TLAHHOÓ LAÁWI 26:41 - Biblía Axweesantá Hhohho' ar Mungú 2004

⁴¹ gár aníng nee inooín tisa tlaampa'aamisaán bar ngaa tsaahhiyé', nee gár ngisa huúw baraá yaamaá wakuuser'ín, nee barnaxes ar ló' muner'ín tidá' gawden aa wanana'át nee tlakweemaaín ngiri hhu'uu'uné',

TLAHHOÓ LAÁWI 26:41 Iomraidhean Croise

1 WAAWITÁ 21:29

«Aga aándi Ahabu adór tira niinaweés dír geeraaeé'? Asma tiwa niinaweés ló'wa ale, aníng slahh'amaayeedá' a huwaaká qoomár inós bir slaaf, ala a qoomár waawuti'iimár garmaawose aníng doó Ahabu un hhaamiís.»

2 QOM'I 12:12

As adoodá' inós tiwa niinaweés, AAKOÓ MUNGÚ mune gay guú/, Mungú gwaa ak hhaamisiiká. Tam adoorihe yaamaá Yuda nay hhooayé'.

2 QOM'I 32:26

Aluuwo waawutmo Hesekia tiri niinaweés, inós nee múk Yerusalemuro, daara/aangós kudá' gway máy. Gawaá adoorihe AAKOÓ MUNGÚ inooín gaa malé i buhhiiká deeloodá' sleémeero ar Hesekia iwa slafi.

2 QOM'I 33:19

Firoorós nee adoodá' Mungú firoorós ngiwa ya/án, nee tlakweemaawós sleémeero, nee inkihhimu wasleerós, nee wa/aameedár gawaá gongoama' ar munguaá hatlá' kiwa sluufmiisi ar aa tleéhh, nee adoodá' munguúdá' ta bay Ashera ngura tleéhh, nee murslaaqatuudá' taa hhaásl qoomár inós tiwa niinaweesiiká, tí sleémeero ka gooín baraá inslaslángw iigu'utuuse.

2 QOM'I 33:23

Inós taa niinaweesiiká dír AAKOÓ MUNGUHE, adoodá' baabuúwós Manase tira niinaweés, ala Amoniwí tlakweema tlehhtuuwo gina inkaakií/.

ESRA 9:13

Nee alaá tí sleémeero taa sleeri as tlehhmi'iirén kudá' tlakw nee as tlakweemaarén kudá' ur, ala kuúng Munguúrén taa muxká ar adoodá' atén wa hariim as tlakweemaarén, nee mukrén oo niiná nguri meetís.

ESRA 9:15

Aá AAKOÓ MUNGÚ, Munguú Israeli, kuúng an gan'amuú koón, atén tina meetís, tari kotsqotaán adoorí tay diriaan. Ga/aaweek, atén a dír geeraawók i diriiaán, atén awa tlakuuse, asma heé hariím sihhtanór dír geeraawoge i kaahh as tlakweemaaká'.»

NEHEMIA 9:33

Tam adoorihe kuúng gan'amu u koón baraá muruuwí sleémeero atén taa slayi, asma kuúng tu inkihhím, atén a tlakuuse.

WARA'AMI 39:9

Aga xasliít afkwe'eé' ugwa mutsutsuú'. Asma kuúng an kudá' adoorí gaa tleehh.

TI'INAANGW 10:3

Naagáy Mose nee Aroni tari amór Farao káy, kuri báy, «AAKOÓ MUNGÚ, Munguú múk Ebrania, i kaahi, ‹Ay xaylá tawa siaiin tiwa niinawes dír geeraaeé'? Muk'eé' geemaweek iwa tlay, as aníng iwa sluufmisuú aya'.

YEREMIA 4:4

Kuungásingá' múk Yuda nee yaamuloouusér Yerusalemu, munerhúng hheehhe'eesaak. Bar adoorí aga tlehhi'iiká, buhhtaeé' i daa/atuyá' adór gil'ór asla, i oohiyá' ala heé gaasaro gi aleesláw i kaahh, asma tlakweemaá kuungá' taa tlehhé'.»

YEREMIA 6:10

Xáy, heé ni ádbaw a heemá oo gi gurbuú' as tawa axaasi? Ga/aaweek iaaín naa giwiyé' ya/abtor'eé' axaasaro ngi aleeslay'aaká, Axweesantá AAKOÓ MUNGÚ dir'ine a gár waaqa'atiit, ngi i qwalaala/iaaká.

ESEKIELI 14:23

Tlehhmi'ii'ín nee adór hotaarir'ín ngi dirók i geehhoeesiyá' adór kaangwí tlákw daanduú gixsarihe ngura tawo tleehhiiká. Anuú Aakoó MUNGÚ tí aga oó'.»

ESEKIELI 20:43

Didaádá' an dír tlakweemahúng nee tlehhmi'iihúng kudá' tlakw kiwa insleera', adór kuungá' nura slasla/areesiyé'. Kuungá' mune nuri fák as tlakweemahúng kudá' taa tlehhé'.

