TLAHHOÓ LAÁWI 4:23 - Biblía Axweesantá Hhohho' ar Mungú 2004

²³ Inós burkwa xu'utís tlakweemaawós kudae, inós gurtuú xaslxaansli wásl ngu haniisi, tawa ilahhooarós ar tlakweema hingeesa.

TLAHHOÓ LAÁWI 4:23 Iomraidhean Croise

WARA'AMI 90:8

Tlakweemaarén ki geehhoo' diroge, tlakweemaá baraá naaqo naa geehhoouyé' baraá gwa/aateemaawoge.

ESEKIELI 43:22

Matlaatleero looa birna tleér, gurtuú xaslxaansli wásl ku hanís as tawa ilahhooár tlakweema hingeesa, kitángw ilahhooa ku hheehhe'és adoodá' kura hheehhe'és ar tseerér awu.

TLAHHOÓ LAÁWI 1:3

«Bar ilahhooarós ar da/a gan duux, a makiito'ór yaqaamba ar xaslxaanslír koomaaká baraá daqtose, as aníng ngiwa ya/aam. A gan huuw dír afkú heémár Mungú.

TLAHHOÓ LAÁWI 23:19

Gurta ngun ilahhooár tlakweema hingeesár wa hanisá', nee deeloó tsár oo gwaandaawe, oo kurkú wák, un tsu/á' as ilahhooár wayda.

TLAHHOÓ LAÁWI 4:14

Qoomár tlakweemaadá' taa tleéhh birna xu'utitiyé', dinku'uumadá' awuú niiná gun gás as tawa ilahhooár tlakweema hingeesa, kuri huuw dír geeraá heémár Mungú.

TLAHHOÓ LAÁWI 4:24

Dabaawós ngi qaasi gawaá ságw gurtuudá' nee ngu gaasi didá' muruú ilahhooár da/a kuwa tsu/aa/in dír geeraá AAKOÓ MUNGÚ. Gaarí an ilahhooár tlakweema kir hingeesi.

TLAHHOÓ LAÁWI 4:28

Bar tlakweemadá' aa tleehhi kwa xu'utís, inós leeír xaslxaansli wasl gan haniis ilahhooarós wa ale as hingeesár tlakweemaawós kudá' aa tleéhh.

TLAHHOÓ LAÁWI 4:3

Barnaxes heé adoosíng gaa tleehh a kaahamusmoó Mungú, kudá' taa iimbalaáx ar di/i, inós gár kuwa hariím a awuú niiná oo xaslxaansli wásl gun ilahhooár wa haniis dír AAKOÓ MUNGÚ as tlakweemaadá' hingeesa.

TLAHHOÓ LAÁWI 5:4

«Laqaá barnaxes hee lo'o gaa huúw ar gaanslaay, adoodá' múk hatlá' i /imamisi gár tlaakw laqaá ar hhoo' ngiwa tleehhi, qoomár adoorí birnga tsaáhh i dakuúsár kón.

TLAHHOÓ LAÁWI 9:3

Xoorór Israeli ka beer: Gurtuú wák slawaak as tawa ilahhooár tlakweema hingeesa, nee deelmoó bee/i taataahhaak nee dama, kuká' sleémeero masók awa kurkú wák, nee masók ki xaslxaansli wasl, as tawa ilahhooár da/a.

FAARO 15:24

daqaní barnaxes dakuúsarí a gár taa tsabindi'iiká, dinku'uuma ga xu'uká, dinku'uuma awuú niiná oo wák ngu hanis as tawa ilahhooár da/a, ar slaahhareeriiwós AAKOÓ MUNGÚ ngu sla'atimisá', dinkwa nee ilahhooár balaangw nee ar muruú wahaangw adoodá' hara'aya i kat. Nee sleeme muu gurtuú wák ku haniisi as tawa ilahhooár tlakweema hingeesa.

FAARO 28:15

Slám gurtuú wák un hanisá' dír AAKOÓ MUNGÚ tawa ilahhooár tlakweema hingeesa. Dinkwa nee tihe ilahhooár da/a tidár umuúqo baala nee ilahhooarós tidár wahaango makawa máy.

FAARO 28:30

Gurtuú wák un hanisá' as haraki/isarhúng kawa tleehhi.

FAARO 29:11

Gurtuú wák un hanisá' tawa ilahhooár tlakweema hingeesa dinkwa nee ilahhooadár tlakweema hingeesa as haraki/isarhúng, dinkwa nee ilahhooár da/a tidár umuú baala, nee ilahhooarós ar balaangw nee ilahhooarós ar muruú wahaangw.

FAARO 29:16

Nee gurtuú wák un hanisá' tawa ilahhooár tlakweema hingeesa. Dinkwa nee tihe ilahhooár da/a tidár umuú baala nee ilahhooarós ar balaango, nee ilahhooarós ar muruú wahaango makawa máy.

FAARO 29:19

Sleeme gurtuú wák un hanisá' tawa ilahhooár tlakweema hingeesa. Dinkwa nee tihe ilahhooadár da/a tidár umuú baala nee ilahhooarós ar balaango, nee ilahhooarós ar muruú wahaango makawa máy.

FAARO 29:5

Sleeme gurtuú wák un hanisá' tawa ilahhooár tlakweema hingeesa as haraki/isarhúng kawa tleehhi.

FAARO 7:16

Gurtuú wák guna huúw as tawa ilahhooár tlakweema hingeesa.

FAARO 7:22

Gurtú wák nguna huúw as tawa ilahhooár tlakweema hingeesa.

FAARO 7:28

Gurtuú wák nguna huúw as tawa ilahhooár tlakweema hingeesa.

FAARO 7:34

Gurtuú wák nguna huúw as tawa ilahhooár tlakweema hingeesa.

Rumi 8:3

Asma muruudá' hara'aya i aleesleeraaká tlehhmuuwo, muruudá' Mungú guna tleéhh. Asma hara'aya i /uuruú koondaaká, as adoodá' slaqoorén iwa tlakweemaá slaiya' tlehhmuuwo. Ala Mungú Garmaawós oo kilá' nguna ya/aáw. Inós slaqwa gari sláy ar slaqás nee tidár múk tlakweemaá koóm. Gawaá adoorihe Mungú tlakweema giri sakwasleemuút baraá slaqoorén awa tlakweemaá koomá'.