TLAHHOÓ LAÁWI 3:17 - Biblía Axweesantá Hhohho' ar Mungú 2004

¹⁷ Kuungá' wahhna laqaá tseere ma baloó /ayaara', hara'ayaarí ka otá' baraá xwaylarhúng sleémeero umuúqo dír ta hota'a.»

TLAHHOÓ LAÁWI 3:17 Iomraidhean Croise

IIMU/UUNGW 9:4

Ala fu'unaá tseerer'ín aa ti'itká mi /ayaara', asma slafiingw dír i dirii'i a baraá tseere.

2 QOM'I 29:35

Dinkwa nee ilahhooár yaariir ar da/a/aango, ilahhooár da/a ar wahhana ar wayda i deer, nee ilahhooár wahaango ar ta ilahhooár da/aa/ángw alhanmiisi. Adoorí an adór gadiyér ilahhooa kara iimu/ún baraá doó AAKOÓ MUNGUHE.

NEHEMIA 8:10

Naagáy inooín giri báy, «Tlawsé', muruú wahhaár /ayaak, nee muruú nuqnuúq wahaak, slám kudá' taa gár i amohhe'esiiká tós huwaak, asma baalaarír laarí ka hhoohhoo' ar Aakoorén, ma gurhamutaara', asma qwal/uú AAKOÓ MUNGÚ ni haniisi a /uuruuhúng.»

TI'INAANGW 27:21

Tsaa'astada' dír kay qas a baraá guruú heémár Mungú, daanduú tsee/a oo kutuwidá' sandakmoó alqadór koom. Aroni nee daaqaywós tsaa'astí ngin dír geeraaeé' wá amohhe'eemisiya', iimír tsiindoó wa tleemu ay matlaatle. Hara'ayaarí ka eehari nee xoorór Israeli qari sleémeero.»

TI'INAANGW 28:43

Suruwánaywí Aroni nee daaqaywose ngun dahamiisiyá' umuúqo barni baraá heémár Mungú kayá', laqaá barta dír kitángw ilahhooa káy, as gadiyér'ín ar kaahamuusi'iima ngiwa tleehhiya'. Adoorí birnga tleehhi'iiká, tlakweema ngaa tleehhiyé' nee nin qatliyá'. Dakwí i warqayká dír Aroni nee daaqaywose ay kureér.»

ESEKIELI 33:25

«Gawaá adoorihe kibeeto, Anuú Aakoó MUNGÚ a kah, Kuungá' fu'unaay in tseerér al/agá', nee slaqsi'iidaá mungui in sluufmisá', nee tseerdu in tawo ku'umisá', xáy, ka xua' yaamuuká' kingiqo kuungá' i tsuwa haniísi?

ESEKIELI 44:15

«Ala kaahamuusér Mungú ar tlahhoó Laáwi, kudaá xwaylár Sadoki, kudá' gadiyeé nga alkone' dir'eé' tidá' hhoohhooe, qoomár múk Israeli aníng iwa geexáy, kuká' an kudá' aníng i sagadiyusá' nee geeraaeé' hardáh as di/i nee tseere ngiwa haniisiya'. Anuú Aakoó MUNGÚ tí aga oó'.

ESEKIELI 44:7

Dír hotaeé' aga meetagasé', as múk taa hhehhe'eesiiká iwa didií daráh, múk aníng i ilaiwawa/aaká, qoomár di/i nee tseere birki dir'eénií hanmiis. Gawaá adoorihe, muk'eé', kuungá' alqador'eé' aga geexeeré', ar muruuhúng kudá' aníng ni ahhiit kuungá' taa tlehhité'.

TLAHHOÓ LAÁWI 10:15

Da/eewo nee yaaeero, kudá' ta gáwtí tleesi as kiwa haniisi dír AAKOÓ MUNGÚ, kingin huuw dinkwa nee wahhnadá' ta ilahhooár wa da/i as kiwa gáwtí tles as kiwa hanis dír AAKOÓ MUNGÚ. Muruuwí a kók nee na/iiwók, a hariímarhúng ay alhhe'eesay wasle, ar adoodá' AAKOÓ MUNGÚ ngira hara'ayín.»

TLAHHOÓ LAÁWI 10:9

«Kuúng nee daaqaywók bar dartá' baraá heémár Mungú, difaái laqaá umuúqo gár oonitimisa ló' ma wahaara', bar adooriheeká a qatlá'. Gaarí an hara'ayár hotaatiim xwaylarhúng sleémeero.

