TLAHHOÓ LAÁWI 4:21 - Biblía Axweesantá Hhohho' ar Mungú 2004

²¹ Inós awuudá' niiná guri tsee/aá xáftí huuw, guri daa/ adór kuduú geeraá wa ale. Gaarí an ilahhooár ta hanmiisi as tlakweemaá xooro hingeesa.

TLAHHOÓ LAÁWI 4:21 Iomraidhean Croise

ESRA 8:35

Qoomaadae mukdá' sleémeero naa baraá looháy wa waatl, ilahhooár da/a kari haniís dír Munguú Israeli, awe mibaá nee tsár as xoorór Israeli sleémeero, nee gwaandaawe mibeeri gwaleél nee lahhoó', nee deeloó bee/aangw mibeeri faanqw nee faanqw, nee gurtaawe mibaá nee tsár as tawa ilahhooár tlakweema. Muruuwí sleémeero kuna ilahhooár da/tá wa haniís dír AAKOÓ MUNGÚ.

TI'INAANGW 29:14

Ala fu'unaá awuudá' nee kaahartose nee saankarose ki da/tá eér tsee/aá didá' kuungá' ti diria', asma ilahhooarí ar dakuús hingeesa.

ESEKIELI 45:22

Baalaarihe geeraharusmo awu wák gu ilahhooár wa haniis as tlakweemaawós nee as tlakweemaá muu sleémeero oo Israeli.

TLAHHOÓ LAÁWI 16:15

«Aluuwo gurtuú ilahhooár tlakweema hingeesa guri gaas as muu sleémeero. Tseerér gurtuudá' gari baraádií huúw, didá' ak hhoohhoo', ar adór tseerér awu ngaa /imiís, gari hikimiís gawaá kitángw gurtleemu nee amór geeraá kitaango.

TLAHHOÓ LAÁWI 16:21

Aroni dabaawós giri qaas gawaá ságw gurtuudá' slaáf, tlakweema nee dakumisuú xoorór Israeliwo giri gawaá gurtuudií hhu'uu'ún, as gurtuudá' ngiwa gagaari. Naagáy gurtuudá' gway geemáy baraá xaanxaay, kway haniis dír heé taa amohhe'eés.

TLAHHOÓ LAÁWI 16:27

Awuudá' nee gurtuuwo taa haniis as ilahhooár tlakweema hingeesa, kudá' tseerer'ín taa huúw didá' ló'wa hhoohhoo' as haraki/isa kawa tleehhi, kin tsee/aá xáftí huuw. Kaduuín nee fu'unaywo, nee sankaro, sleémeero kiri daa/.

TLAHHOÓ LAÁWI 4:13

«Barnaxes dinku'uumár xoorór Israeli tlakweema gaa tléhh ar adór taa haraxuiiká, gár nee hara'ayár Mungú ti slawa'aaká kari tleéhh, inooín tari dakuús.

TLAHHOÓ LAÁWI 4:20

Adoodá' ngira tleéhh dír awuuduú ilahhooár tlakweema hingeesa, an adoodá' i tleehhi dír awuuwihe sleeme. Kaahamusmo haraki/isa gan tleehh as inooín, inooín kiri gurtláy.

TLAHHOÓ LAÁWI 6:11

Naagáy tlabaadá' i kon giri duux, tlabaá hatlá' giri dahaas, da/ara gari huuw didá' taa fiíts ar xafto guruú tsee/a.

TLAHHOÓ LAÁWI 6:23

Ilahhooa sleémeero ar balaangw ar taa haniís nee kaahamusmoó Mungú, ka da/i sleémeero, nee makawa baloó /aáy.»

TLAHHOÓ LAÁWI 8:17

Ala fu'unaá awuudá', nee kaahartose, nee sankarose giri daá/ tsee/aá xafi, adoodá' AAKOÓ MUNGÚ ngira hara'ayín.

FAARO 15:24

daqaní barnaxes dakuúsarí a gár taa tsabindi'iiká, dinku'uuma ga xu'uká, dinku'uuma awuú niiná oo wák ngu hanis as tawa ilahhooár da/a, ar slaahhareeriiwós AAKOÓ MUNGÚ ngu sla'atimisá', dinkwa nee ilahhooár balaangw nee ar muruú wahaangw adoodá' hara'aya i kat. Nee sleeme muu gurtuú wák ku haniisi as tawa ilahhooár tlakweema hingeesa.

Matayo 20:28

Asma tam Garmoó Hee sleeme naa hardihiiká as kuwa sagadiyuusi, ala nina hardáh as muu nguwa sagadiyuusi nee slafiingós nguwa duuxi as tawa bu'utuú múk yaariír ngur tu/i.»

2 korinto 5:21

Heedaádá' tlakweemaá xuaaká, Mungú heedaádá' guna tlakweema tleéhh as atén, as atén tiwa gan'amií harafaari dír geeraá Munguhe ar loohír inós.

Ebrania 13:11

Kaahamusmoó úr oo Mungú tseerér hikwaadá' taa tsuú/ ilahhooár wa ale, gan haahuuw baraá heéma ay Didá' ak Hhoohhoo', as ilahhooár tlakweemaá wa ale. Ala fu'unaá makaydá' kin da/aa/aa/án dír tsee/aá gixsár wa ale.