TLAHHOÓ LAÁWI 26:17 - Biblía Axweesantá Hhohho' ar Mungú 2004

¹⁷ Aníng nun harasihhiít, nee wakuuserhúng nuri múx, tunduri sawaawuti'ín nee kudá' naa aahhiye', tundun dae tlaaq, nee tari ti'i'iindá' tam handá' heé naa guus i kahhi.

TLAHHOÓ LAÁWI 26:17 Iomraidhean Croise

IIMU/UUNGW 4:12

Tam yaamu bir dósl, bu'úngw hhó' ngu duuxiaaká, slám kuúng tay heé tawó hi'imaamiít, oo doó hootaaká.»

1 WAAWITÁ 8:33

«Qoomár mukók oo Israeli burkwa arbaá/ nee wakuuser'ín asma tlakweemaaín kudá' naa tleehhiyé' diroge, inooín barta hhu'uu'ún, kuúng turi haratlintií', bar gurtleemu ngwaa firiné' tiwa dirógé niinawesiyé' baraá do'owí wa alé,

2 WAAWITÁ 13:3

AAKOÓ MUNGÚ iri ló'wa buúhh, múk Israeli guri ya/án kuwa baliiti baraá slaqwaraaro nee múk waawutmo Hasaeli oo Aramu nee garmaawós Ben-hadadi.

2 WAAWITÁ 13:7

Yehoahasi slaqwaruuse ga konká, ala gár i kon aqo har múk farsuú madiít oo mibeeri kooán, nee gaardu mibaangw, nee slaqwaruusér ya'ár hi'iimiit a kume mibángw wák. Gár tas adoorí a waawutmoó Aramu slaqwaruusér múk Israeli gana hhaamiís, nee gari yaamaá hara adáh adór teerír wa aleeró.

WARA'AMI 44:10

Kuúng atén tina tawó meér, wakuuseerén kari ilaguwaán. Inooín muruurén nguna leehhiyé' haasaáng wa ale.

WARA'AMI 53:5

Didae dae giri eér, daér taa baloó xuiiká. Asma Mungú fadaá múk tlákw gi tsiyayaax. Giri mureekees, asma AAKOÓ MUNGÚ inooín gaa sií'.

WARA'AMI 53:6

Masók ba/amár múk Israeli ni Siyonír dáhh. AAKOÓ MUNGÚ hariímár mukós birnga ki/ís, xwaylár Yakobo iri bará/, múk Israeli iri qwalalaa/.

AXWEESANOÓ SAGALOOA 28:1

Múk tlákw tan tawo goow tam heé gi gusisiím i kahhi, Ala múk hota ganaá' ta diiqiiká adór direeri.

ISAYA 30:17

Mukhúng oo kumuú wák in tlatlaahh barkwa dae tsaát nee heé wák, ala múk kooán burna iigahhaát, kuungá' sleémeero an tlatlahhá', kuungá' tari metá' adór xa'anoó bendeéra oo gawaá ságw tlooma, tari adór layár taa qaás gawaá gongooamo.

ISAYA 63:10

Ala inooín tana dee/aanuút, qeeruuwós kudá' hhoohhoó' nguna gurhaamír ar ayé'. Gawaá adoorihe inós iri warqáy tari wakusmooín, inósuú kilá' iri amor'ín i muxuút.

YEREMIA 19:7

Diirihe aníng múk Yuda nee oo Yerusalemu muruuín kudá' ta qoomeemesi un hhitiím. Aníng wakuuser'ín a baalírí haniís, nee inooín kiri tsuu/ baraá slaqwaraaro. Aníng tu'uuín in máw as tawa muruú /aymár tsir/o nee makaá sla/a.

YEREMIA 44:11

«Gawaá adoorihe anuú AAKOÓ MUNGÚ Aleesleemusmo, Munguú Israeli a kah, gimsé' aníng daxta kuungá' nu amotlakwér i huúw nee yaamuuká Yuda sleémeero i hhaamiís.