TLAHHOÓ LAÁWI 16:29

«Gaarí an dabér ta eehada' ay alhhe'eesay wasle. Bál slahhángw faanqw bar mibaangw kuungaá kilá' nee hoomár ayaahúng hoota, a gár hariim tawa gwaawiinda', nee gadiyeé kawa meera' tleehharo.

TLAHHOÓ LAÁWI 16:34

Gaarí an dákw hotaatiím ay alhhe'eesay wasle, a hariima kuwa eehada' nee haraki/isa kawa tlehhita' as múk Israeli ki/ima wak baraá kurko as tlakweemaaín sleémeero kiwa gurtlatlay.» Aroni muruuwí sleémeero guri tleéhh ar adoodá' AAKOÓ MUNGÚ Mose ngura hara'ayín.

TLAHHOÓ LAÁWI 17:7

Gawaá adoorihe xoorór Israeli munguidaá lama awa slaqás nee slee ilahhooárií tsu/taaro ngi maye', asma gaarí an gár inkihhimu ngusa dakuusiye' dir'eene. Dakwí i hotaatín ay alhhe'eesay wasle, nee oo ta eehari ay qari sleémeero.

TLAHHOÓ LAÁWI 19:26

«Fu'unaá tseerér koomá' mi /ayaara', tlaa/e mi a'awaara', tam ma da/ariirimaara'.

TLAHHOÓ LAÁWI 23:14

Dír ilahhooarhúng ngira hubi'iiká amor'eé', anuú Munguúhúng, i hariindaaká bu'úngw geera oo balangwhúng kuwa qiintír wa /aga', laqaá kuwa da/a/aanda', laqaá kuwa mikaátér wa tlehha'. Gaarí an dawa oo ta eehada' baraá qartahúng sleémeero umuúqo diiro ar tawa hota'a ay alhhe'eesáy wasle.»

TLAHHOÓ LAÁWI 23:21

Baalaasír kilae kángw dinku'uumár hhoohhoo' kuri ilahanisá', baalaadae a gadiyusa'aaká. Gaarí an dákw ta eehada' ay alhhe'eesay wasle baraá xwaylarhúng sleémeero, umuúqo dír tawa hota'a.

TLAHHOÓ LAÁWI 24:3

Aroni tsaa'asi ngi qaasi baraá heémár Mungú, alaá inqwaaridá' heéma ga tla/a qasis tidá' sandakmoó alqado gwa baq as iwa gwa/at geeraá AAKOÓ MUNGÚ wá alé xweeraawo ay matlaatle. Gaarí an dákw ta eehada' baraá xwaylarhúng sleémeero ay alhhe'eesay wasle.

TLAHHOÓ LAÁWI 24:9

Aroni nee xwaylarós kilooín i hariná' mikaátedá' kawa /ayi didá' hhoohhoó' wa ale, asma ka ló'wa hhohho', nee sleeme an ilahhooár tinda haniís as anuú AAKOÓ MUNGÚ ar asla. Tí an hariímar'ín ay alhhe'eesay wasle.»

TLAHHOÓ LAÁWI 3:16

Aluuwo kaahamusmoó Mungú giri daa/ gawaá kitángw ilahhooa tawa muruú /aymár taa daá/ oo slahhareeraá koóm. Wahhna sleémeero ar AAKOÓ MUNGÚ.

TLAHHOÓ LAÁWI 4:1

AAKOÓ MUNGÚ Mose guri báy,

TLAHHOÓ LAÁWI 6:15

Kaahamusmoó wák tsa/oó wák oo puurú gun taataahh ilahhooár balángw wa alé dinkwa nee di/i, nee mooyángw tsuú', sleémeero gari daa/ gawaá kitángw ilahhooa, tawa inslaslaangw, slaahhareeriiwós AAKOÓ MUNGÚ nguri sla'atisiyá'.

TLAHHOÓ LAÁWI 6:18

Umuúqo hhawaatuwo baraá xwaylár Aroniwo an múk hariím gaarí kawa /ayi, asma kana paraátl umuú daqto as inooín, dír ilahhooadá'' ta dír AAKOÓ MUNGÚ i da/a/ana. Umuúqo heewo oo gaa kwatiit aqo in hhoohhooúy.»

