TLAHHOÓ LAÁWI 23:3 - Biblía Axweesantá Hhohho' ar Mungú 2004

³ Deelo lahhooe gadiyeé an tlehhá', ala bál faanqw a baalár Sabaáto. Baalaarihe a gadiyusa'aaká, dinku'uumár hhoohhoo' an tlehhá'. Bál faanqwe a gadiyusa'aaká, an Sabaáto, an baalár taa paraátl as anuú AAKOÓ MUNGÚ baraá hotaahúng sleémeero umuúqo diiro.

TLAHHOÓ LAÁWI 23:3 Iomraidhean Croise

TI'INAANGW 16:23

Mose giri báy, «Adoosíng taa tlehhé' an hara'ayár AAKOÓ MUNGÚ. Asma matlo a baalár hhoohhoo' ar huungu/uusa, a deelór Sabaátór hhoohhoo' ar AAKOÓ MUNGÚ. Gimsé' tlawsé', muruú /aymár ta kwasasahhaasár wa sla'a' kwasasahhasaak, nee oo ta humrór wa sla'a' humimaak, nee oo aa meet amohhe'esaak ay matlo.»

TI'INAANGW 16:29

Ga/aawaak, AAKOÓ MUNGÚ deelór Sabaátó ngina haniís. An gár bál lahhooe muruú /ayma kungusa tlahhás ay deelo tsár. Gimsé', umuú heewo i hungu/uusi dír do'ós i alé, hee miwa hi'iitanór áy bál faanqwe.»

TI'INAANGW 16:30

Naagáy bál faanqwe muu iri hungu/uús.

TI'INAANGW 23:12

«Deelo lahhooe gadiyuús, ala bál faanqwe ta hungu/ús, sleerók nee daqwaywoge sleeme i hungu/usiye', nee na/aá lawaalo'oorók nee dahaaymoó do'oge i hungu/usiye'.

TI'INAANGW 34:21

«Deelo lahhooe kuungá' an gadiyusá', ala bál faanqwe an hungu/usá', barnaxes an qoomár doosla laqaá an qoomár bu'uungw, kuungá' aqo an hungu/usá'.

ISAYA 56:2

Heé amohhoó' a kudá' muruuwí gu tlehhiít, nee heedá' muruuwí gwaa oh, kudá' deelór Sabaáto gaa oh as mingiwa meetagaás, kudá' taa ilaa/ muruú tlákw tlehhtuuwo.»

ISAYA 56:6

Nee mukduú dahaaye naa haragwaa' dír AAKOÓ MUNGÚ, nguwa sagadiyuusiya', nee umuú AAKOÓ MUNGÚ nguwa slaiya' kudá' sleémeero deelór Sabaáto ngaa oohiye' nee ngi meetagamisa'aaká, nee alqador'eé' nga oohiye'.

ISAYA 58:13

«Barnaxes bál deelór Sabaátooro gadiyeé aga meeré', aga gadiyuská deelor'eé' tidá' hhoohhooe, tari deelór qwal/amaaye nee deeloodá' hhoohhoo' ar AAKOÓ MUNGÚ kari ilaiwaawá/. Barnaxes deeloodá' aga ilaiwa/é', ala tidá' ta sla' aga tlehhká, laqaá tidá' baraá muunaáwóge ta sla' aga tlehhká, laqaá muruú tawo ugwa axweská.

TLAHHOÓ LAÁWI 19:3

Umuú heewo gár kuwa hariím a baabuúwós nee aayoorose gin ilaiwawaa/, nee deelór Sabaátor'eé' gan amohhe'eemiis. Aníng a AAKOÓ MUNGÚ, Munguúhúng.

Luka 13:14

Heedaádaá úr oo doó saaliingw iri buúhh, asma adoodá' Yesu /ameenidá' ngiwa hungu/uús deelór Sabaátoro, boo/aydá' guri báy, «Deelo lahhoó' i deer ar gadiyeé. Hardaharé' deeloodá' lahhooe, kuungá' tunduwa hungu/uumisi, ala a bál deelór Sabaátorooká.»

Luka 23:56

Tari waátl, mooyaangw kuri amohhe'eés nee di/i. Nee bál deelór Sabaátoro tari hungu/uús, ar adoodá' kara hara'ayín.

Tlehhema'aá ya/Abuuse 15:21

Asma iimír aange hara'ayár Mose ka soomamuus baraá maraá saaliingo umuúqo deelór Sabaátoro, nee axweesanaywós kudá' ku alki/aa/iit umuúqo gixsaro.› »

Geehhoeemaá 1:10

Bál Deelór Aakoowo Qeeru aníng ina i hardáh, afór ur ngiri axaás ar axwees aluueé' wa ale. Afoorí a adór afór tarumbeéta.