TLAHHOÓ LAÁWI 26:42 - Biblía Axweesantá Hhohho' ar Mungú 2004

⁴² aníng daqaní alqador'eé' an insláw, tidá' naa tleéhh nee Abrahamu, nee Isaka, nee Yakobo, nee yaamuudá' ngi al'axweés ngiri insláw.

TLAHHOÓ LAÁWI 26:42 Iomraidhean Croise

IIMU/UUNGW 15:18

Baldae Mungú alqado gana tleéhh nee Abramu, Abramu guri báy, «Aníng xwaylarók a yaamuká' i haniís, iimír yaaér baraá yaamaá Misri ay yaaér ur ar Eufrate,

IIMU/UUNGW 26:2

AAKOÓ MUNGUÚ Isaka guri i ti'iít, gway báy, «Ma tlawaar Misri, ala na hoót baraá yaamuudá' ni kuúngií oo'.

IIMU/UUNGW 26:24

Xweeradaá kilae AAKOÓ MUNGÚ guri i ti'iít, guri báy, «Aníng an AAKOÓ Munguú baabuúwók Abrahamu. Ma da'ayumiitaar, asma aníng nee kuúng a dinkwa. Án kuúng u tsuúq, nee xwaylarók ngiri tlahhás as sagadiyusmooeé' Abrahamu.»

IIMU/UUNGW 26:5

Asma Abrahamu aníng ina iialooeés, tidá' ngwa báw gari óh nee hara'ayar'eene, nee kaahir'eene nee daber'eene.»

IIMU/UUNGW 28:13

Nee ga/aaweek, AAKOÓ MUNGÚ aa sihhiít gawaá tsa/a/amtoodaádí alé. Yakobo guri báy, «Aníng an AAKOÓ MUNGÚ, Munguú Abrahamu baabuúwók, nee Munguú Isaka. Yaamusíng taa i qát án ngi kuúng i haniís nee xwaylarók.

IIMU/UUNGW 28:15

Aníng nee kuúng a dinkwa. Án kuúng u de'eém amór taqo keera, nee uri ki/ís baraá yaamuká'. U geexawaaká ay dír al'axweesantadá' naa oó' ngay boo/ees.»

IIMU/UUNGW 35:11

Mungú guri báy, «Aníng an Munguú duú Aleesleemusmoó mura' sleémeero, kumiít tawa doogiin. Xoordaá yaariir nin baraawók wa ti'iitiyá', nee waawitá sleeme.

IIMU/UUNGW 35:12

Yaamuká' naa Abrahamu nee Isaka i haniís, ngi kuúng i haniís sleeme, tawa kók nee xwayladá' ta aluuwók wa laqwaali.»

IIMU/UUNGW 9:15

aníng alqador'eé' an insláw, tidá' naa haniís dír kuungá' nee umuúqo gár slafa. Ala tluwoó da/tén i baloó tluwiiká as umuúqo gár slaaf ngiwa hhitin.

IIMU/UUNGW 9:16

Qoomár ga/aleerí gawaá huunkáy i dirii', bara ár, aníng alqador'eé' tidá' alhhe'eesay wasl an insláw, tidá' naa tleéhh nee muruú slaáf sleémeero oo baraá yaamií dirií'.»

ESTA 4:14

Asma kiíng hamí bara xaslít, múk Yahudi ale/isaay nee ba/ama gin loohír hatlár sláy, kiíng tari qwát dinkwa nee múk doó baabuúwók, ala heé ga xuú' a heemá kiíng waawuti'iima gár kasa sleér tam an qoomár adór tí.»

WARA'AMI 106:45

alqadoorós gana insláy as inooín, muneerós gari guú/, asma yaareemaá sla'aarirós ar warqawaaká.

WARA'AMI 136:23

Kudá' atén taa inslay baraá daqatlakwerene, Asma sla'aarirós i warqeeraaká ay alhhe'eesay wasle!

TI'INAANGW 2:24

Mungú /aa/eeín giri axaás, nee alqadoorós tidá' aa oó' dír Abrahamu, nee Isaka nee Yakobo gari insláy.

TI'INAANGW 6:5

Dinkwa nee tisinge aníng /aa/aá xoorór Israeli iga axaás, kudá' taa /uurutís baraá lawaali'iima nee múk Misri, nee aníng alqador'eé' aga insláw.

ISAYA 14:1

AAKOÓ MUNGÚ múk Yakobo gu malé gurtláy, nee xoorór Israeli gari malé tsawaar. Inooín giri ki/is baraá yaamuuín kudaá kilá', xoordaá hatlá' niri haragwaaiyá' dír múk Yakobo, tari alhoot.

ESEKIELI 16:60

Ala aníng al'axweesantadá' nee kiíng naa qaasaán qoomár kiíng tawa /amaatliito'o a insláw. Aníng nee kiíng al'axweesantá alhhe'eesáy wasl a tleehhaán.

Yoeli 2:18

Qoomaarí an qoomár AAKOÓ MUNGÚ da/i nguwa ot as yaamuuwós, mukós guri gurtláy.

Luka 1:72

Baabi'iirén gina gurtleemuú wa ár, alqadoorós tidá' hhoohhoo' gari insláy,

DABE 4:31

Asma AAKOÓ MUNGÚ, Munguúhúng, an Munguú gurtleemuú koóm. Inós kuungá' nu si'iiká, nu hhaamisiiká, laqaá alqadoorós ga gunqaresiiká, tidá' aa lo'ór wa /aáy dír bariiserhúng.

DABE 9:27

Inslaweek sagadiyuuseerók Abrahamu, nee Isaka, nee Yakobo. Kuúng sagagawduú mukwí mu gaárí xuaar, laqaá tlakweemaaín mi gaárí xuaar, nee dakuúsar'ín.

HAR'OHUUSE 2:1

Naagáy malaykamoó AAKOÓ MUNGÚ iri iimír Gilgalír wá waatláy ay Bokimu, múk Israeli guri báy, «Aníng kuungá' nuna waatleés iimír yaamaá Misri wa alé, nuri huúw baraá yaamuudá' naa lo'ór wa /aáy ngiwa haniis dír baabi'iihúng. Aníng ana oó', ‹Alqador'eé' a baloó warqeesaaká,