TLAHHOÓ LAÁWI 6:22

Kaahamusmoó Mungú kudá' taa iimbalaáx ar di/i baraá tla/ángw xwaylár Aroniwo, as gadiyér ilahhooa hanmis ngiwa oohi, AAKOÓ MUNGÚ gun ilahhooarí haniis, ilahhooarí sleémeero kan daa/. Ilahhooarír da/a/aangw a hara'ayár kureerisleém.

TLAHHOÓ LAÁWI 7:23

«Xoorór Israeli ka beeto, wahhnár hikwa nee ar bee/aangw, laqaá ar aara ma /ayaara'.

TLAHHOÓ LAÁWI 7:34

Asma anuú AAKOÓ MUNGÚ da/eewodá' taa haniís tawa ilahhooár ta gáwtí tleemisi nee yaaeedá' taa ilahhooár wa haniisi baraá ilahhooar'ín tidár wayduwo, aga hara'ayiím múk Israeli ngiwa haniisi dír kaahamusmo Aroni nee xwaylarós. Asma fu'unayká' kina dír kaahamuusér Mungú ii haniís ay alhhe'eesay wasle.

TLAHHOÓ LAÁWI 7:36

Bál kiwa paraátl, kiri iimbalaáx ar di/i, AAKOÓ MUNGÚ xoorór Israeli gana hara'ayín baraá ilahhooar'ín tidár da/to muruuwí kuwa hanmiisi dír kaahamuuse tawa gar'ín kureerisleém baraá qari sleémeero.»

FAARO 19:21

Muu dakwí ngu oohi umuúqo daqto. Heé ma'aydá' hheehhe'eesa gi hikiís, tlabaawós ngi hhuntsi, nee kudá' ma'aydaá hheehhe'eesa gaa kwatiit, i baraá meeta ay tsiindo.

Matayo 16:24

Qoomaadár kilae Yesu eeharuuseerós gari báy, «Umuúqo heewo oo aníng i eehartá wa slaá', gar kuwa hariím a sla'aarirós gan gunqarees, nee msalaábarós gari gagaar, aníng iri eehar.

Matayo 26:28

Asma gaarí a tseerer'eé' ar alqado, ar ku'uut as múk yaariír as hingeemisuú tlakweema.

Tlehhema'aá ya/Abuuse 15:29

Ti harmagahhe' nee muruudá' sleémeero taa ilahhooár wa tsuú/ dír munguaá hatlá', nee tseere, nee fu'unaá makiito'ór taa af'óh, nee tsaatu'uuma. Birta harmagahhé' baraá muruuwihe, daqaní adór hhoo' aga tlehhé'. Deeloosé'. »

Efeso 1:7

Atén tina gweér baraá lawali'iimár Neetlaango, hingeemisuú tlakweema kway slawaán ar loohír gwa'arár Kristo. Gawaá adoorihe gurtleemuuwós ku ló'wa úr direne.

Efeso 5:26

Adoorí gana tleéhh as mukós nguwa hhoohhooeesi nee nguwa hamaatli ar ma'aay ar /uuruú axweesantós.

DABE 12:16

Kár ala tseerér makayká' ma wahaamara', tseere aqo an yaamií ku'usá' adór ma'aay.

DABE 12:23

Ala ti ló'wa harmagahhe', ló' tseere ma baloó /ayaara', asma tseere a slafiingw, gimsé' slafiingw mu baloó /ayaara' dinkwa nee fu'unaay.

DABE 12:24

Tseereerí ma /ayaara', ala yaamií ku'usaak adór ma'áy wa ale.

DABE 15:23

Ala tseereerós ma wahaar, na yaamií ku'uuseek adór ma'aáy wa ale.»

DABE 32:14

Inooín di/i nee ilwa ngina dír hikwá wa slayé'. Di/tá bee/aangw nee ar gwaandaawe ngina slayé', daqoroó Bashani oo awe nee aara, dinkwa nee angaánoó ló'wa hhohhó'. Difaáír /aben ar mamaá sabiíbu ana wahaandé'.

1 Timoteo 4:4

Asma umuúqo gaaro ar Mungú aa tleéhh ka hhoo'. Slám ar si'imá wa hariim i káhh. Ala umuúqo gaaro gár kawa hariím masók a kan ilaoh ar sluufaay.