TLAHHOÓ LAÁWI 24:4 - Biblía Axweesantá Hhohho' ar Mungú 2004

⁴ Tsaa'asoosíng gan qaas gawaá kitangwduú tsaa'aso kudá' taa tleéhh ar sahaábuú hhohhó' as iwa gwa/at daqisleém dír geeraá AAKOÓ MUNGÚ wa ale.

TLAHHOÓ LAÁWI 24:4 Iomraidhean Croise

1 WAAWITÁ 7:49

Kiteeraá tsaa'aso ki qamin gár kira tleéhh a sahaábuú hhohhó', ar kooán bihhaá basa nee ar kooán bihhaá /iya. Baraá kutuwidár baraá do' kiteeraá tsaa'aso gár kira tleéhh a sahaábuú hhohhó', nee /ayo nee tsaa'aso nee oohamaayi, sleémeero awa sahaábu.

1 QOM'I 28:15

Sahaábu bahh'ale kuna qoomeés as kitángw tsaa'aso, nee kooko oo tsaa'aso, umuúqo kitángw tsaa'asiro kuna sahaábuuwós i qoomeés, nee muqslár peésa ar sla'amuut gana qoomeés as umuúqo kitaangw nee umuúqo tsaa'asi.

2 QOM'I 29:7

Inooín sleeme afér do' ngina tseegiyé', nee tsaa'aso ngay gaasiyé', mooyangwdá' tsuú' laqaá ilahhooár da/a ngaa da/i'iiká dír kitangwdá' hhoohhoó' oo Munguú múk Israelír wa ale.

TI'INAANGW 31:8

Meésadá' nee xooslaarose, nee kitangwdá' hhoohhoó' oo tsaa'aso ki qamin nee xooslaarose, nee kitángw ilahhooár mooyángw tsuú' kuwa da/aa/an.

TI'INAANGW 39:37

nee kitángw tsaa'aso, nee tsaa'asorose, nee xosluuwós sleémeero dinkwa nee di/oó tsaa'asooro,

YEREMIA 52:19

Geeraharusmooduú xuumuuse isanga'aay sleeme guri ar tláy, nee hhansi'i, nee iimpu, nee hutli'i, nee kiteeraá tsa'aaso kay qamaamin, nee tsukumi'idá' uren, nee isangaoó ilahhooár muruú wahaangw, xooslarí bahh'alé ar sahaábu, tooka ar muqslár /awak.

TLAHHOÓ LAÁWI 24:3

Aroni tsaa'asi ngi qaasi baraá heémár Mungú, alaá inqwaaridá' heéma ga tla/a qasis tidá' sandakmoó alqado gwa baq as iwa gwa/at geeraá AAKOÓ MUNGÚ wá alé xweeraawo ay matlaatle. Gaarí an dákw ta eehada' baraá xwaylarhúng sleémeero ay alhhe'eesay wasle.

FAARO 3:31

Gadiyér'ín an sandakmoó alqado amohhe'eemis, nee meésa, nee kitángw tsaa'aso kay qamaamin, nee kitángw ilahhooa nee xoosladár didá' hhoohhoo' ar tar gadiyuusi nee kaahamuuse, nee inqwaruú tarereiingw. Gadiyeduuká' sleémeero inooín ngin tlehhiitiyá'.

FAARO 4:9

«Inooín inqwaarír sirboo/ ka kitángw tsaa'asoórár tuuntuuki nee tsaa'asoorose, nee makaásaywós, nee iimpe nee xoosla sleémeero tidá' taa dí/tár qamaamin.

FAARO 8:2

«Aroni ádbaweek qoomár bir tsaa'asoodá' faánqw qamín gawaá kitángw tsaa'aso, ngi qoomeesi as iwa gwa/at amór geeraá kitangwdá'.»

Ebrania 9:2

Heémarka i deer ar matla/eerdaá tsár koom. Matla/aangós oo geera a kudá' ta babay Didá' Hhoohhoo'. Muruú baraadí dirií' an tsaa'asi nee meésa, nee mikaáteedá' taa qaás as Mungú.

Geehhoeemaá 1:20

Lu/aaroó tsatse/uudá' faanqw, kudá' kuúng taa aán baraá dakw'eé' oo doó /iyáy, nee oo kiteeridá' faanqw awa sahaábu awa tsaa'asór koomá', gídaabárós a tí: Tsatse/uudá' faanqw a malaykér múk kríshaanáyduú baraá gixsadaá faanqw. Nee kiteeridá' faanqw awa tsaa'asór koomá' a múk kríshaanáyduú baraá gixsadaá faanqw.»

Geehhoeemaá 11:4

Lamabu'uuseerí tsár a xaaiidá' ta babay seitúni. Nee slám a tsaa'asoodá' tsár, tidá' sihhimiit dír geeraá Aakoó yaamuú wa ale.

Geehhoeemaá 2:5

Gawaá adoorihe, inslaweek didá' kuúng tawa hú', hhu'u'uúm, nee tlehhemi'iiwók kudá' geera ta tlehhahhit ki tléhh. Ala adoorí barnaxes aga tlehhiká, aníng niqo hardáh amoorók, nee aníng daqaní kitaangók kudá' tsaa'astá koóm u hingeés dirós tidá' i dirii'i, bar kuúng aga hhu'u'uundiiká.