TLAHHOÓ LAÁWI 26:44 - Biblía Axweesantá Hhohho' ar Mungú 2004

⁴⁴ ala baraá tisíng sleémeerowo qoomár inooín tawa baraá yaamaá wakuuser'ín i dirii'i, aníng i kwahhaaká, laqaá i aahhaaká, tam ngiri ló'wa hhaamiís, nee alqador'eé' ngiri kwaáhh. Asma aníng an AAKOÓ MUNGÚ, Munguúín.

TLAHHOÓ LAÁWI 26:44 Iomraidhean Croise

IIMU/UUNGW 17:7

«Alqador'eé' an gawdeés tla/ángw án nee kuunge, nee xwaylarók nee xwaylár na/aá na/iiwók nee xwaylar'ín, as tawa alqadór alhhe'eesay wasle, adór aníng tar Mungú diroge nee dír xwaylarók ar kumiit aluuwoge.

2 WAAWITÁ 13:23

Ala AAKOÓ MUNGÚ múk Israeli guna gurtleemuú wa ár. Inós gina gurtleemuú wa ár asma alqadoodá' aáng aa alqadín dír Abrahamu nee Isaka nee Yakobo. Tam ay laarí múk Israeli kwa hhaamiisiiká laqaá kwa si'iiká nee Mungú.

NEHEMIA 9:17

Niri iialooeesi'iiká, muruú waa/oo/amo oo taa tla/angw'ín wa tléhh ngwa inslay'iiká. Da/ewer'ín ngay gawdesiyé', geeraharusmo ngway qaasiyé' oo gi ki/ís baraá lawaali'iimár yaamaá Misri. Ala Mungú, kuúng tu inslaáhh gurtleemuwo, a gurtleemuú koón nee tsuuqaawo, kuúng tu inslahheeká buhhtaawo. Kuúng sla'aarirók i warqeeraaká, as adoorí inooín iga kwahhká.

NEHEMIA 9:31

Ala as gurtleemuwók kudá' yaariire iga meeriiká tawa ak hhan laqaá kiwa kwahh, kuúng a Mungú tsuuqaá koóm nee gurtleemuuwo.

WARA'AMI 103:13

Adoodá' baabá na/iiwós ngir gurtlatlay, an adoodá' AAKOÓ MUNGÚ mukdá' ngu ilaiwawa/á' ngur gurtlaatlay.

WARA'AMI 89:33

Ala aníng Daudi aqo un slaá' ar sla'aarír warqawaaká, slám al'axweesante'eé' a lama tleehhaaká dirose.

WARA'AMI 94:14

Asma AAKOÓ MUNGÚ mukós gu mayká, aalirós ga gunqareesiiká.

YEREMIA 14:21

Atén miti aahhaar as daanduú kuúng kilók. Kitaangók kuduú xirif mu mureekeesaar, inslaweek alqadoodá' taa qás dirén i aleeró.

YEREMIA 24:5

«Anuú AAKOÓ MUNGÚ, Munguú Israeli, a kah, ‹Adór /aantsírí kar hhohhó', an adór múk Yuda, kudá' taa loohatís baraá yaamaá Kaldayo aníng ngur ar tawa múk hhohhó'.

YEREMIA 30:11

Anuú AAKOÓ MUNGÚ a kah, «Asma aníng nee kuungá' a dinkwa as nuwa ba/amis. Aníng xoordu sleémeero i hhaamiís, kudá' aníng kuungá' nuy diyaá/. Ala aníng kuungá' nu hhaamisaaká. Kuungá' nun tawó muúx ar qoomoó gan'amu, ala a tawo watla'aaká burna muxiiká'.»

YEREMIA 31:20

Israeli an garmaaeé' kuduú sla'aarusmoówóke? Inós an na/ay'eé' kudá' ni ló'wa slá'aáke? Umuú daqto bur iigahhaatár wa slaá', aqo gurtleemu un insláw, guruueé' in tlatláy as inós, nee looeemaawo nguri gurtláw. Anuú AAKOÓ MUNGÚ tí ngina oó'.

YEREMIA 33:26

daqaní aníng xwaylár Yakobo nee Daudi sagadiyusmooeé' aga sií', nee heé wák u tsawaaraaká oo xwaylár Abrahamu, nee Isaka nee Yakobo ga sawaawuti'iím. Asma aníng muk'eé' un diihhooárí ki/ís nee nguri gurtláw.› »

ESEKIELI 16:60

Ala aníng al'axweesantadá' nee kiíng naa qaasaán qoomár kiíng tawa /amaatliito'o a insláw. Aníng nee kiíng al'axweesantá alhhe'eesáy wasl a tleehhaán.

TLAHHOÓ LAÁWI 26:11

Aníng dír hotaaeé' an tleéhh baraá tla/angwhúng nee kuungá' nu baloó geexawaaká.

Rumi 11:2

Mungú mukós kudá' aa qaroó iimír aáng wa tsawaár, gwa si'iiká. Ahaá, kuungá' a xua'aakáhe adoodá' Gooi i kat daanduú Eliyawo, qoomár inós iwa sihhiít dír geeraá Mungú, as múk Israeli nguwa sakwasleemuuti.

Rumi 11:26

Daqaní múk Israeli sleémeero i ba/án. Asma kaa gooín, «Ba/amusmo naa hardáh, amór i dahhi a amór Siyoni. Inós dee/anu sleémeero gu hingees dír xwaylár Yakobowo.

HAR'OHUUSE 2:1

Naagáy malaykamoó AAKOÓ MUNGÚ iri iimír Gilgalír wá waatláy ay Bokimu, múk Israeli guri báy, «Aníng kuungá' nuna waatleés iimír yaamaá Misri wa alé, nuri huúw baraá yaamuudá' naa lo'ór wa /aáy ngiwa haniis dír baabi'iihúng. Aníng ana oó', ‹Alqador'eé' a baloó warqeesaaká,