TLAHHOÓ LAÁWI 26:19 - Biblía Axweesantá Hhohho' ar Mungú 2004

¹⁹ Aníng daara/angwhúng un faák ar tluwaay nguwa ilaa/, asma doori in gawdeés adór muqsli, nee yaamuuhúng in gawdeés adór muqslír sirdaa/aat.

TLAHHOÓ LAÁWI 26:19 Iomraidhean Croise

1 WAAWITÁ 17:1

Aarusmooko ta bay Eliya oo Tishbe oo yaamaá Gileadi, waawutmo Ahabu guri báy, «Ar umuú AAKOÓ MUNGÚ, Munguú múk Israeli kudá' slaáf, kudá' aníng ni sagadiyuus, tluwaay i baloó taxaatiiká, laqaá hara' u aandaaká ay dír aníng kaangw gway oo'.»

1 WAAWITÁ 8:35

«Tluwaay bira tluwiiká as tlakweemaá naa kuúng i tleehhiyé', bar kuúng ugwa firiné' nee turi haratlintií', nee bar tlakweemaaín ngaa mayé' as kuúng kiwa naanáq,

ISAYA 2:12

Asma baalár AAKOÓ MUNGÚ Aleesleemusmo i hi'ít, dír mukdaádá' sleémeero sage gawdén nee oo daara/uuseero, nee daandemaá kudá' ti gáwtí tleemisá'.

ISAYA 25:11

Inooín daber'ín ngiri tleesiyá' adór múk baraá ma'áy wa qumburu/umiít, ala dinkwa nee xu'utir'ine AAKOÓ MUNGÚ daara/angw'ín kudá' gun suwatsaat.

ISAYA 26:5

Asma yaamuloouusér ayaá gawa gana yaamií daáhh, gixsadá' iia tleer gana yaamií daáhh ay baraá hhape, gari kwaáhh baraá teeri.

ISAYA 28:1

Tsaxwaaín, xufutuusér daara/aam ar Efraimu. Xirfuuín i qwaar adór /ayór aa kat. Xirfuudá baraá xatstá wahhaárí dirií', nee gawaá sagér mukdá' xufta aa bál.

YEREMIA 13:9

«Anuú AAKOÓ MUNGÚ a kah, ‹Adoorí an adoodá' sagagawduú múk Yuda ngur hhitiim, nee daara/ángw úr oo múk Yerusalemu ngur hhaamiis.

YEREMIA 3:3

Gawaá adoorihe baafáy i taxatiiká, tam tluwoó saxi i tluwiiká. Tam adoorihe ilaahúng ki gawden adór kuqaá tsaatuso'o, mure tam ar niiná i káhh.

ESEKIELI 24:21

aníng kuungá' nuwa baw, Aakoó MUNGÚ dír hotaawós ga meetagaas, do'duú xirfuuhúng, nee handá' kuungá' nu qwal/atmís bur ga/eerá'. Tam na/iihúng awa daaqaay nee awa dasuuwo kudá' taa alií geexeeré' ki tsuu/ ar paánga.

ESEKIELI 30:6

«Anuú AAKOÓ MUNGÚ a kah, mukdá' nee múk Misri ti dabe ohiimá' ki hhaamiis, slaqwaruuseedá' pihh'uumár koom sleémeero ka hhaamiis. Iimír Migdoli ay Siyene muu ku tsuú/ baraá slaqwara. Anuú Aakoó MUNGÚ tí aga oó'.

ESEKIELI 33:28

Yaamuuká' i xaanxay tleéhh nee gaa wasle. Pihhuuseerós tidár daara/uuse an suqúw. Tlom'aá Israeli in xaanxay tleéhh, nee heé gawaadár óh i kaahh.

ESEKIELI 7:24

Xoorór ló'wa tlaakw ngi huúw. Inooín maray'ín ki sawaawuti'ín. Daara/angw'ín u faák nee wa/aamer'ín tidá' hhohho' ka meetagaas.

DANIELI 4:37

Hám daxta, anuú Nebukadnesa waawutmoó gawaá doori un xirfayemiís nee un diidi'iimiís, nee un ilaiwawaá/. Asma tidá' inós i tlehhiiti sleémeero i ganá', nee mukdá' aa daara/umiit gawa tin wa /arara'aas.»

SEFANIA 3:11

Baalaadae tlakweemaawók kudá' tawa dee/aanút dir'eene, gár kiwa sa muruumit i káhh. Asma baalaadae mukdá' daara/aám nee ti xirfayeemiís un hingeés diroge. Slám kiíng a malé daara/utká gawaá tloomar'eé' tidá' hhoohhooe.

Luka 4:25

«Ala tí a ló' aáng qoomár Eliyawo kwaeeli ki yaariir baraá yaamaá Israeliwo, qoomaadá' tluwaay iwa qwaár kureeraá tám nee slahheeraá lahhoó', giyér ur ina tleér.

DABE 11:17

Asma adoosíng bara tlehhé', AAKOÓ MUNGÚ buhhtaawo nuri i daa/atúy, aluuwo doori giri tseek tluwaay guri ilaa/, nee yaamu balaangw ngway hamareesiaaká. Kuungá' tari hhaandá' baraá yaamaá hhoohhoo', kudá' AAKOÓ MUNGÚ naa haniís.

DABE 28:23

Doori in kahiyá' adór muqslír sirboo/, as tluwaay wasle, nee daanduú yaamu tari adór muqsli.

1 SAMUELI 4:11

Sandakmooduú alqadór Mungú kuri ar tláy. Hofni nee Finehasi, daaqaydá' tsár oo Eli, kuri tsuú/.

1 SAMUELI 4:3

Muu iwa hardáh baraá xafay'ín, bariisér Israeli iri ó', «Ahaá waáy AAKOÓ MUNGÚ atén mista adoorír slaáhh geeraá múk Filistír wa alé? Gusé', sandakmoó alqadór AAKOÓ MUNGÚ u leehhaán Shilo, ngway huwaán amoorí, daqaní AAKOÓ MUNGÚ nee atén ti alkoomaán, nee ti ba/amis baraá dabaá wakuuseerene.»