

TLAHHOÓ LAÁWI 1:5

Naagáy awuudá' ku gaasi geeraá AAKOÓ MUNGÚ wa ale, nee daaqoó Aroni kudaá kaahamuusér Mungú, tseereedá' ngi tsiririxiisiye' bihhe sleémeero ar kitangwduú ilahhooa, kuduú dír geeraá heémár Mungú i dirií'.

TLAHHOÓ LAÁWI 14:13

Naagáy deelmooduú bee/i guri gaas didá' hhoohhoo' ar makaá ilahhooár tlakweema hingeesa nee ilahhooár da/a ki tsu/aa/in. Ilahhooarír dakuús hingeesa nee ar tlakweema hingeesaro a hariímár kaahamusmoó Mungú.

TLAHHOÓ LAÁWI 16:15

«Aluuwo gurtuú ilahhooár tlakweema hingeesa guri gaas as muu sleémeero. Tseerér gurtuudá' gari baraádií huúw, didá' ak hhoohhoo', ar adór tseerér awu ngaa /imiís, gari hikimiís gawaá kitángw gurtleemu nee amór geeraá kitaango.

TLAHHOÓ LAÁWI 3:13

Dakók un qás gawaá ságw makiito'oodá', ka gás dír geeraá heémár Mungú, nee daaqoó Aroni tseereerós ngi hikimiisiye' bihhe sleémeero ar kitángw ilahhooa.

TLAHHOÓ LAÁWI 3:2

Heedá' dabaawós ngi qaasi gawaá ságw sleedá' daqaní ka gaasi dír afkú heémár Mungú wa ale. Daaqoó kaahamusmo Aroni tseerér sleedá' ka hikimiisi bihhe sleémeero ar kitangwduú ilahhooa.

TLAHHOÓ LAÁWI 3:8

Dakók un qás gawaá ságw makiito'oodá', kari gás dír geeraá heémár Mungú. Daaqoó Aroni tseereerós ngi hikimiisiye' bihhe sleémeero ar kitángw ilahhooa.

TLAHHOÓ LAÁWI 6:18

Umuúqo hhawaatuwo baraá xwaylár Aroniwo an múk hariím gaarí kawa /ayi, asma kana paraátl umuú daqto as inooín, dír ilahhooadá'' ta dír AAKOÓ MUNGÚ i da/a/ana. Umuúqo heewo oo gaa kwatiit aqo in hhoohhooúy.»

TLAHHOÓ LAÁWI 6:22

Kaahamusmoó Mungú kudá' taa iimbalaáx ar di/i baraá tla/ángw xwaylár Aroniwo, as gadiyér ilahhooa hanmis ngiwa oohi, AAKOÓ MUNGÚ gun ilahhooarí haniis, ilahhooarí sleémeero kan daa/. Ilahhooarír da/a/aangw a hara'ayár kureerisleém.

TLAHHOÓ LAÁWI 6:25

«Aroni nee daaqaywós kibeeto, gaarí an dabér ilahhooár tlakweema hingeemis adór kar hanmisa'. Didá' slér ilahhooár da/a ki gaamaamisi an didá' slér ilahhooár tlakweema hingeesa kawa gaasi, dír geeraá AAKOÓ MUNGÚ. Ilahhooarí kari hhoohhoo' ló'wa ale.

TLAHHOÓ LAÁWI 7:2

Sleedár ilahhooár dakuús hingeesa dír kawa gaasi an dír slér ilahhooár da/a kawa gaamaamisi, nee tseereerós kan hikimiis badu sleémeero awa kitángw ilahhooa.