TLAHHOÓ LAÁWI 26:43 - Biblía Axweesantá Hhohho' ar Mungú 2004

⁴³ Qoomár inooín yaamuuín birnga geexayé', yaamu Sabaátor'ín ngin saqwalaa/iyá', qoomár bar yaamuuín naa darma tleehhitiyé', qoomaadae bar inooín tlakweemaaín ngaa hhu'uu'uné', kudá' hara'ayar'eé' ngiwa waaqaiyé', nee ngiwa aahhiyé',

TLAHHOÓ LAÁWI 26:43 Iomraidhean Croise

2 QOM'I 33:12

Qoomár iwa baraádií dirii'i, AAKOÓ MUNGÚ guna ló'wa firín, tiri ló'wa niinaweés dír geeraá Munguú baabi'iiwose.

2 QOM'I 36:21

Adoorihe axweesantá AAKOÓ MUNGÚ tidá' aa oó' ar loohír aarusmo Yeremia iri bó/, tidá' kah, «Yaamaá i hootiya' i tawo iwiitiyá', ki doosliiká ay kureeri mibeeri faanqw, ar adoodá' kureeraá Sabaáto awa taa boo/eesiiká.»

YOBU 5:17

Heé amohhoó' a kudá' Mungú i naanaqan, gawaá adoorihe, naanaqtá Munguúdá' /uuruú koóm ma waaqa'aar.

WARA'AMI 119:67

Qoomár iwa muxiká ana dee/aanuút, ala daxta axweesantók a iiárií qamiím.

WARA'AMI 119:71

Gár hhoo' aga sláw baraá slahh'amudá' naa slawi, asma iga intsaahhatís kaahiroge.

WARA'AMI 119:75

AAKOÓ MUNGÚ, aníng a xuú' kuúng sakwasleema an tléhh ar loohír ganaa', nee bir múx gár is mux i deer.

WARA'AMI 50:15

Án ateetáng deelór slahh'amaayeero. Án kuúng u ba/amís, aníng iri xirfayés.»

WARA'AMI 50:17

Asma kuúng naanaqtaeé' aga áhh. Nee axweesanay'eé' ugwa aluuwógí kwáhh.

ISAYA 26:16

Aá AAKOÓ MUNGÚ, qoomár niwa slahhahhaiya' nina amorógí /akumitiyé', qoomár kuúng kiwa slahh'eemís, kuúng uri firariné'.

YEREMIA 31:19

Asma alaá atén tawa dee/aanuutaán ana hhu'uu'umaán, alaá tiwa intsaahhatís ana gurhamuutaán, tari mureekesuutaán tari amoqwaaraán, mureekesoó iimír masoombi'iimarén tin alkomkaakón.›

DANIELI 9:14

Gawaá adoorihe, AAKOÓ MUNGÚ, kuúng tiri amohhe'és atén tiwa mux, nee adoorí kari tléhh. Asma kuúng AAKOÓ MUNGÚ, a ganá' baraá umuúqo gár ta tlehhita. Nee atén axweesantók aga iilooeesaniiká.

TLAHHOÓ LAÁWI 26:11

Aníng dír hotaaeé' an tleéhh baraá tla/angwhúng nee kuungá' nu baloó geexawaaká.

TLAHHOÓ LAÁWI 26:15

laqaá kaahir'eé' bara waaqaé' nee hara'ayar'eé' kay ahhé' nee daber'eé' kay meeré' sleémeero, nee alqador'eé' kay sié',

TLAHHOÓ LAÁWI 26:30

Dirhúng tidár firo ar gawaá gongoamo an hhitiím, kiteerihúng kudaá ilahhooa in feé/, nee kudá' mooyángw tsuú' tleemis, nee tu'uuhúng ngiri kwaáhh gawaá daanduú tuaá murslaaqatuhúng, qeeruueé' kuungá' nuri ló'wa aahh.

TLAHHOÓ LAÁWI 26:41

gár aníng nee inooín tisa tlaampa'aamisaán bar ngaa tsaahhiyé', nee gár ngisa huúw baraá yaamaá wakuuser'ín, nee barnaxes ar ló' muner'ín tidá' gawden aa wanana'át nee tlakweemaaín ngiri hhu'uu'uné',

AMOS 5:10

Kuungá' múk kuqá' naanaqaám un ahhitá', nee heé looeemaá axweés una artá wa meeré' baraá doó kwasleemaro.

SEKARIA 11:8

Aníng de'eemuusér tám ana tsuú/ baraá slahhángw wákí ale, asma aga slaaqaát as inooín, nee inooín sleeme án iga aahhiyé'.

Yohana 7:7

Múk aa haratlintii'iiká kuungá' nu aahhiiká, ala aníng iga aáhh. Asma án inooín in ádbabáw adór tlehhemi'ii'ín kir tlákw.

Rumi 8:7

Asma heé heeuumarós ar tlakweema ga eeharahár, inós nee Mungú a wakaari. Asma heeuumarós hara'ayár Mungú ga iialooeemiská, nee slám ga aleesleeraaká iialooeesaro.

DABE 32:36

Looeemaawo AAKOÓ MUNGÚ mukós gu alekalaa/, sagadiyuuseerós ga gurtláy, qoomár birnga ár /uureemooín naa faakiyé', nee birnga ár heé meét i kaahh, oo lawaalmo nee lawaalmoowooká.