TLAHHOÓ LAÁWI 4:2 - Biblía Axweesantá Hhohho' ar Mungú 2004

² «Xoorór Israeli ka beeto, bar hee tlakweema gaa tleéhh ar adór aa haraxuiiká, gár nee hara'ayár AAKOÓ MUNGÚ ti slawa'aaká gari tleéhh, adór i tleehhi a tí:

TLAHHOÓ LAÁWI 4:2 Iomraidhean Croise

IIMU/UUNGW 20:9

Aluuwo Abimeleki Abrahamu guri ateét guri báy, «Gaarí naa atén i tléhh a milá, án kuúng gár uwa sadakuús a milá, ar kuúng tlakweemaaká' ur ngiwa daanduueéní qás, nee waawuti'iimar'eé'. Tlehhma'aá naa daanduueéní tléhh, i aníng wa harina'aaká.»

WARA'AMI 19:12

Ala heé dakuúsarós tsaahharo ga asláw a heemá? AAKOÓ MUNGÚ, tlakweemaá tsaahharo ni aslawaakahe gurtlawáng.

WARA'AMI 19:13

Anuú sagadiyusmoowók baqáng baraá tlakweemaá fahhariro, as aníng tlakweema miwa baaliyé'. Daqaní aníng a heé ganaá', tam dakuúsár ur aga tleehhiiká.

DAHARUSMO 5:6

Afkók harmagahheek muwa dahaás baraá tlakweemáy ale, aluuwo malaykamo kuri beer, «Gám afa iga baá/.» Asma milá gár Mungú is buhhi as afkók, nee gadiyér dabaawók gari hhitín.

TLAHHOÓ LAÁWI 22:14

«Barnaxes heé hatlá' muruú hhohhó' gwaa /aáy ar adór aa haraxuiiká, heedaádá' muruú /aymaadá' gun buu' ar shiliíngír mibeeri tsár baraá tsiiruuwo, hariímár muruú /aymaadá' gari ki/is dír kaahamusmoó Mungú.

TLAHHOÓ LAÁWI 4:1

AAKOÓ MUNGÚ Mose guri báy,

TLAHHOÓ LAÁWI 4:13

«Barnaxes dinku'uumár xoorór Israeli tlakweema gaa tléhh ar adór taa haraxuiiká, gár nee hara'ayár Mungú ti slawa'aaká kari tleéhh, inooín tari dakuús.

TLAHHOÓ LAÁWI 4:22

«Barnaxes geeraharusmo tlakweema gaa tleéhh ar adór aa haraxuiiká, gár nee hara'ayár AAKOÓ MUNGÚ, Munguúwós, ti slawa'aaká gari tleéhh, inós iri dakuús.

TLAHHOÓ LAÁWI 4:27

«Barnaxes a heé geeraharusmowooká tlakweema gina tleéhh ar adór aa haraxuiiká, gár nee hara'ayár AAKOÓ MUNGÚ ti slawa'aaká gari tleéhh, inós iri dakuús.

FAARO 35:11

daqaní gixsadaá ti gogoowi ki tsawdá' as kuungá', as kahhó' hee bar kuqá' ngwa gaás ar pa/aayo, iwa guwi baraá gixsaduudá'.

DABE 19:4

Hee barnaxes hee gwa pa/aayór wá gaás, heé wakusmowoseeká,

1 Timoteo 1:13

anuúdá' aáng geeraawo inós ugwa /ooslaasliim, nee ugwa gusiisiim, nee ugwa slahh'eemiis. Ala Mungú aníng ina gurtláy, asma tí sleémeero ana tleéhh as xuawasler'eé'. Asma qoomaadae aníng Yesu ugwa haratlinti'iiká.

Ebrania 5:2

A gár ya/aam inós tawa heé tsatsa'aár dír mukdá' liitlakwene nee oo aa dakuus. Asma inósuú kilá' ku liitlaákw baraá muruú yaariire.

Ebrania 9:7

Ala baraá matla/angwduú tsár oo heémaro, heé daraaráh a kaahamusmoó úr oo Mungú kilós. Slám inós in dah sagaáwa wák wa ale baraá kurkú wake. Slám i dahiiká tawó alé barnaxes tseere i káhh. Tseereerí gan haniis dír Mungú as inós nee as tlakweemaá muu, kudá' taa xuiiká.

Yakobo 3:10

Gawaá afkwihe gár ti'imiit a tsuuqa nee lo'o. Gawaá adoorihe hhaee'eé', muruú adór kwí miwa tleehharuút.

1 SAMUELI 14:27

Ala Yonatan gaa axasiiká adór baabuúwós muu ngura lo'ór /aymiís, inós hhayshaá hhartadá' dakose i kón gina looloqoós, giri tikiís baraá xaramtá danú, dakós guri qaás baraá afa nee ilaawós niri qaytsitiyé'.