TLAHHOÓ LAÁWI 23:6 - Biblía Axweesantá Hhohho' ar Mungú 2004

⁶ Bál mibaá nee kooán ar slahhangwduú kilá' deelór ur ar mikaátér taa sluuftisiiká in iimu/uún. Deelo faanqw mikaátér taa sluuftisiiká an /agá'.

TLAHHOÓ LAÁWI 23:6 Iomraidhean Croise

TI'INAANGW 12:14

Baalaarí a baalár baloó gunqarutaaká dirhunge. Kuungá' deelór ur an tlehhitá' dír AAKOÓ MUNGÚ ay qari sleémeero. Gaarí an dákw baloó warqawaaká.»

TI'INAANGW 23:15

Deelór ur ar mikaátér taa sluuftisiiká an tlehhá' ar adoodá' ngira hara'ayiím. Mikaátér taa sluuftisiiká an /agá' deelo faanqw qoomár slahhangwdá' niwa ti'ité' baraá Misriro oo ta bay Abibu. Nee umuúqo heé deeloorí nga boo/eesár ayi mindiwa geeraaeé' daqáy ar dákw kaahaár.

TI'INAANGW 34:18

«Deeloodá' ur ar mikaáteedá' taa sluuftisiiká inslawaak. Mikaáteedá' ta sluuftisiiká an /agá' ay deelo faanqw ar adoodá' aníng ngira hara'ayiím, qoomaadá' taa qaroó qaás ar slahhángw ta bay Abibu, asma an qoomár kuungá' niwa baraá yaamaá Misrír wa ti'ité'.

DABE 16:3

Ilahhooarí ma al/ayaara' nee mikaátér taa sluuftís. Deelo faanqwe mikaátér taa sluuftisiiká na /ayaak, inós kan babay mikaatér slahh'eemis, asma kuungá' ana gaanslár ti'ité' baraá yaamaá Misriro, gawaá adoorihe, deelo sleémeero kuungá' deeloodá' tawa baraá yaamaá Misrír wá ti'ité' an inslasleerá'.

DABE 16:8

Ar har afiqoomár deelo lahhooe mikaátér taa sluuftisiiká an /agá', nee bál faanqw a baalár ur ar muu iwa burumburiti as AAKOÓ MUNGÚ kuwa sluufmiisi, nee baalaadae ma gadiyuusara'.