TLAHHOÓ LAÁWI 26:30 - Biblía Axweesantá Hhohho' ar Mungú 2004

³⁰ Dirhúng tidár firo ar gawaá gongoamo an hhitiím, kiteerihúng kudaá ilahhooa in feé/, nee kudá' mooyángw tsuú' tleemis, nee tu'uuhúng ngiri kwaáhh gawaá daanduú tuaá murslaaqatuhúng, qeeruueé' kuungá' nuri ló'wa aahh.

TLAHHOÓ LAÁWI 26:30 Iomraidhean Croise

IIMU/UUNGW 19:13

Asma atén yaamuká' i hhitiimaán. Asma /aa/eeín nina hardihiyé' dír geeraá AAKOÓ MUNGÚ, nee AAKOÓ MUNGÚ taa ya/aáw as kiwa hhitimaan.»

1 WAAWITÁ 13:2

Heedaádá' kitangwdá' guri lu'ús iwa kaahi, «Aá kítaangw, AAKOÓ MUNGÚ i kaahi, ‹Na/aay ku laqwaal baraá tlahhoó Daudiwo, umuuwós ku bay Yosia. Inós kaahamuusér diirí wa gadiyuus, tidá' mooyángw tsuú' da/a/aam gawaawók i ale, inós kaahamuseerí ga ohín, gari daa/ gawaawók, nee fadaá muu gi gawaawók i daa/.› »

1 WAAWITÁ 13:32

Asma axweesantadá' sleémeero aa káh ar AAKOÓ MUNGÚ aa oó', daanduú kitangwduú ilahhooa oo Beteli nee maraá taa tleéhh baraá gongoamaá Samaria, ar looeemaawo tí i bó/.»

2 WAAWITÁ 23:16

Naagáy Yosia iwa warqáy /aantu gina ár gawaá tlooma, iri ya/abín faduudaá baraadá' kiwa duuxi. Faduudá' kiri duúx, giri daá/ gawaá kiteeridá' ta ilahhooárií hanmaamisi. Kiteeridá' giri meeta gaás ar adoodá' heedaáduú Mungú ngira axweés.

2 WAAWITÁ 23:20

Kaahamuusér dír kiteeridá' gawaá gongoama' wa gadiyuus gana tsuú/, nee gawaá kiteeridae fadaá muu giri gawaadií daá/, nee inós iri waátl Yerusalemu.

2 WAAWITÁ 23:8

Inós kaahamuuse sleémeero gari tsee/aá gixsadaá Yuda i duúx, nee kiteeridaá gawaá gongoama' giri meetagaás, kudá' kaahamuuse i mooyángw tsuú' i da/a/aan, iimír Gebár wa tleemu ay Be'er-sheba. Inós didár gongoamo ar ilahhooa gari feé/ didár dahmaá afkú Yeshua ga/aawusmoó gixsa, didár bihhaá doó basáy awa afkú gixsa.

2 QOM'I 23:17

Aluuwo muu sleémeero tari tláy, doó munguúdá' ta bay Ba'ali kway feé/, kiteeridaá ilahhooa nee slaqsaydaá taa tleéhh kiri giqáy, tam Matani kuduú kaahamusmoó Ba'ali kuri gaás didár kitangwduú ilahhooa.

2 QOM'I 31:1

Deeloodá' ur ar Pasaáka iwa fák, múk Israeli sleémeero tari tláy baraá umuú gixsár Yudawo. Uheemidá' taa tlehhiít kiri feé/ kiri giqáy, munguúdá' ta bay Ashera kuri supín, wa/angwduú gawaá gongoamo' kudá' munguaá hatlá' kiwa sluufmaamisi kiri feé/. Inooín adoorí kana tleéhh baraá yaamaá Yuda nee awa Benyamini, nee Efraimu nee awa Manasewo sleeme. Tí kawa hhe'eés, umuú heewo iri waátl amór gixsarós nee dír aalirós.

WARA'AMI 106:40

AAKOÓ MUNGÚ iri qa/iít buhhtaawo gawaá mukós, kuri ló'wa mune duúx nee mukduú aalirós.

WARA'AMI 89:38

Ala daxta kuúng waawutmoowók kudá' taa iimbaláx ugwa i búhh, ugwa geexeér nee kway sí'.

