TLAHHOÓ LAÁWI 24:9 - Biblía Axweesantá Hhohho' ar Mungú 2004

⁹ Aroni nee xwaylarós kilooín i hariná' mikaátedá' kawa /ayi didá' hhoohhoó' wa ale, asma ka ló'wa hhohho', nee sleeme an ilahhooár tinda haniís as anuú AAKOÓ MUNGÚ ar asla. Tí an hariímar'ín ay alhhe'eesay wasle.»

TLAHHOÓ LAÁWI 24:9 Iomraidhean Croise

TI'INAANGW 27:21

Tsaa'astada' dír kay qas a baraá guruú heémár Mungú, daanduú tsee/a oo kutuwidá' sandakmoó alqadór koom. Aroni nee daaqaywós tsaa'astí ngin dír geeraaeé' wá amohhe'eemisiya', iimír tsiindoó wa tleemu ay matlaatle. Hara'ayaarí ka eehari nee xoorór Israeli qari sleémeero.»

TLAHHOÓ LAÁWI 10:12

Mose Aroni nee daaqaywós kudaá meet, Eleasari nee Itamari, giri báy, «Ilahhooadá' aa met ar balaangw dír tidá' ta hanmaamisa' dír AAKOÓ MUNGÚ tawa ilahhooár da/a, taatahhaak ka /agá' bihhaá kitángw ilahhooár wa ale, mu gár sluuftimisií qaasara', asma ka ló'wa hhoohhoo'.

TLAHHOÓ LAÁWI 10:17

«Ahaá waáy, ilahhooár tlakweema hingeesa masa didá' hhoohhoó' wa /agi'iiká? Asma ka ló'wa hhoohhoo' Mungú ngina dirhúngí haniís as kahhó' kuungá' dakuúsár xooro kawa hingeesa', nee haraki/isa kawa tlehha' dír geeraá AAKOÓ MUNGUHE.

TLAHHOÓ LAÁWI 21:22

Heewí muruudá' ló'wa hhohhó' oo taa duúx Mungú wa ale ngu /ayi, nee kudá' hhohhoe.

TLAHHOÓ LAÁWI 24:10

Looarka wake afo dakumis nina deeruút baraá xaftá wa ale tla/ángw heé Israeli nee masoomoó wák oo aayorós ar múk Israeli ar ta bay, Shelemoti, ala baabuúwós a heé xoorór Misri.

TLAHHOÓ LAÁWI 3:17

Kuungá' wahhna laqaá tseere ma baloó /ayaara', hara'ayaarí ka otá' baraá xwaylarhúng sleémeero umuúqo dír ta hota'a.»

TLAHHOÓ LAÁWI 6:11

Naagáy tlabaadá' i kon giri duux, tlabaá hatlá' giri dahaas, da/ara gari huuw didá' taa fiíts ar xafto guruú tsee/a.

TLAHHOÓ LAÁWI 6:16

Puuruú aa meet kaahamusmo Aroni nee daaqaywós ngun /ayiyá', ngun didá' hhoohhoo' ar baraá afeenár heémár Mungú wa /ayiyá', ala ku sluuftisiiká.

TLAHHOÓ LAÁWI 6:9

«Aroni nee daaqaywós hara'ayaarí baweek: Gaarí an dabér ilahhooár da/a/aangw. Ilahhooár da/a/aangw kan gawaá kitángw ilahhooárí máy xweera sleémeero ay matlaatle, kan ásltí gutlhhún, asltós miwa gwá'.

TLAHHOÓ LAÁWI 8:3

Daqaní dinku'uumár Israeli sleémeero i burumburit dír afkú heémár Mungú.»

TLAHHOÓ LAÁWI 8:31

Mose Aroni nee daaqaywose giri báy, «Fu'unaay dahhsak dír afkú heémár Mungú wa ale, ki /agá' dír afkú heémár wa ale, nee mikaátér baraá katatír ilahhooár paraatla. Adoodá' ngira hara'ayiím niwa oó', ‹Tí kan /aay nee Aroni nee daaqaywós.

MALAKI 1:12

Ala kuungá' umuueé' un slasla/aremisá', asma tawa kata', ‹Kitangwduú ilahhooa kay hanmaamisi kwaa slasla/areés, nee muruú /aymaadá' taa gawaadií qaás a gár waaqa'atiit.›

Matayo 12:4

tana dáh baraá Doó Mungú. Inós mikaáteedá' taa qaás as Mungú gari /aáy, tidá' inós wa hariimaaká /aymaaro, tam mukdá' nee inós ti alkoomá' sleeme, aqo har kaahamuusér Mungú kilós.

Marko 2:26

tana dáh baraá Doó Mungú qoomár Abiatari tawa kaahamusmoó úr oo Mungú. Inós ina dáh baraá Doó Mungú, mikaáteedá' taa qaás as Mungú gari /aáy, tidá' hariimaaká /aymaaro, aqo har kaahamuusér Mungú kilós. Mikaáteedá' gari haniís sleeme dír mukdá' nee inós ti al koomá'.»

Luka 6:4

tana dáh baraá Doó Mungú. Inós mikaáteedá' taa qaás as Mungú gari /aáy, gari haniís dír mukdá' nee inós ti koomá', tidá' dir'ine hariimaaká ngiwa /ayiya', aqo har kaahamuusér Mungú kilós gan /ák.»

1 SAMUELI 21:6

Kaahamusmoó Mungú, Ahimeleki mikaáteedá' hhohho' gari haniís, asma mikaátér hatlá' i káhh, aqo har tidá' taa leéhh dír geeraá AAKOÓ MUNGÚ, kari warqeés ar mikaátedá' tinda sangw hhaákw baraá asltá wa ale.