TLAHHOÓ LAÁWI 26:15 - Biblía Axweesantá Hhohho' ar Mungú 2004

¹⁵ laqaá kaahir'eé' bara waaqaé' nee hara'ayar'eé' kay ahhé' nee daber'eé' kay meeré' sleémeero, nee alqador'eé' kay sié',

TLAHHOÓ LAÁWI 26:15 Iomraidhean Croise

IIMU/UUNGW 17:14

Umuúqo hhawaata oo ta hheehhe'eesiiká kun paraatl dír mukose, asma alqador'eé' gaa boo/eesiiká.»

2 WAAWITÁ 17:15

Dabeerós eeharto ngina si'iyé', alqadoodá' aa qaás nee baabi'ii'ín nga oohi'iiká, tam adoorihe naanaqarós ngina si'iyé'. Inooín murslaaqatuú tawo nguna harahhifiyé', inooín nay lamuuse tleehhitiyé', slooír xoordaá hatlá' awa yaamuudá' ngina eehaariyé', tam handá' AAKOÓ MUNGÚ ngaa bayi, «Slooir'ín ma oohara'.»

2 QOM'I 36:16

Ala inooín tana kumiít ya/abuuseedá' Mungú aa ya/abiít ngiwa niqina', nee axweesantós ngiwa siaasi'iya', nee aaruuseerós ngiwa waaqaseesena'. AAKOÓ MUNGÚ mukós guri ló'wa i buúhh, tam adór ni kotsqotiya' iri qwát.

WARA'AMI 50:17

Asma kuúng naanaqtaeé' aga áhh. Nee axweesanay'eé' ugwa aluuwógí kwáhh.

TI'INAANGW 19:5

Hám daxta kuungá' bar axweesanay'eé' ugwa iialooesé' nee alqador'eé' aga oté', daqaní kuungá' a muk'eé' oo aalir'eé' baraá tla/ángw xoordaá hatlae, asma tam xoordaá hatlá' sleémeero sleeme a kwe'eé'.

TI'INAANGW 24:7

Aluuwo kitaábuudá' taa alqadór Mungú i gooín, guri taataáhh, guri soomuús dír múkí ale, muu iri oó', «Muruusíng sleémeero AAKOÓ MUNGÚ naa aténí oó', u tleehhaán nee a iialooesaán sleeme.»

AXWEESANOÓ SAGALOOA 1:30

Gurbu'ungw'eé' ugwa ya/aandi'iiká. Naanaqangw'eé' sleémeero kuri waaqaé'.

AXWEESANOÓ SAGALOOA 1:7

AAKOÓ MUNGÚ kuwa ilaiwawa/i an iimu/úngw xu'uti. Ala múk daktana sagalooa nee naanaqto ngi waaqaaqaiyá'.

AXWEESANOÓ SAGALOOA 5:12

tari kilók o', «Án iia /utla maga har sií', nee muunaáeé' iigahhaata minga har waaqaá'.

ISAYA 24:5

Yaamu kaa meetagaás nee mukdá' gi hoót, asma hara'ayár Mungú ngina hhitiné', nee kaahirós ngina si'iyé', nee alqadoodár alhhe'eesay wasl ngiri si'iyé'.

YEREMIA 11:10

Inooín tlehhmi'idá' tlakw awa baabi'ii'ín ngina i ki/iyé' tlehhtuuwo, kudá' axweesante'eé' nga si'iye' eeharto. Inooín munguaá hatlá' ngina harahhifiyé' nee ngina sagadiyusiyé'. Múk Israeli nee oo Yuda alqadoodá' aníng naa oó' dír baabi'ii'ín ngaa geexayé'.»

YEREMIA 31:32

Alqadoorí nee tidá' naa oó' dír baabi'ii'ín qoomár ngiwa duúx baraá yaamaá Misriro ti slay'aaká. Alqadoodá' ngina si'iyé', tam aníng dir'ine a adór aakooine. Anuú AAKOÓ MUNGÚ tí ngina oó'.