ESEKIELI 44:7

Dír hotaeé' aga meetagasé', as múk taa hhehhe'eesiiká iwa didií daráh, múk aníng i ilaiwawa/aaká, qoomár di/i nee tseere birki dir'eénií hanmiis. Gawaá adoorihe, muk'eé', kuungá' alqador'eé' aga geexeeré', ar muruuhúng kudá' aníng ni ahhiit kuungá' taa tlehhité'.

ESEKIELI 44:9

«Gawaá adoorihe, anuú Aakoó MUNGÚ a kah, hee tumu wák oo ta pa/ángw dahmá i haniisi i kaahh tam oo xooro gaalá, oo taa hheehhe'eesiiká slaqwto laqaá muunahe, laqaá oo aníng i ilaiwawa/aaká, oo taa ya/aámár dahmií haniisi i kaahh ar didá' hhoohhoo', tam hoomaadá' ayaahúng hoot sleeme.»

ESEKIELI 6:9

Amoodaádae aníng in inslayá' baraá tla/ángw xoorduudá' nay diya/ati'i. Ngiri inslayá' adoodá' ngira slaáhh, asma inooín nina inkihhimu wasleesiyé', niri warqayé', aníng harahhifooro iri mayé', niri warqayé' amór slaqasi'iidá munguaá hatlá', ngiri harahhifiyé'. Gawaá adoorihe inooín tari kilooín aahhiyá' asma tlakweemaín kudá' sleémeero naa tleehhiyé'.

TLAHHOÓ LAÁWI 26:24

naagáy aníng nee kuungá' tin tlampa'asaán nee nuri muúx ki/ima faanqw as tlakweemaahúng.

TLAHHOÓ LAÁWI 26:28

naagáy aníng kuungá' nu tlampa'aás ar xarasleemaeé', nee nuri muúx anuú kilá' ki/ima faanqw, asma tlakweemaahúng.

FAARO 5:7

Inós gár kuwa hariím aqo tlakweemaawós kudá' aa tleéhh gin hhu'uu'ún, bu'utuú tir tu/i baraá dakuúsarose, a tidá' sleémeero ngiwa ki/isi, nee gár wák baraá muruú kooane gan dook dír heedaádá' aa sa dakuús.

Matayo 23:12

Umuúqo heewo oo ti kilós ureemiís ku niinawees, nee kudá' ti kilós niinaweemiís, ku urees.

Luka 14:11

Asma heé ti ureemiís, ku niinawees. Nee kudá' ti niinaweemiís, ku urees.»

Luka 18:14

Án a kah, kwí iri waátl amór do'ós, kwí kilós an kudá' taa gan'amií harafaár. Asma kudá' ti kilós ureemiís, ku niinawees, nee kudá' ti kilós niinaweemiís, ku urees.»

Tlehhema'aá ya/Abuuse 7:51

«Kuungá' tundu sage gawdén. Slám munerhúng nee iaahúng a adór kuqaá múk Mungú xua'aaká. Umuúqo daqto kuungá' Qeeruú hhoohhoó' oo Mungú un siaiindá' adoodár baabi'iihúng sleeme naa tleehhiyé'.

Galatia 5:6

Asma hee barnaxes i baraá Kristo Yesu, dirose al/utlo a gaarooká, laqaá tam kwa al/utliiká a gaarooká. Ala gár afhhamít a haratlintaao, tidá' ti laqaqaam ar sla'aari.

DABE 10:16

Gawaá adoorihe munerhúng hheehhe'eesaak nee ma ki/aara' saga gawduuwo.

DABE 30:6

AAKOÓ MUNGÚ, Munguúhúng kuungá' nee na/iihúng nu ilaiwa/ameérí haniis as inós kuwa sla'a' ar munerhúng sleémeero nee qeeremoohúng sleémeero as tawa slafa'.

DABE 31:21

Qoomár slahh'amaaye birnga sleér, daa'angwí gi inslawtis as tawa lamabu'uungw, asma gunqarutaro daa'angwí i ya/anká dír afér na/ii'íne. Asma aníng gár inooín ta qoomeemesi a xuú' dír aníng inooín ngira huwiiká baraá yaamuudá' naa lo'ór wa /aáy ngiwa dir'íní haniis.»

Filipi 3:3

Ala múk taa al/utlín a atén, ar al/utloodár ló'. Qeeruú Mungú atén ti gan'aamiis baraá sluufayrene. Atén tin xirfayeemisaán as Kristo Yesu kilós. Gár hatlá' ar ta haraxuaan i káhh ar tlehhema'aá tawo.

Kolosai 2:11

Sleeme kuungá' nee inós tawa aldinku'uumisé' tunduna al/utlín, ala ar al/utlór slaqwtooká, ala aqo ar al/utlodár Kristó kilá', slaqwtahúng tidár tlakweema kawa hingesé'.