ISAYA 27:9

Gawaá adoorihe, adoorí an adór tlakweemaá múk Yakobo kir fiitsi, tlehhmuuwí in bu'uut tlakweemaaín hingeesaro, qoomár tlaa/e sleémeero awa kiteeraá ilahhooa birka naasúy, adór nee Munguúduú Ashera nee kiteeraá ilahhooár mooyángw koom kawa hanmiisi birka suqúy.

YEREMIA 14:19

Aá AAKOÓ MUNGÚ, múk Yuda una tsuwa si'ima hhe'ési? Kuúng múk Siyoni una ló'wa áhhi? Ahaá, asma mista adoorír sláhh, tam hungu/uusaro ti aleeslayká. Atén wayda una harahhifaán, ala gár hhoo' ar taa slawaán i káhh. Harahhifo ana qaasaán as tawa hunguu/aan, kitaangose tina dae tsaát.

YEREMIA 16:18

Aníng li/oó dakumisuuín nee oo tlakweemaine un buú' sagaáwa tsár, asma yaamu nga meeta gaasiyé' ar tuaá munguii'ín kudá' naa aáhh, yaamuueé' ngaa dalaa/iyé' muruuín kudá' ni waka.»

ESEKIELI 16:39

In gawaá dabaá mulqeerók i qaás, inooín /antenoowók ngiri diyaa/iyá' nee wa/ameedár tay firór i aaeera. Tlabaawók ngiri duuxiyá', nee tlaa/eewók kudaá tlaxo uren ngiri hayoohiyá', kiíng tari mét ar /aankwets ar gaa wasl.

ESEKIELI 43:7

Inós iri báy, «Heewí, diirí an didár kitangw'eé' oo waawuti'iima, an dír tsa/aá ya'aaeé' ngay qamaamiim. An hoót baraá tla/ángw múk Israeli wa ale ay alhhe'eesay wasle. Nee múk Israeli aníng i meetagaasiaaká, inooín awa kilá', laqaá waawitaáín, as slaqsi'iidaá munguaá hatlá' ngiwa haratlintatii'iya', laqaá waawitaáín kudaá qaatl kuwa inslaslay.

ESEKIELI 6:13

Qoomár tu'uuín birka hhaáf didá' mungui ngi firór aa'aya' gawaá tlom'iiwo, gawaá umuúqo gongoamoowo, nee dír gamuú xa'anoó loo/o naa/e oo ti'ita, didá' ilahhooár mooyángw tsuú' ngiwa hanmamisiya', daqaní inooín aníng iri tsaahhiyá' adór tar AAKOÓ MUNGÚ.

HOSEA 10:2

Inooín a al/aymuuse, hám daxta adór kis hariím ngi slayá'. AAKOÓ MUNGÚ kiteeri'ín kudaá ilahhooa gin yaamií daahh, uheemidá' giri fee/.

TLAHHOÓ LAÁWI 20:23

Loohír mukdá' naa geerahúng wa guús ma eeharara', asma adoodá' sleémeero qoomaaká ngina tleehhiyé', aníng ngiri aáhh ló'wa aleeró.

TLAHHOÓ LAÁWI 26:11

Aníng dír hotaaeé' an tleéhh baraá tla/angwhúng nee kuungá' nu baloó geexawaaká.

TLAHHOÓ LAÁWI 26:15

laqaá kaahir'eé' bara waaqaé' nee hara'ayar'eé' kay ahhé' nee daber'eé' kay meeré' sleémeero, nee alqador'eé' kay sié',

AMOS 6:8

Aakoó MUNGÚ lo'o gaa huúw ar umuuwós, AAKOÓ MUNGÚ, Munguú Aleesleemusmo i kaahi, «Aníng ti buhhtamis nee daara/ángw múk Yakobo, nee koo/irós tidá' aa parootuús aníng aga aáhh. Gawaá adoorihe gixsarí aníng a haniís dír wakuuse dinkwa nee umuú gaaro ar baraadií diriia.»

AMOS 7:9

Kiteeridaá saaliingw gawaá tlom'i awa doó Isaka ki fee/, nee wa/angwdá' hhohhó' oo múk Israeli ku taangu tleehh. Aníng tlahhoó waawutmo Yeroboamu un hhaamiís ar paánga.»

DABE 32:19

AAKOÓ MUNGÚ adoorí gana ár, giri aáhh, asma na/iiwós awa daaqaay nee awa dasuuwo nguwa buhhtisiyé'.