TLAHHOÓ LAÁWI 3:1 - Biblía Axweesantá Hhohho' ar Mungú 2004

¹ «Barnaxes hee ilahhooarós ar wayda ar muruú ta tsu/i ga haniisár wa slaa', nee ilahhooarós ar awu laqaá slee, gaasíng tindi huwi dír geeraá anuú AAKOÓ MUNGÚ masók ka xaslxaansli wasl.

TLAHHOÓ LAÁWI 3:1 Iomraidhean Croise

1 QOM'I 21:26

Daudi kitángw ilahhooa ngiwa haniisi dír AAKOÓ MUNGÚ gway tleéhh dír afeenidá' i alé. Daudi ilahhooár da/a gari haniís nee ar wayda. Daudi iri firín, AAKOÓ MUNGÚ firoorós gay mu/aywaáts, asla gay /aytiís gawaá doorí wa ale, muruudá' aa ilahhooár wa haniís gway /ák.

TI'INAANGW 20:24

Kuungá' kitángw aníng iwa ilahhooárí hanmisa' tleehhaak ar hhape, as hikwaahúng nee bee/angwhúng kiwa gawaadií tsu/a' tawa ilahhooár da/a/aangw nee ilahhooár wayda. Umuúqo dír án muu nguwa inslawtisár wa sla'a umueene, aníng nun i hardáh kuungá', nuri tsuúq.

TI'INAANGW 24:5

Naagáy masoombár Israeli gari ya/aáw as AAKOÓ MUNGÚ kuwa ilahhooár da/a/ángw i haniisi, nee awér ta ilahhooár wayduú wa haniisi ngiwa tsu/iya'.

TI'INAANGW 29:28

Gawaá adoorihe xoorór Israeli daqisleém baraá ilahhooar'ín tidár wayda i hanmamisia dír AAKOÓ MUNGÚ, da/eewo nee manguú aluuwo kin haniis dír Aroni nee daaqaywós. Gaarí an ilahhooar'ín ar wayda ar ta haniisi dír AAKOÓ MUNGÚ.

AXWEESANOÓ SAGALOOA 7:14

«Aníng ilahhooar'eé' tidár muruú ta tsu/i aga haniís, nee al'axweesante'eé' aga buú'.

ESEKIELI 43:27

Alaá deeloorí faanqw bira waaráhh, bál dakaát nee deelór hi'iita kaahamuusér Mungú ilahhooár da/a nee ar wayda ngin haniisiyá' gawaá kitangwduú ilahhooa. Aníng kuungá' nu ya/aám. Anuú Aakoó MUNGÚ tí ngina oó'.»

ESEKIELI 45:15

Bee/ír wák kan haniis dír umuú daqtá bee/ángw tsiire tsare dír múk Israeliwo. Ilahhooár balaangw barka huúw, ilahhooár da/a nee ar wayda as haraki/isa kawa tleehhi. Anuú Aakoó MUNGÚ tí aga oó'.

TLAHHOÓ LAÁWI 1:10

«Barnaxes hee ilahhooarós ar da/a ga haniisár wa slaa' baraá daqtós ar bee/aangw laqaá ar aara, ilahhooár gwaanda, laqaá gurta oo xaslxaanslír koomaaká ngu haniisi.

TLAHHOÓ LAÁWI 1:3

«Bar ilahhooarós ar da/a gan duux, a makiito'ór yaqaamba ar xaslxaanslír koomaaká baraá daqtose, as aníng ngiwa ya/aam. A gan huuw dír afkú heémár Mungú.

TLAHHOÓ LAÁWI 17:5

Hara'ayaarí kana qaás as kahhó' xoorór Israeli hikwaaín kudá' geera ta tsu/i baraá aykú wa ale, ngiwa huwiya' dír AAKOÓ MUNGÚ, dír geeraá kaahamusmoó Mungú, nee dír afkú heémár Mungú, inós giri tsuu/, giri ilahhooár waydú wa haniis dír AAKOÓ MUNGÚ.

TLAHHOÓ LAÁWI 3:6

«Barnaxes ilahhooarók ar wayda ar muruú ta tsu/i, tidá' ta hanis dír Mungú ar muruú ququmát, gwaanda laqaá bee/i, gaasíng ta hanis masók ka xaslxaansli wasl.

TLAHHOÓ LAÁWI 9:18

Aluuwo Aroni awu nee gwaanda giri tsuú/ as ilahhooár wayda as muu. Daaqaywós tseere gari dirósí huúw as ngiwa hikimiisi baraá badu sleémeero ar kitángw ilahhooár.

TLAHHOÓ LAÁWI 9:4

Awu nee gwaanda a ilahhooár wayda, ar ta gaasi ka dír AAKOÓ MUNGÚ ii haniisi dinkwa nee balángw taa aleedoók nee di/i. Asma AAKOÓ MUNGÚ laarí nu harati'iit.»

