TLAHHOÓ LAÁWI 26:16 - Biblía Axweesantá Hhohho' ar Mungú 2004

¹⁶ daqaní aníng adoorí an tleéhh, nun slaáhh ar nuwa de'ér urií huuw ar gaanslaay, nee tiqtír da/eewe, nee ga/atantá nu ila' taampuupuuw, nuri naduduúr. Dahaasingwhúng un dahaasiindá' ala u gár wa sleera'aaká, asma wakuuserhúng gun /ák.

TLAHHOÓ LAÁWI 26:16 Iomraidhean Croise

1 WAAWITÁ 8:37

Barnaxes giyeé naa tleér baraá yaamuwo, laqaá tiqtír pu/i, laqaá tluwaay bir kaahh, laqaá ingigi, laqaá karkari, laqaá tam bar mukók kuna harweér nee wakuuse umuúqo gixsar'ine, laqaá slahha tam gaalá ngaa slayé', laqaá tam tiqti gaala,

YOBU 18:11

Kun dae tlaaq badu sleémeero ar daér hhamhhám, umuú qoomaaro dae gan ar hoot.

YOBU 20:25

Mahaangw kun gawaá slaqwtós wa tuu/, afkú mahaangw i qwiirii/ qoomár burku tu/ún gawaá daanduuwose, daér gwa'ara guri eér.

YOBU 31:8

daqaní gár aníng naa dahaás heé hatlá' ngi /ayi, tam balángw baraá qaymor'eé' ku tu/un.

WARA'AMI 109:6

Heé tlaákw qaaseek kwasleemár wakusmooeé' wa ale, wakuusmooeé' ku sakwasleemuti nee heé nee inós ti waká'.

WARA'AMI 73:19

Adoorí a adoomá kira hhaamiís ar wa'aá wák, kina suquúy ar adór de'e tlaqa.

WARA'AMI 78:33

Gawaá adoorihe deelor'ín gana quqmaareés, adór hinsluú wa ale, slafingw'ín guna hartsaát ar gaansloó dae tlaáq.

TI'INAANGW 15:26

Giri báy, «Barnaxés afór AAKOÓ MUNGÚ Munguúhúng aga iiárií qasé' ar ilakaaharu, nee adór ganaa' kari tlehhé' dír geeraawose, nee hara'ayaarós kari iialooesé', nee kaahirós kari oté', daqaní anuú AAKOÓ MUNGÚ kuungá' nu tiqtírí huwaaká, tidá' naa huúw dír múk Misri. Asma aníng an AAKOÓ MUNGÚ kudá' kuungá' nu hungu/uumiís.»

AXWEESANOÓ SAGALOOA 3:33

Lo'ór AAKOÓ MUNGÚ i daanduú maraá tlakuuse, ala doó heé ganaá' gun tsuuq.

ISAYA 10:4

Gár ti meta' aqo an kulala'amitá' tla/ángw múk taa tseegi, laqaá an pahhá' baraá tla/ángw múk ta baraá slaqwarár wa tsu/i. Tam adoorihe, AAKOÓ MUNGÚ muneerós gaa gu/iiká, tam hamí dakós i loloqoosárí kaahh.

ISAYA 62:8

AAKOÓ MUNGÚ lo'o gaa /aáy ar dakós oo doó /iyáy nee ar dakwduú aleesleemú koóm, i kaahi, «Aníng balangwhúng u male hanisaaká tawa muruú /aymár wakuuserhúng. Tam dahaaye difaáírhúng ga baloó watká tidár gadiyér dabaahúng.

ISAYA 7:2

Qoomár múk Yuda kuwa kaangwí báy, adór múk Aramu nee oo Efraimu tara aldinku'uumiís, muunuú waawutmo nee munér muko iri daaráx adór xaa'aá baraá gara fur'a ngir diingimaamis.

YEREMIA 12:13

Muk'eé' angaáno nguna dahaasiyé', ala gár naa buiyé' a slaamboqáy. Inooín ilakaaharu nguna mak tleehhiyé', ala aqo tawo. Asma buhhtaeé' kudá' xaraasla'a bu'úngw taa sláy a mure.»

YEREMIA 15:3

Anuú AAKOÓ MUNGÚ aga tsabiím mukwí nguwa hhaamiis ar muruuwí tsiyáhh: Inooín kin tsuu/ baraá slaqwara, bahh'alé seeaawe gin karslamís, kookaariya' kin /aay nee tsir/o, nee makaá sla/a, sleémeero kiri hhaamiis.

YEREMIA 15:8

/Ameenár kwaeeli ka yaariir ta hhasángw afaá tlawto. Aníng masoomba ana tsuú/ baraá /uuruuine, nee xwaylitér'ín ngiri slahh'amaayérí huúw. Inooín ina gaanslár dae tsaát, tari slahhaá'.

