TLAHHOÓ LAÁWI 3:16 - Biblía Axweesantá Hhohho' ar Mungú 2004

¹⁶ Aluuwo kaahamusmoó Mungú giri daa/ gawaá kitángw ilahhooa tawa muruú /aymár taa daá/ oo slahhareeraá koóm. Wahhna sleémeero ar AAKOÓ MUNGÚ.

TLAHHOÓ LAÁWI 3:16 Iomraidhean Croise

IIMU/UUNGW 4:4

Abeli deelmoó geera oo makaydá' i deaaen guri gaás, wa/amedá' wahhaar gari ilahhooár wa haniís dír AAKOÓ MUNGÚ. Aakoó Mungú kuna qwal/atís nee Abeli nee ilahhooarós tidae.

2 QOM'I 29:35

Dinkwa nee ilahhooár yaariir ar da/a/aango, ilahhooár da/a ar wahhana ar wayda i deer, nee ilahhooár wahaango ar ta ilahhooár da/aa/ángw alhanmiisi. Adoorí an adór gadiyér ilahhooa kara iimu/ún baraá doó AAKOÓ MUNGUHE.

2 QOM'I 7:7

Slamí waawutmo Solomon didár tla/ángw afeenír do' gana paraátl. Ilahhooár da/a sleémeero gay didií haniís, ilahhooár balaangw nee didá' wahhaar gana ilahhooár waydú wa haniís. Inós adoorí gana tleéhh asma kitangwdá' aa tleéhh ar muqslár sirda/aten oo ilahhooa hanmis i bu'utiiká.

TI'INAANGW 29:13

Daqaní wayo sleémeero awa baraá waqát nee daeero nee gumbayaaya' nee wayoodá' gawaawose, sleémeero ki dá/ gawaá kitángw ilahhooa.

TI'INAANGW 29:22

«Di/tá gwaandudá' sleeme ka hingés, nee hhayshowose, nee wayoodaá baraá guruuwo, nee daeero, nee gumbayaayá' tsaraawo, nee tlawanqár gawaawose, nee yaaeerós ar doó /iyayhe. Asma a gwaanduú inooín kira paraátl as gadiyér Mungú.

ISAYA 53:10

Tam adoorihe AAKOÓ MUNGÚ guna slaá' nguwa slahh'eemisi, guri gurhaamír ar áy. As hhiintluuwós nguwa duúx tawa ilahhooár tlakweés hingeesa, xwaylarós ga ar adór kar hota tleér. Inós an kudá' sla'aarír AAKOÓ MUNGÚ ga boo/eés.

ESEKIELI 44:15

«Ala kaahamuusér Mungú ar tlahhoó Laáwi, kudaá xwaylár Sadoki, kudá' gadiyeé nga alkone' dir'eé' tidá' hhoohhooe, qoomár múk Israeli aníng iwa geexáy, kuká' an kudá' aníng i sagadiyusá' nee geeraaeé' hardáh as di/i nee tseere ngiwa haniisiya'. Anuú Aakoó MUNGÚ tí aga oó'.

TLAHHOÓ LAÁWI 17:6

Naagáy kaahamusmoó Mungú tseere gari hikimiis gawaá kitángw ilahhooa oo AAKOÓ MUNGÚ, kuduú geeraá heémár Mungú i dirií', nee wahhnár hikwaadá' gari daa/ as tawa slaahhareeraá tsuuá' awa AAKOÓ MUNGÚ ngu sla'atimiisá'.

TLAHHOÓ LAÁWI 4:26

Wahhna sleémeero ar gurtuudá' gan daa/ gawaá kitángw ilahhooa, adór wahhnár gár taa ilahhooár waydú wa gaás ka /imaamisi. Gawaá adoorihe kaahamusmo haraki/isa gan tleehh as geeraharusmoodá', inós kway gurtláy.

TLAHHOÓ LAÁWI 4:31

Wahhna sleémeero ar leeidá' gari hingees, adór tidár aaraá ta ilahhooár wayduú wa hanmiisi, ka /imaamiisi. Kaahamusmo gari daa/ gawaá kitángw ilahhooa, slaahhareeriiwós AAKOÓ MUNGÚ nguri sla'atisiyá'. Kaahamusmo haraki/isa gari tleehh as daanduú heewí, heewí kuri gurtláy.

TLAHHOÓ LAÁWI 8:25

Mose wahhna sleémeero ar hhaysho gari taataáhh, nee wayaá baraá guruuwo, nee de'eero nee gumbayayá', nee tlawaanqarose, nee tluwa/amoó yaaér doó /iyáy ar alu ar gwaanduudá'.

TLAHHOÓ LAÁWI 9:24

AAKOÓ MUNGÚ asla ngay huúw, ilahhooár da/a gay /ák nee wahhnadá' gawaá ilahhooárí diriia. Muu sleémeero asla kawa ár tari tseé', tari gur'eérár huuhu'ún.

Matayo 22:37

Yesu iri oó', «Aakoó Munguúwók na slaeek ar muunaáwók sleémeero, nee ar qeeruuwók sleémeero, nee ar fuquraangók sleémeero.