AMOS 5:22

Qoomár kuungá' ilahhooár da/a nee ar balaangw bir ngaa hubé', aníng a ilaohaaká, makaydá' naa wahhaditiye' kuungá' naa ilahhooár waydú wa hubé', aníng i sla'aaká.

MALAKI 1:14

«Heé al/aymusmo ku lu'usi, kudá' baraá daqtose gár xaslxaanslír koom ga ilahhooár wa gaamiís dír Aakoó i alé, ala laatí baraá al'axweesantose yaqaambuú hhoó' guna oó'! Asma aníng a Waawutmoó úr. Umuueé' baraá xoorduuwo i dae tlaaq. Anuú AAKOÓ MUNGÚ Aleesleemusmo tí ngina oó'.»

MALAKI 1:8

Kuungá' ilahhooár muruú ta tsu/i ar gár taampa ngiwa hanmisa' ka hhoóe? Nee ilahhooár gár toqoori laqaá gár tiiq ngiwa hanmisa' ka hhoóe? Xáy muruú adór kwí bura hanís dír ga/aawusmoowók, ku hhoóe dirose? Gu ya/aána?» AAKOÓ MUNGÚ Aleesleemusmo ngina oó'.

FAARO 15:8

Gár ta ilahhooár wa hanmiis bar an awuú batlitamo as tawa ilahhooár da/a, laqaá ilahhooár muruú ta tsu/i as hee al'axweesantós ngiwa boo/eesi, laqaá as tawa ilahhooár wayda,

FAARO 6:14

nee AAKOÓ MUNGUÚWÓS ngu qeemúy huwi oo deelmoó gwaanda oo kurkú wák oo xaslxaansli wásl as tawa ilahhooár da/a, nee dereemír bee/i ar kurkú wák ar xaslxaansli wasl, as kawa haniisi tawa ilahhooár tlakweema hingeesa, nee gwaanduú xaslxaansli wásl as tawa ilahhooár wayda.

FAARO 7:17

Muruú ta tsu/i as ilahhooár wayda a kwí: Awe tsár, nee gwaandaawe kooán, nee gurtaawe kooán, nee deeloó gwaandaawe kooán awa afiqoomoó kurkú wák. Muruuwí an ilahhooár Nashoni garmoó Aminadabu.

FAARO 7:59

Muruú ta tsu/i as ilahhooár wayda a kwí: Awe tsár, nee gwaandaawe kooán, nee gurtaawe kooán, nee deelo gwaandaawe kooán oo kurkú wák. Muruuwí sleémeero a ilahhooár wayda. Muruuwí an ilahhooár Gamalieli garmoó Pedasuri.

DABE 12:27

Kuungá' ilahhooár da/a an hanisá', fu'unaay nee tseereero gawaá kitangwduú ilahhooár AAKOÓ MUNGÚ, Munguúhúng kawa hanmaamisa'. Tseerér ilahhooár muruú ta tsu/i an tsipipi'isá' gawaá kitangwduú ilahhooár AAKOÓ MUNGÚ, Munguúhúng, ala i ya/aán kuungá' fu'unaydá' kiwa /aga'.

Kolosai 1:20

Mungú mura' sleémeero guna amoorósií haraki/isár wa slaá' ar baraá Garmaawós. Wayda guri tleéhh ar gwa'arár Garmaawós ar gawaá msalaába. Gawaá adoorihe Mungú mura' sleémeero guna amoorósií ki/ís, kuduú baraá yaamu, nee oo dooriiwo.

Ebrania 10:22

Tlakweemaá muneerén kaa hamaátl, nee muneerén kaa hhoohhooeés. Slám slaqoorén kaa hamaátl ar ma'aá hhohho'. Gawaá adoorihe atén Mungú ku haratseewuwaán ar haratlintaaór ló', ar xure wasl.

1 Yohana 1:3

Tidá' taa araán nee taa axaasaán ngin dirhúngií alki/iitaán, asma kuungá' niwa haragwa'a' dír dinku'uumarén, tidár dinkwa nee Baabá, nee Garmaawós Yesu Kristo.

HAR'OHUUSE 20:26

Xoorór Israeli sleémeero nee muu sleémeero tari tsa/án Beteli, tay tsuunqumiís amoodá' wa ale, tay gwaawín ay tsiindo, nee AAKOÓ MUNGÚ nguwa i /aa/amina'. Ilahhooár da/a, nee ilahhooár wayduuwo kari haniís dír AAKOÓ MUNGÚ.

HAR'OHUUSE 21:4

Matlaatlér boo/e muu ina tseewa tláy, kitángw ilahhooa kuri tleéhh, ilahhooár da/a nee ar wayda ngiri haniisiyé'.