YEREMIA 20:4

Asma AAKOÓ MUNGÚ i kaahi, ‹Qaytsiít aníng kuúnguú kilá' u de'eérí tleés, mulqeerók kari dae tláq. Inooín kin tsuu/ ar paánga, nee wakuuser'ín dír ilaawók wa alé. Múk Yuda sleémeero un haniís baraá dabaá waawutmoó Babuloni, inós bahh'ale gin loohatis ay Babuloni, nee bahh'ale gin tsuu/ ar paánga.

YEREMIA 5:17

Inooín balangwhúng nee muruú /aymarhúng kun /aay. Inooín na/iihúng awa dasu nee awa daaqaywo ngi tsu/iyá'. Inooín daqooroó hikwaahúng nee bee/angwhúng ngun /ayiyá'. Inooín sabiíbuhúng nee seituúnirhunge ngin /ayiyá' gixsaduhúng kudá' koo/i gawden kuungá' taa harahhifé', inooín ngin hhaamiisiyá' ar xooslár slaqwara.›

ESEKIELI 24:23

Warqamaá sagerhúng in tsegá' nee ya/atahúng in dahasá'. Kuungá' a tsuunqusa'aaká, laqaá a /a/a'aaká. Slám kuungá' tari hhimaamiá' as tlakweemaahúng, tiri kiloohúng i qununu/á'.

ESEKIELI 33:10

«Heewí, múk Israeli kubeeto, kuungá' mas kata', ‹Atén tlakweema nee iringeede taa al'iiloouyé', aga neehuumitaán asma tlakweema. Xáy, adór hotaawo tar kumitaan a adoomá?›

AMOS 5:11

Kuungá' múk narkuute un baramaanuumamisá' nee ohmér yaariir ar angaáno an ohahiindá'. Maraay ina tlehhité' ar tlaa/aá taa tlaáq, ala kuungá' baraá maraysíng i hota'aaká. Kuungá' qamaá sla'atamisá' awa sabiíbu ina mak doslé', ala kuungá' difaáir'ín a wata'aaká.

MIKA 6:15

A dahaasiindá', ala a bu'uunda'aaká. Di/i a tlehhitá', ala a slikiinda'aaká. Na/aá sabiíbu i tsoo/itá', ala ma'aywós i wahaanda'aaká.

HAGAI 1:6

Dahaasíngw yaariír una dahasé', bu'uungw kwaa sleeré' ku ureeká. A mak /ayiindá' ala a axiinda'aaká. A wahaandá' ala a waxe gwagwa'aandaaká. Ti mak untsuumisá' ar tlaba', ala heé axwnoó slasláw i kaahh. Nee kudá' ta peésár bu'un a peésaadá' gan qamín baraá tlakoó aa foox.»

SEKARIA 14:12

Nee xoordu sleémeero kudá' naa slaqwarár aye' amór gixsár Yerusalemu AAKOÓ MUNGÚ gin muux ar tiqtír tlakw, slaqooín niri tsutsatsuiyá' sihhtanoórí ale, nee ilaaín niri tsutsatsuiyá' baraá xoxi'ii'ín i ale nee tsifreeri'ín niri tsutsatsuiyá' baraá afer'ín i ale.

MALAKI 2:3

Qaytsité', aníng na/iihúng i iigahhaát, nee gitsee/erhúng an sliík ar tsuunkáy, ar tsuunkáyduú muruudá' naa ilahhooár wa hubé'. Tam kuungá' sleeme nu muruuhúng kudá' alguús.

DABE 28:51

Inooín hikwaawók ngin /ayiyá' nee balangoge ay dír kuúng uy hhaamisiya'. Inooín kuúng u balángwí geexay'aaká, nee difaáiro, nee di/to. Inooín tse/eetaá hikwaawók, nee deeloó bee/angoge ngun hhaamiisiyá'.

DABE 32:25

Tsee/aawo slaqwara gi fák, nee baraá guruú do'o dae gi fák. Masoombár daaqaay nee dasuú /amaatliiteero i hhaamiís, tam na/aá du'uumá' nee bariisér sage /awake.›

Ebrania 10:31

A gár dae tlaaq kángw kilá' wa ale bara huuaán baraá dabaá Munguú slaáf i alé.

HAR'OHUUSE 6:11

Malaykamoó AAKOÓ MUNGÚ iri tláy, iri iwiít dír gamuú ta/eewi ar baraá Ofra, tidár Yoashi, heé tlahhoó Abieseri. Gideoni garmoó Yoashi i angaánoó muux baraá bohóngw sabiíbu kuwa tsoo/a/iti as mukuwa ár nee múk Midiani.

1 SAMUELI 2:33

Heé wák do'oge bira meét tawa kaahamusmoó Mungú, ina meét as nguwa ila' tampúw, gurhaami guri gás, nee xwaylarók sleémeero kay tsuu/ ar paánga.