WA/AA/I 1:5

Gixaarós kan baliit nee wakuuseerós, wakuuseerós aa slawiín, asma AAKOÓ MUNGÚ inós gana slahh'eemiís as tlakweemaawós kudá' yaariir. Na/iiwós wakuuse gira tleér baraá loohaay.

WA/AA/I 2:4

Ga/aleerós gari tseék adór wakusmo, dakós oo doó /iyáy guri amohhe'eés adór wakusmo, mukdá' sleémeero atén tar daara/aamaar guna tsuú/, buhhtaawós kudá' xaraaslá' adór asla gina ku'uús baraá heemadaá múk Siyoni.

ESEKIELI 15:7

In ló'wa harmagaáhh ar xarasleema. Tam handá' asla kaa waaguwi, asltí aqo gin hhaamís. Qoomár bira harmagaahha hhe'eés ar xarasleema, an qoomár aníng iwa tsaahhiya' tawa AAKOÓ MUNGÚ.

TLAHHOÓ LAÁWI 17:10

«Hee tam gaalá oo xoorór Israeli, laqaá hoomoó ayaaín wa hoót, oo tseere gaa /ayi, heedaádá' aníng u alkoóm nee nguri baynitís dír mukose.

DABE 28:25

«AAKOÓ MUNGÚ wakuuserók ga /uurií haniis, kuúng uri bál slaqwaraaro. Kuúng nee inooín tin dogá' ar loohír wák, ala kuúng tari gop ar lohdu faanqw. Kuúng turi aahh baraá waawuti'iima sleémeerowo.

YOSHUA 7:4

Múk kume tám iri tláy as múk gixsár Ai nguwa muxiya', ala inooín kingiri guús nee múk gixsár Ai.

HAR'OHUUSE 2:14

AAKOÓ MUNGÚ iri qa/iít buhhtaawo dír múk Isreli. Inós giri qaás gawaá dabaá mukdá' gaa i haraatlay. Inós gina ya/án kiwa arba/i nee wakuuser'ín bihhe sleémeero, tam sihhtanór geeraá wakuuser'ín ngiri harslaaqatiyé'.

HAR'OHUUSE 3:14

Xoorór Israeli waawutmo Egloni, oo Moabu guri sagadiyús ar har afiqoomár kureeri mibaá nee dakaát.

HAR'OHUUSE 3:8

Gawaá adoorihe AAKOÓ MUNGÚ iri buúhh, múk Israeli guri máy kuwa baali, nee waawutmoó Mesopotamia oo ta bay Kushan-rishataimu. Múk Israeli Kushan-rishataimu nguri sagadiyuusiyé' ar har afiqoomár kureeraá dakaate.

HAR'OHUUSE 6:2

Xoorór Israeli kari ló'wa slahh'eemiís nee múk Midiani, xoorór Israeli iri hotaá eér baraá boh'ér naa foliitiyé' gawaá tlom'i, nee baraá mar'o nee baraá koo/ír gawit.

1 SAMUELI 12:15

Ala barnaxes afór AAKOÓ MUNGÚ aga iiárií qasi'iiká, ala aqo hara'ayár AAKOÓ MUNGÚ ana sié', daqaní dákw AAKOÓ MUNGÚ i gawaahúng, kuungá' nee waawutmohunge.

1 SAMUELI 31:1

Naagáy, múk Filisti tana slaáqw nee múk Israeli, múk Israeli iri goów geeraá múk Filistír wa ale, kiri tsuú/ gawaá tloomár Gilboa.

1 SAMUELI 4:10

Múk Filisti iri slaáqw nee xoorór Israeli, xoorór Israeli kari baál, umuú heewo iri goów amór do'ós, múk yaariír kuri hhaamiís, baraá xoorór Israeliro slaqwaruusér taa daáhh a kume mibeeri tám ar ya'ár hi'iimiit baraá slaqwaraaro.