YEREMIA 6:19

Yaámu, iia qaasaak, ga/aawaak, aníng mukwí u amotlakweérí huúw, adoodá' inslaway'ín kudá' tlákw kus hariím. Asma inooín axweesante'eé' ngaa gaárií xui'iiká, nee intsaahhasar'eé' sleeme ngina si'iyé'.

ESEKIELI 16:59

«Eeít, anuú Aakoó MUNGÚ an káh, Kiír Yerusalemu, adoodá' tawa hariin ngi kiíng i tleéhh. Kiíng lo'oodá' taa /ák aga waaqá', nee al'axweesantadá' aga meér.

TLAHHOÓ LAÁWI 26:11

Aníng dír hotaaeé' an tleéhh baraá tla/angwhúng nee kuungá' nu baloó geexawaaká.

TLAHHOÓ LAÁWI 26:43

Qoomár inooín yaamuuín birnga geexayé', yaamu Sabaátor'ín ngin saqwalaa/iyá', qoomár bar yaamuuín naa darma tleehhitiyé', qoomaadae bar inooín tlakweemaaín ngaa hhu'uu'uné', kudá' hara'ayar'eé' ngiwa waaqaiyé', nee ngiwa aahhiyé',

TLAHHOÓ LAÁWI 26:9

Aníng kuungá' nu i qaytsiít nuri na/aá yaariír i haniís nee tari doogiindá', aníng alqador'eé' ngiri gawdeés dirhunge.

MALAKI 2:2

Axaasaro bar sla'a'aaká, nee bar baraá munér i qaasaro a sla'a'aaká, as umuueé' iwa xirfuuti,» AAKOÓ MUNGÚ Aleesleemusmo i kaahi, «nu lo'órí huúw. Aníng tsuuqaahúng in lu'ús, nee, iga qaroó lu'ús, asma tí a baraá munerhúng i qamiinda'aaká.

FAARO 15:31

Asma inós kaahír AAKOÓ MUNGÚ gana sií', nee hara'ayaarós gana sií', heewí gár kuwa hariím aqo kun gaas. Lo'ór gwa'araarós inós kilós gun /ák.»

Tlehhema'aá ya/Abuuse 13:41

‹Qaytsité' kuungaásingá' waaqaqa'á', waa/oo/é' nee qwaaré', asma án gadiyérka a tleéhh baraá deelorhunge, gadiyér kuungá' ya/aamaro ta aleesleera'aaká, tam kingi ooi.› »

Rumi 8:7

Asma heé heeuumarós ar tlakweema ga eeharahár, inós nee Mungú a wakaari. Asma heeuumarós hara'ayár Mungú ga iialooeemiská, nee slám ga aleesleeraaká iialooeesaro.

DABE 31:16

AAKOÓ MUNGÚ Mose guri báy, «Kuúng daxta deeloorók ar tawa kahhut naa tseewuúr, nee alaá bara gwá', muu aníng i geexáy, nee munguaá hatlá' kiri eehaar awa baraá yaamuudá' tay hotaá ay. Aníng i geexayá', nee alqador'eé' ngiri geexayá', tidá' nee inooín taa tleehhaán.

1 Tesalonike 4:8

Umuúqo heewo oo intsaahhasarí gaa sii', a kaahaaká hee guna sií', ala a Mungú guna sií', kudá' Qeeruuwós oo hhoohhoó' ngu dirhúngií hanmiís.

Ebrania 8:9

Alqadoorí a adór tidár aangeeká, tidá' naa alqadiím dír baabi'iihúng, qoomár ngiwa duúx ar dakw'eé' baraá yaamaá Misrír wa ale. Asma inooín alqador'eé' kaa eeharahariiká. Gawaá adoorihe aníng inooín ngiri máw sadaawimituuwo. Axweesanaywí Aako guna káh.

1 SAMUELI 12:15

Ala barnaxes afór AAKOÓ MUNGÚ aga iiárií qasi'iiká, ala aqo hara'ayár AAKOÓ MUNGÚ ana sié', daqaní dákw AAKOÓ MUNGÚ i gawaahúng, kuungá' nee waawutmohunge.